هل فيه مشكله لو شريت سياره على انها هديه حتى ما ادفع التاكس ؟

السلام عليكم ورحمة الله وبركاته،،

يا شباب عندي استفسار لأهل الخبره..هل فيه مشكله علي انا لو شريت سياره من واحد على انها هديه ؟؟

السبب وهو انه اذا كانت هديه فا ماراح ادفع التاكس $$$

والتاكس حق الموتر حوالي الف دولار...مع ان راعي السياره كوري وانا ما اعرفه ولا شي..شفت اعلانها بكريقلست وقالي انه راح يعطينياه على انها هديه..والله خايف من هالحركه اخاف ادخل في سين وجيم...وش رايكم ؟؟؟

وللعلم انني راح اشتريها في ولاية انديانا..

يفيدون الاخوان ان شاء الله

نحنا السعودين نسويها بين بعض ,, وقد سويتها شصيا مع واحد امريكي , بس ما كنت هديه السيارة قيمتها 3500 ,, خليناها 1000 في المبايعه وهوه اخذ ,, 3500 ,, ما عندك مشكله سويها وقلبك قدك ولا تشيل هم

بس في ملاحظة ,, لو عملت هذي الطريقة سعر السيارة راح يطيح بنسبة 50 % لمن تجي تبيعها لمعرض او لمن تعرضها للاجانب .

ترى الشغلة مو خذني جيتك .. في بعض الولايات ما تقدر تسجل السيارة على انها هديه الا اذا كان مهداه من قريب من الدرجة الاولى .. نصيحة لا تدخل في متاهات وتحايل على النظام والكوري ما عليه بيبيعك السيارة وياخذ فلوسه وانت اللي بتتورط لو صار مشكله

نصيحة أخوية خلك نظآمي في بلد يقدس شي أسمه النظآم .. الف دولآر وترتآح نفسياً ولا بلآش وتعيش متوتر ومو مرتآح نفسياً ..

مشكورين على تفاعلكم ياشباب...

اقتباس:

---

المشاركة الأصلية كتبت بواسطة يوسف لبان

بس في ملاحظة ,, لو عملت هذي الطريقة سعر السيارة راح يطيح بنسبة 50 % لمن تجي تبيعها لمعرض او لمن تعرضها للاجانب .

---

ممكن توضح لي اكثر لأني مافهمت...كيف ينقص 50% ؟ لأن هم مايدرون عن قيمة السياره بكم شريتها...

اقتباس:

---

المشاركة الأصلية كتبت بواسطة - طموح -

مشكورين على تفاعلكم ياشباب...



ممكن توضح لي اكثر لأني مافهمت...كيف ينقص 50% ؟ لأن هم مايدرون عن قيمة السياره بكم شريتها...

---

مثلا فورد توريس مديل 2002 ماشي 150 الف ميل طبيعي يكون سعره في حدود 3500 او 3000 دولار ,, في التايتول يكون مكتوب قيمة السيارة من المالك الي قبلك ,, وكل ما زاد الكيلو يقص السعر ,, السيارة تنقص سعرها ,, ولمن

ولمن تكتب في التايتل انها هديه ,, بيتسجل انها هديه ,, لمن تجي تبيع بعد كم شهر يا دوب تجبلك 1000 دولار

ت

اقتباس:

---

المشاركة الأصلية كتبت بواسطة يوسف لبان

مثلا فورد توريس مديل 2002 ماشي 150 الف ميل طبيعي يكون سعره في حدود 3500 او 3000 دولار ,, في التايتول يكون مكتوب قيمة السيارة من المالك الي قبلك ,, وكل ما زاد الكيلو يقص السعر ,, السيارة تنقص سعرها ,, ولمن

ولمن تكتب في التايتل انها هديه ,, بيتسجل انها هديه ,, لمن تجي تبيع بعد كم شهر يا دوب تجبلك 1000 دولار

ت

---

طيب سؤال..الان قيمة السياره ينقص منها 50% اذا كانت هديه او اذا شريتها بسعر رخيص ؟ ( مثلا هي بـ10000 وسجلتها على انها بـ5000 )

والتايتل من وين اعرفه وكيف اعرف بكم شراها اللي قبلي ؟

ومشكور

التايتل هذي الورقه حقت المبايعة تلاقيها مع مالك السياره ورقة تثبت المليكة تقريبا زي الاستمارة ,, طبعا النظام في امريكا ما يحتاج صاحب السيارة يروح معاك مكتب التسجيل ,, هو بس يوقع على التايتل انه باعك بالطريقة الي اتفقتو عليها ,, وثاني شي طلع تقرير الكار فاكس عشان تشوف السيارة انصدمت ولا انقلبت ولا صرلها مصيبه لا قدر الله ,,

مشكور يالحبيب...بس ماجاوبتني على السؤال الأول :)

اقتباس:

---

المشاركة الأصلية كتبت بواسطة - طموح -

طيب سؤال..الان قيمة السياره ينقص منها 50% اذا كانت هديه او اذا شريتها بسعر رخيص ؟ ( مثلا هي بـ10000 وسجلتها على انها بـ5000 )

---

لأن انا سألت كم واحد عنها قالو مب صحيح انه ينقص منها نص قيمتها اذا جتك هديه او سجلتها بقيمه اقل من قيمتها...ممكن تأكد لي الله لايهينك



وبالنسبه للكار فاكس..انا شيكت عليها اليوم واكتشفت انه صار لها حادث بسيط Minor Damage في الـBumper الخلفي وهي اصفار وكاله...يعني قبل لا احد يشتريها...هل فيها مشكله ولا عادي ؟