فزعتكم ياجماعة الخير ضروري
اولا مبارك عليكم الشهر الله يجعلنا من صوامه وقوامه والله يتقبل منى
انا ان شاء الله ناوي اقدم على بعثات الوزارة للمرحلة الثامنة فاتمنى منكم المساعدة ياخوان
بحثت بالانترنت عمن يساعد في بعض المعلومات وفي القبول فوجد هذا المنتدى الاكثر من رائع واحب ان اشكر القائمين علية
من منطلق منتدى مبتعث وهو قول الرسول صلى الله علية وسلم ( خير الناس انفعهم للناس) = اولا مره بحياتي اكتب مقدمة
ابدخل بالموضوع مباشر طالبين فزعتكم بهالرمضان ( احس اني طولته عاد
قدر الله علي وتخرجت بكالوريس حاسب الى ودي اكمل ماستر تخصص اي تخصص فيه حاسب مثل شبكات او تقنية معلومات ( طيب بعدين
وبما انني سعودي اذا ابي جامعة سهله او متساهلة في للدراسة الماستر الحاسب شبكات او تقنية معلومات ( الله يرحم والديكم لا احد يجي ويقول مافيه شي اسمه سهل ترى ادري والله بس في جامعة تفرق عن جامعة )
تكفون انا مااعرف عن موضوع الجامعات وسمعت في جامعات كثير مقفلة
ياليت تعطوني اسامي جامعات تكون سهله وماتكون مقفلة او المهم مب صعبة اذا ماعليكم امر وقدرتوا تساعدونن في الحصول على القبول اكون لكم من الشاكرين
فياليت تعطون اسمها وفي اي ولاية ياليت تكون في مدينة زينه( الله يرحم ولاديكم فكونا عن المدن الكئيبة) واذ قدرتو تحصلون لي قبول ( ماتبي تقعد بيتكم ونجيبلك الشهادة مره وحده
في الختام ادري ان طولت الكلام بس والله مالي الا انت تكفون ساعدوني
شاكر ومقدر لكم التعاون مع المحتاجين
رد: فزعتكم ياجماعة الخير ضروري
رحم الله والديكم فوق مئة مشاهدة ولا فيه ولا كلمة لو جبر خاطر على الاقل
رد: فزعتكم ياجماعة الخير ضروري
السلام عليكم ورحمة الله وبركاتة --- الله يوفقك ويسر امرك هذا والله اللي اقدر عليه والله ماعندي معلومه بس اتمنا من الاخوان يفيدونك
رد: فزعتكم ياجماعة الخير ضروري
ما عندي اي خلفية عن موضوعك بس حبيت ارفع لك هوه
وادعي لك بـ انه ربي ييسر لك الالتحاق بـ الجامعة اللي تناسب قدراتك وتكون
مرتاح وانت تدرس فيها
عسى انه الشباب ما يقصروا معاك
رد: فزعتكم ياجماعة الخير ضروري
لا تستعجل على قبول الجامعة من الحين .. تعال ادرس لغة وخلالها دور وبتحصل سعوديين زيك يدورون على قبول وبتسمع عن الجامعات اللي سهلة واللي صعبة وووو
رد: فزعتكم ياجماعة الخير ضروري
زايد الحبابي و اوكاسيا و KFUPMer
جزاكم الله خير رفع الله قدركم مثل مارفعتو الموضوع الله يوفقكم بدراستكم بالدنيا والاخرة بعد
الاخ KFUPMer
يمكن انت معك حق لكن
انا الحين اللي انا اعرفه انه ما اقدر اجي الا معي قبول جامعة ومعهد عشان اقدر اطلع لم امريكا تبع البعثة المرحلة الثامنة
لكن انت يمكن تقصد انه اجي على اي قبول جامعة ومعهد وخلال فترة اللغة ادور الجامعة السهلة ( انت تقصد كذا)
وعموما جزاكم الله خير اللي جبرتوا خاطر ي
اتمى اللقى مشاركات اخى للمساعدة وشكرا لكم جميعا
رد: فزعتكم ياجماعة الخير ضروري
عمري ما سمعت ان برنامج الملك يطلبون منك قبول جامعه قبل ما تطلع .. عادي تقدر تطلع بقبول لغه وهذا الحاصل في كل المراحل السابقه .. هل تغير النظام رسميا؟
رد: فزعتكم ياجماعة الخير ضروري
KFUPMer
قل امين
الله يرحمك ويرحم والديني ووالدينك ويغفرهم ويعفو عنهم
ياشيخ رح الله يفرجلك همك مثل ماريحتن
معليش اخوي
انا كنت اخذا المعلومات من واحد رايح بكالرويس على حسابة بعدين انظم ( انا الغلطان امسح بوجهي
طيب كم المدة المطلوب من اني اجيب قبول جامعة مثلا بعد شهرين من وصولي
ابسالكم ايشرايكم ايش الولاية الزينه برايك ( سوال على جنب انا الصراحة براسي كندا ادرس لغة بعدين ان شاء الله اقدر احول ايش رايك ايهم ازين كندا ام امريكا
رد: فزعتكم ياجماعة الخير ضروري
الله يجزاك خير
اهم شي تجيب قبول قبل انتهاء فترة اللغة اللي هي سنة او سنة و6 شهور اذا طلبت تمديد
ما اقدر افيدك بالولايات والله
رد: فزعتكم ياجماعة الخير ضروري
ما انصحك تدخل بـ معمة التغيير من دولة لـ دولة
روح امريكا لـ احد الولايات الشمالية القريبة من كندا عشان تنزل لهناك اجازة و ترجع
بس كندا قبولاتها صعبة ودخول الجامعة هناك شبه مستحييييييييل كثير يعانوا من توفير قبولات في كندا
كل ولايات الشمال حلوة وعلى الاغلب اسعارها متوسطة يعني تعيش هناك بـ الراحة خاصة لو سكنت مع قروب شباب
روح واشنطن
سياتل جدا حلوة وكندا قريبة جدا منها وفيه حولك كم ولاية بطلة يعني تقدر تستاجر سيارة وتنزل اوريغون في الويك اند تقضي من هناك
مستلزماتك ومستلزمات البيت عشان ما تدفع ضرائب :)
اتوكل على الله واستخير واسال اهل الخبرة وربي يكتب لك اللي فيه الخير