للباحثين عن قبول ... جامعتين سهلة في القبول للماجستير MBA او IT

مساء الخير جميعا

بحكم التجربة في مرحلة البحث عن قبول - , مقدر و حاس بمعاناة اخواني و اخواتي الطلبة , عسى الله ييسر امورهم.
هذي تجربتين و اليكم نتائجها, ملينا من اللي يقولون هذي الجامعة تقبل وهو مو متأكد والطالب يدفع رسوم ابلكيشن و يتعب نفسة واخرتها ينرفض.


نبدأ بالجامعة الأولى La Salle University في فيلادلفيا, بنسلفينيا
سبق ان كتب عنها احد الأعضاء , للأسف لا يحضرني اسمه , جزاه الله خير على كل حال

هذي الجامعة تقدم قبول لتخصص MBA
ومتطلباتهم سهلة

قدمت عليهم لفصل Fall, 2012
وقالت الدايركتر جب لنا اي درجة جي ار اي و نقارنها مع معدلك ونبلغك بالنتيجة

اختبرت جي ار اي و بالعافية جبت 283
طبعا اغلب الجامعات تطلب 290 وبعضها ممكن ينزل معك الى 285 - اذا كاسرتهم ) - وهذا نادر
الشي الثاني معدلي كان نازل برضو 2.54
ايلتس 5.5

مثل ما تشوفون كل الطلبات كانت نازله لكن تفاجأة بالدايركتر تقول مبروك انت مقبول !!!
بس نعطيك 3 كورسات لغة - يعني سيمستر واحد فقط- وبس

اللي معة درجة جي ار اي نازلة او معدل نازل يقدم على هالجامعة و ان شاء الله يحصل قبول.





الجامعة الثانية Concordia University - Wisconsin
لتخصص Information Technology
تابع ل Computer science

الحلو في هذي الجامعة انهم (((ماااااااا يطلبوا GRE))).
هذي الجامعة في ولاية Wisconsin

الجامعة كاثولوكية و قديمة جدا 1881 تقريبا
لكن في عام 2010 و 2011 اضافوا اقسام جديدة واعتقد من ضمنها IT
عشان كذا ما احد يعرفها
و فيها فقط 20 طالب سعودي حسب ما قاللي طالب سعودي يشتغل معهم في مكتب القبول وهو اللي سهل لي القبول جزاه الله خير
و أعتذر عن ذكر اسمة او رقمه لأني ما بعد اخذت الأذن منه.
عموما راح يحولونكم الأدمشن له دايركت اذا قلت انك سعودي :)

نصيحة للي يبحث عن IT ومتطلباته نازلة صدقني ما راح تلقى اسهل ولا اسرع من قبول هذي الجامعةز

الله يجزاك خير يارب
ويوفقك ويسهل لك دراستك

اقتباس:

---

المشاركة الأصلية كتبت بواسطة بنيـه

الله يجزاك خير يارب
ويوفقك ويسهل لك دراستك

---

شاكر مرورك بالتوفيق

اخوي انا محتاجه قبول ضروري في تخصصك علم النفس او احد فروعه اذا ممكن تعطيني ايميل المشرف السعودي انا من المرحله الرابعه والى الان ماحصلت قبول عندي 5 بالايلتس وعدلي الحمد لله نرتفع

الله يجزاك كل خير .. هذي المواضيع الي نحتاجها في المنتدى

بيض الله وجهك اخوي على مساعدتك لاخوانك

السلام عليكم ورحمة الله وبركاتة -- الله يجزاك خير اخوي وبيض الله وجهك وكثر الله من امثالك يعطيك العافيه على الخدمه الطيبه اللي كثير الناس تدور الخدمه هاذي الله يوفقك في دراستك وفي دنياك يارب موفق




للـــــــــــــــــــــــرفع :cool: الله يوفق الجميع

الاخ سلطان العنزي غير صحيح هذا الكلام وماترجع لهم وريال
با التوفيق

اقتباس:

---

المشاركة الأصلية كتبت بواسطة واثقة من حالها

اخوي انا محتاجه قبول ضروري في تخصصك علم النفس او احد فروعه اذا ممكن تعطيني ايميل المشرف السعودي انا من المرحله الرابعه والى الان ماحصلت قبول عندي 5 بالايلتس وعدلي الحمد لله نرتفع

---

اهلين مافهمت قصدك، انا تخصصي IT

ليش تسأل عن علم النفس؟


عموماً، فيه University of Texas at San Antonio

يقبلوا 5 ايلتس

واذا المعدل مرتفع اكيد بينفعك

بالمناسبة هذي رسالة جاتني على الأيميل اعلان لمكتب قبول في امريكا بإمكانك التواصل معه ، بس من الان اقولك ما اعرفه عنه اي شي مجرد رسالة في ايميلي، والحلو في الموضوع انه يقول ما تدفع شي الا بعد ما نعطيك القبول، جرب حظك اذا انتهت الحلول عندك

هذي رسالته:

تتوفر قبولات مباشرة ونهائية وسريعة في احدى الجامعات الأمريكية المعترفة لفصل الخريف 2012




لحملة معدلات 5.00 فما فوق في الأيلتس
أو معدل 4.5 بشرط اكمال Bridge ..
مدة القبول : 5 أيام في حال إكتمال الأوراق وهي :
1. صورة من الثانوية العامة .
2. صورة من جواز السفر .
3. صورة من I-20 .
4. صورة من الفيزا .
- الدوام والحضور الى الجامعة سيكون بتاريخ 12 أغسطس - 2012 .
- الجامعة معترفة وغير موقوفة .


ملاحظات مهمة :


فيما يخص درجة البكالوريوس , يحتاج الطالب من أجل أن يحصل على قبول نهائي درجة 5.00 فما فوق في الأيلتس , وللقبول المشروط 4.5 أو شهادة بأن الطالب أنجز فترة اللغة الإنجليزية في معهد ESL112 أو معهد أخر معترف به .
أما فيما يخص الماجستير , فيجب أن يكون الطالب حاصلا على درجة 6.00 على الأقل في الأيلتس , ولا يشترط إمتحان GRE أو GMAT .
التخصصات :
أولا : البكالوريوس :
1. بكالوريوس في علوم الطيران .
2. بكالوريوس في علوم الجريمة .
3. بكالوريوس في الإدارة الأمنية .
أ. إدارة الشرطة .
ب. إدارة أمن الدولة .
4. بكالوريوس في العلوم السياسية .
5. بكالوريوس في إدارة التموين .
6.بكالوريوس فيمشاكل الأطفال والعائلات .
7.بكالوريوس في أنظمة المعلومات .
8.علوم كمبيوتر
9.graphic design
ثانيا : الماجستير (لا يحتاج جيمات):
1. ماجستير في الإدارة العامة .
2. ماجستير إدارة الطواريء والإسعاف .
3.ماجستير في الإقتصاد .


ترسل الأوراق الى هذا الايميل :




تكاليف المكتب يتم دفعها بعد القبول , بحيث يتم توقيع عقد ينص على هذا الأمر ..
وفقكم الله

شاكر و ممتن لإضافتكم جميعاً، مجرد استفادتكم من الموضوع هي اكبر حافز لبذل المزيد.

عسانا ما ننحرم جميعاً من لحظة الفرح بعد الغربة و التعب. <== يقصد هذيك اللحظة اللي يرمون فيها القبعات حقت التخرج :)