سألت نفسك يوم ليه ما توفر من مكافاتك كمبتعث..ليه ما نـوفر(شاركونا خبراتكم عن التوفير)

نقاشكم الظاهر طويل

اذا لديكم حلول للتوفير لأصحاب الحضانات اتمنى الافاده

موضوع الحضانات يجبلك الجنان ,,ارخص شي تشوفي وحده تمسكلك الولاد في البيت ,, شوفي في المساجد العوائل المسلمه ولا غير كده الله يعين

السلام عليكم

بغض النظر عن صحة الفكرة المطروحة من عدمها ،، لكل شخص قناعات نابعة من تركيبته الشخصية وهذا امر متغير من شخص الى اخر ! يعني من الطبيعي ان يكون هناك اختلاف بين شخص وآخر ،،، لكن يفترض ان نتفق جميعنا بأمر واحد ونتسابق عليه ، الامر هو احترام بعضنا لبعض وعدم التراشق بالألفاظ وإلتهم ، والصبر على المقابل لأن هذا يزيدك احترام وقوة ويكشف سوء ردود الشخص المقابل لدى جميع المشاركين وعلى رأسهم القائمين على المنتدى . اتمنى ان يكون توجهه الجميع الاحترام للجميع والسكوت وكظم الغيض عن المسيئ وعدم التراشق .

كلامي هنا للجميع دون تحديد شخص بعينه .

مع فائق الاحترام والتقدير للجميع

المكافآت لا تكفي لا في بريطانيا ولا في اغلب ولايات امريكا ، التقشف لا يليق بأبناء بلد نفطي يملك الكثير والف على الخير والسعة ، خمس سنوات درستها بالخارج كل شي سار على ما يرام الا موقف واحد كان يكدر مزاجي نهاية كل شهر ، الو هلا كيف الحال ،، ممكن تحولون لي .. ابشر ..

^ عفوا حبيبيي مين قال لك المكافئات في بريطانيا ما تكفي انا في ايرلندا والمكافئه تكفي وزوود بعد معنو عندنا اغلى من بريطانيا وتكفي وزوود


الحمدالله ممشي اموري باصات وما ادخن وادفع سكن انا وواحد واكلنا في البيت والحمدالله يبقى من المكافئه شهريا 4 الاف ريال نوفرها وكل اربع شهور او خمس شهور نسافر لدوله جمبنا اوربيه


واعرف شباب في لندن بس مش لعابين ابدا ويعرفو وين يصرفو الباوند وهذولي هم يوفرو من مكافئتهم اقل شى الفين ريال < يعني لا يدخنو ولا اكل مطاعم ولا كل شهرين ثلاثه يشترو ملابس ومدري ايش على الفاضي

مكافئات الدول الاوربيه تكفي وزوووووود لاني فيها واعرفها

والله يقولون شر البلية مايضحك كل مايجي موضوع توفير من المكافأة والا سالفة المكافأة بيزودنها اموت من الضحك.
مافيه شك اننا بحاجة الفلوس وكل يوم ندعي بالفرج من الله عز وجل وماذلك على الله بعزيز فهو الرحمن الرحيم الرازق الرزاق المعطي الكريم .

بس افكر في سالفة الأعضاء اللي مايتقبلون احد يقول ان المكافأة تكفي واحس اللي يقول هالكلام سيتعرض للسجن والإبادة من قبل الأعضاء الذين يرون عكس ذلك مثل السوريون اذا تكلموا في السياسة في سوريا.
يا أخوان وأخواتي تعودوا على أن الأختلاف في وجهات النظر لايفسد للود قضية.

موضوع جيد وبعد أذن كاتب الموضوع ردي موجه للأخت الكريمة محاسبة المستقبل

أختي محاسبة المستقبل لا أخفيك اني كنت اتابع ردك ووجهة نظرك أنتي بالذات بما أنك محاسبة ومعروف المحاسب دام يضبط الدراهم هههههه.
بس يا أختي ترا والله مو لقافة ولا تدخل في شئونك او شئون عائلتك بس بما ان رجل اقتصادي ولكني طالب مبتعث حبيت اقول اذا انتي مبتعثة وزوجك مبتعث وعندكم بنت وحدة وتقولين يادوب تكفي المكافأة اذا راحت بنتك للحضانة ؟!!! أجل وش نقول عن العوائل اللي مبتعث ومرافق وهم يمثلون الأغلبية العظمى من العوائل وعندهم طفل او اكثر وحاطينهم في حضانات.

من نظرة اقتصادية اذا ماقدرتي تنجحين في التوفير من هذا المبلغ معناته والعلم عند الله انك لاقدر الله بتواجهين صعوبة في حياتك الدراسية أوحياتك الوظيفية كمحاسبة لذلك انصحك أما بتغييرعاداتك الشرائية او تغيير تخصصك.

أنا عارف انه أحتمال كبير مايعجبك كلامي ويمقن تعصبيييييييين . لكن اتمنى التفكير فيه .


تقبلي تحياتي ووجهة نظري.


ملاحظة : الرد مقبول من محاسبة المستقبل فقط وعلى اي عضوا آخر برد بقلة ادب او قلة ذوق سواء علي او على الأخت الكريمة ان يحتفظ برد لنفسه.