الله لايوفقهم مكتب الطيار
السلام عليكم صباح الخير
اخواني .. انا بقولكم سالفتي اللي صارت
قبل شهر وشوي تقريبا رفعت طلب تذكرة والحمد لله تمت الموافقة وحولوني على مكتب الطيار وبالتحديد مكتب بلو سكاي
المهم ردت علي مشرفة اسمها عبير ع الايميل والجوال وتواصلت معاي واتفقنا على الحجز وكل شيء
مرت هالشهر ونص وجاء وجهزت اغراضي وكل شيء وطلعت للمطار امس وقالو لي ان الحجز ما تأكد !
حاولت معهم يمين يسار طلع فعلاً ان الحجز مادفعوه وفي النهاية طلعة الموظفة ما أكدت الدفع .
رجعت للبيت وادق على رقمها لقيته مفصول او حاجة زي كذا وراسلتها بالايميل 6 رسايل وبرضو ماجاني شيء
ومسكت ارقام ثانية وادق وادق وادق وارسل ايميلات ولا احد يرد علي
ادق على ارقام الطوارى تبع الملحقية وبرضو مافي رد
عموماً قدر الله وماشاء فعل وكل شيء صار
لكن ليه تهاون المشرفة كذا ؟ تلعب بمشاعر الناس وما تأكد الحجز وتخليني اتوهق
انا الآن تحت ثلاث حلول
الحل الأول انتظر سعادتها ترد علي
الحل الثاني اروح واشنطن الأثنين واشرح لهم الموضوع كله ولو وصلت شكوى
الحل الثالث احجز تذكرة على حسابي وامري لله
اتمنى اللي عنده ارقام لمكاتب الطيار او بلو سكاي يكتبها لأني بدق عليهم واتفاهم مع هالمشرفة
بانتظاركم
رد: الله لايوفقهم مكتب الطيار
الله يعينك اخوي ,,, لكن انا جربت واتصلت ع السفاره ,, قسم الرعايا السعوديين ,, وكل اللي بقلبي قلته لهم ,, سبييت ولعنت خير الطيار الزفت ,, قفلت من هنا اتصلت ع الطيار رد علي واعطوني الحجز ,,, جرب ,, واتصل ع السفاره ,, يمكن تتعدل امورك ,,
الله ييسرلك امورك ,,,
رد: الله لايوفقهم مكتب الطيار
رد: الله لايوفقهم مكتب الطيار
اذا معك امر اركاب خل احد باليسعوديه يحجزلك
رد: الله لايوفقهم مكتب الطيار
^
ايه معاي امر اركاب .. بس يعني اي واحد يقدر يحجز لي ؟
رد: الله لايوفقهم مكتب الطيار
انا اليوم رايح الطيار اللي بالخبر تبي احجزلك حاضر
رد: الله لايوفقهم مكتب الطيار
ايه اذا تقدر
عطني رقمك بالخاص
رد: الله لايوفقهم مكتب الطيار
اقتباس:
المشاركة الأصلية كتبت بواسطة الماء البارد
الله يعينك اخوي ,,, لكن انا جربت واتصلت ع السفاره ,, قسم الرعايا السعوديين ,, وكل اللي بقلبي قلته لهم ,, سبييت ولعنت خير الطيار الزفت ,, قفلت من هنا اتصلت ع الطيار رد علي واعطوني الحجز ,,, جرب ,, واتصل ع السفاره ,, يمكن تتعدل امورك ,,
الله ييسرلك امورك ,,,
دقيت عليهم قالو مالنا دخل انت متصل على السفارة
اذا ممكن تعطيني رقم الطيار اللي عندك
رد: الله لايوفقهم مكتب الطيار
حسبنا الله عليهم .. أنا لو منتظرهم كان ما جاني حجز أبد ..
حجزت على حسابي والآن شيل وحط حتى أسترجع قيمة التذكرة ..
الله يعينك أخوي..
رد: الله لايوفقهم مكتب الطيار
ولله ياعذبوني مكتب الطيار عذااااااااااب لين اخر الحلول تدري وش سويت ؟
مسكت كل الايميلات حق مكتب الطيار وموظفينه ونسخ ولصق تهديد وفي نفس الوقت رجاء بحل المشكلة. عبيتهم رسايل. اليوم الثاني وهم داقين علي