استفسار حول شحن الكتب الشرعية الإسلامية إلى أمريكا

أشكر الجميع على تفاعلهم مع استفساري..
أنا عارف إن فترة اللغة ما يمدي الواحد يحك راسه
بس لا بد الواحد يكون عنده مكتبة ولو مصغرة، يعني مستحيل الواحد ما يفرغ ساعة بالاسبوع
وأيضا في فترة الاجازات ممكن الواحد يقرأ ولو ساعة باليوم.
وطبعا كل واحد وطريقته في ترتيب وقته
أنا الي كان مشغلني إنهم يدقرون علي ، بس إن شا الله الامر سهالات
بشحنها عن طريق فيدكس اضمن من حوسة تفتيش المطار

شاكر لكم تفاعلكم

ماراح يهتمون بنوعيى الكتب الي جايبها، اهم شي لا تشتغل شغل دعاة هناك وتوزع كتب ....واذا على القراية فترا ما راح تلقى وقت،اشغل وقتك بالانجليزي وقراءة اي كتبة انجليزية،،،والكتب الدينية تحصل بعضها على الانترنت فلا تتعب نفسك بالشيل والحط لانك راح تندم يوم انك فكرت مجرد تفكير تجيبلك هالكراتين وفوقها شناطك

اخي الكاتب ,

اذا فكرت قدام شويتين , راح تلاقي ان عندك مكتبه ثانيه من الكتب المهمّه اللي راخ تدرسها هنا. و كتبهم هنا كبر البلكّ. و الكتب اللي راح تدرسها لا تقل بالاهميّه بمكان انك اذا توظفت باذن الله تستعملها كمراجع. انا شخصيّاً اكلمك عن واقع تجربه من كتاب درسته عام 2001 و جبته معاي لأني موقن [اني راح احتاجه و احتجته! و حمدت الله اني حافظت عليه و خذته معاي من امريكا للرياض و قعد كل ذالسنين و جبته معاي الان , فأقول لك انك راح تواجه مشكله و ايّما مشكله لأن الكتب كالفولاذ من ناحية الوزن ة البهذله.

ناهيك عن ان الكتب الاسلاميّه بفضل الله في كل حتّه في النت و لله الحمد و هذا شيء يثلج الصدر و الطلب عليها عالي كمان و الفعاليّه للكتب الرقميّه عالي من نواحي عدّه ... اهمّه خفّة الوزن.

انصحك تجيب كتاب واحد ,,, القرآن الكريم ... و هو افضل الذكر يعني , ولا من ناحية العلم فعندك اذا وصلت هنا مناهل تنهل منها كيفما و اينما و وينما بغيت و اردت والامر راجع لك اولاً و آخراً .. غير انك راح تلاقي كتب مثل اللي عندك و اكثر في المساجد اللي عندك اخي الحبيب.

اخيراً لا املك الا ان احيَي فيك تمسكك في طلب العلم و الازدياد قبل المعاد و خير الزاد التقوى , و لكن كانك ملزوم تجيب كتبك لا محاله فلن يضيرك شيء باذن الله اطلاقاً من ناحية المطار.

الله يعينّا اجمعين ,

أنا كان همي هل يسوون مشاكل على نوع الكتب الي بشحنها إذا كانت شرعية
الكتب لي وليست للتوزيع
أما إني ما راح ألقى وقت فممكن أتفق معك، ولكن أنا احتاج الكتب لأنه في الأصل أنا متخصص في الشريعة
وصراحة أنا ما أحب القراءة من كتب الإلكتورنية، أحب إني أقرأ من الكتب الورقية
وأنا بشحنها عن طريق فيدكس أو أي شركة شحن أخرى

لك جزيل الشكر على إفادتك

أخي زمبليطه
أشكرك على إفادتك

أولا أنا موظف (: معيد في جامعة ،وأنا أوفقك إن الكتب الدراسة مفيدة ومهم الاحتفاظ يها
أما من ناحية الشحن فأنا ما راح أشحنها معي في الطيارة وإنما راح أشحنها عن طريق شركات الشحن من بلدي إلى بلد الدراسة ، طبعا أكيد راح يكلف الشحن بلا شك

أما قراءة الكتب من الإنترنت فأنا لست من هواة قراءة الكتب الإلكترونية، وأنا أقرأ الكتب الـ pdf على سبيل الاضطرار إذا كان الكتاب غير موجود عندي..

لك جزيل الشكر على مرورك