لاحول صحيح توي ماكملت شهرين بس.’’’
السلام عليكم ورحمة الله وبركاته
مبارك عليكم الشهر
والله يتقبل منا ومنكم
لي 45 يوم بامريكا وسمعت.انو اقدر اخذ تذكرة في رمضان حتى لو ماكملت 9 شهور
المهم بسم الله ماشاء الله عليهم الرفض جاء في سرعة البرق
يقولي انت منظم حديثا للبعثة
طيب أنا منظم حديثا وطالب اجازة للعشر الاواخر وعيد الفطر
وتم رفضها
طيب جاري عطوه تذكرة وتوه ماكمل 4 شهور
ولحد يقول واسطه اعرفه ماعنده واسطه ولا شيء
وش الحل اشغلهم والا انتحر
رد: لاحول صحيح توي ماكملت شهرين بس.’’’
وقت ماتطلب امر الاركاب المفروض ماتختار تذكرة سنوية
اختار اخرى وبعدين اجازة طالب
رد: لاحول صحيح توي ماكملت شهرين بس.’’’
الصراحة لو انا منهم ما اعطي تذكرة الا بعد تسعة شهور لو المبتعث يمشي ع راسة تبي ترجع ارجع ع حسابك دلع والله (الكلام هذا ليس موجه لشحص معين)
ياخي نوك جاي بسم الله وتبي ترجع
المفروض انك ماجيت اصلا الا بعد العيد اذا انت تشتاق للسعودية كثير
رد: لاحول صحيح توي ماكملت شهرين بس.’’’
اقتباس:
المشاركة الأصلية كتبت بواسطة Naif1981
الصراحة لو انا منهم ما اعطي تذكرة الا بعد تسعة شهور لو المبتعث يمشي ع راسة تبي ترجع ارجع ع حسابك دلع والله (الكلام هذا ليس موجه لشحص معين)
ياخي نوك جاي بسم الله وتبي ترجع
المفروض انك ماجيت اصلا الا بعد العيد اذا انت تشتاق للسعودية كثير
اول شيء ردك كان قاسي شوي
ثاني شيء اتفق معك لكن بشرط انه ماتكون عنده اجازة (يعني يبي يرجع وهو في منتصف دراسة)
لكن الي اعرفه ان اغلب المعاهد تعطي اجازة في هالوقت من هالسنة طيب ايش المانع اذا رجع يعني هو سوا الي عليه فتح ملف والتحق بالبعثة وفوق كيذا رمضان وشهر خير ليش مايرجع ويستانس مع اهله
لان رمضان في امريكا لا طعم ولانكهة يعني ماينلام اذا بغى يرجع وبعدين ماشوف فيها فرق اذا رجع الحين او بعد 9 اشهر
في النهاية ماراح تدفع له انت من جيبك عشان تجي كلك وترد عليه بمثل هالأسلوب ياليت نرتقي بالأسلوب شوي لاني بصراحة ماعرفت هل انت تهاوشه ولاتنصحه
اذا قصدك نصيحة فهذا ماهو اسلوب تنصح فيه ابدا
واذا قصدك تهاوشه فمع حترامي لشخصك الكريم تراه ماهو اصغر عيالك
لانه مافيه احد يرضى على نفسه هالأسلوب تخيل احد يرد عليك بالشكل هذا كيف راح يكون شعورك؟
اكيد ماراح ترضاها على نفسك.