الله يعتق رقابكم ووالديكم من النار كم سؤال عن ملف مبتعث جديد

الله يعتق رقابكم ووالديكم من النار كم سؤال عن ملف مبتعث جديد

الله يجزاكم الجنه ويعتقكم ووالديكم من النار ردو علي
ابي افتح ملف مبتعث جديد
واسوي له حفظ علشان لو وصلت امريكا اسوي له تسليم علما ان سفري ان شاء الله بعد 4 ايام
لكن فيه كم سؤال
الحين يوم فتحت الموقع ودخلت فيه كم سؤال مو فاهمه وش اكتب

1- الرقم الجامعي شنو؟
2- فئة الطالب ؟
3-الدرجة العلميه المطلوبه هل اكتب لغه او اختار ماجستير ؟
4- جهة الابتعاث اخترت وزارة التعليم العالي تحتها مكتوب خيار نظام سنوي ومربع اذا نظامي سنوي اضغط صح داخل المربع لكن شلون اعرف نظام الدراسه ؟
نفس الشيء تحت كاتبين عدد الساعات المقرره؟



5- المؤسسه التعليميه التي تخرجت منها ؟ اكتب فيها اسم جامعتي طيب تحتها خيار يقول الكليه : وش اكتب فيه اذا انا متخرجه من جامعه؟
6- رقم التأشيره وين القاه وطالبين نوعها كتبت اف 1
7- رقم القرار وين القاه ؟
8-البعثه بعدين افتح الخيارات فيه خيارات واجد ومن ضمنها موافقة الملحقيه هل اختارها او لا ؟


الله يجزاكم الجنه ردو علي بانتظاركم ....

حقوق الكاتب نرجو عدم حذف المصدر مبتعث

الي ماتعرفية خليه فاضي. رقم قرار الابتعاث تحصليه فوق. الدرجة ألعلميه اكتبي الان لغه. بعد ماتسلمين الملف المشرف راح يعدل عليه وكل شي راح يكون تمام بإذن الله. الموضوع بسيط. بس حاولي تحملي جميع الاوراق وتسويلها حفظ. الله يوفقك

واياكي ان شاء الله ...

بجاوب على اللي اعرفه و كل سؤال برقمه .. واللي ما اعرفه بكتب لك التوقعات ...

1- الرقم الجامعي ( اتوقع ) يقصدون رقم الجامعه الامريكيه ... بس انتي لسا ما بعد وصلتي مرحلة الدخول في السيستم في الجامعه عشان تطلعين رقم ( الا بقبول نهائي اتوقّع) بس حطي فيه رقمك الجامعي القديم حق الجامعه السعوديه ...
2- فئة الطالب === كا ادري ... فيه خيارات ..؟ اتوقع تخليه فاظي يكملوها هم على حسب التخصص.
3- الدرجه العلميّه المطلوبه : اتذكر انا لقيت خيار ( لغه+ماستر) ... كان عندك ذالخيار ولا حطي لغه زي ما قال اخونا يوسف ..
4- جهة الابتعاث وزارة التعليم العالي .. و نظام الدراسه خليه سنوي و حطي صح عادي ... بس عدد الساعات كانه موظّح في قبولك الجامعي ولا ادخلي موقع الجامعه و شوفي متطلبات التخرج ... ما ودي اقول خليه فاظي بس اذا ما لقيتيه خليه فاظي ...
5- المؤسسه التعليميه اكتبي اسم الجامعه ... و الجامعه فيها كليات ... مثلاً كلية لاداب ولا كليّة الاداره ولا كليّة الطب ...
6- رقم الفيزا شوفيه على الفيزا نفسها فوق عاليسار مكتوب كنترول نمبر ...
7- رقم القرار زي ما قال يوسف فوق.
8- رقم ثمانيه ما ادري والله ...

بس زي ما قال يوسف اللي ما تعرفينه خليه فاظي و يعدلوها هم طبقاً للاوراق اللي ارفقتيها ... او يردونها و يعلمونك وش تكتبين ...

بالتوفيق.