LinkBack URL
About LinkBacks
طبعا غلط انك تطلع من ارامكو على الاقل عصفور باليد ولا عشرة ع الشجرة
نصيحتي استخير ربك و شوف التساهيل وين و امشي ,, ربنآ يفتحها ع الجميع
7 " نصيحتي استخير ربك و شوف التساهيل وين و امشي ,, ربنآ يفتحها ع الجميع
الوظيفه في ارامكو السعودية او الدراسة في الخارج
الوظيفه في ارامكو السعودية او الدراسة في الخارج
تنبيه: هذا الموضوع قديم. تم طرحه قبل 4282 يوم مضى, قد يكون هناك ردود جديدة هي من سببت رفع الموضوع!
قائمة الأعضاء الموسومين في هذا الموضوع
-
-
- اذا عندك ميزانيه تكفيك وبالراحه للدراسه حتى تنضم لللبعثه روح ادرس بس اذا ما عندك الا 50 الف او 60 الف اذا خلصت وبتطفر لا خلك في وضيفتك عشان اذا ما انضميت للبعثه وخلصت فلوسك ما تقول مثل بعض الاخوان ضاع حلمي ضاع مستقبلي السبب الوزاره ضيعتني الملحقيه ضيعتني وتخلي الاسباب في غيرك مو في نفسك7 "
يعني احسب حسابك ميزانيه حتى تخلص اللغه على حسابك وتبدا الجامعه لا تقول غيري ينضم في اللغه << غيرك محا يفيدك انت لو ما انضميت وخسرت وضيفه ودراسه
اعتبرها نصيحه اذا عندك ميزانيه تكفيك تدرس حتى تخلص اللغه لمده سنه او مهما يكون انا اقولك توكل على الله << لاني اعرف زيك ارامكو صارت مجرد سمعه ولا فيها مميزات ولا رواتب حلوة حقول البرنامج التدريجي
واتمنى من الله يحقق لك مرداك ويوفقك - بقول وبتفلسف شوي7 "
اولآ وعليكم السلام ورحمة الله وبركاته
اخوي عندك خيارين من وجهة نظري
الاول انك تجيب قبول من جامعة تعادل لك برنامج ارامكو
وتشد الرحال وتكمل بكالرويوس ثم ماستر
او انك تجلس في ارامكوا وتدور لك جامعة تعادل لك برنامج ارامكو
وتخلص البالكرويوس ثم اذا حاب تطلع تدرس ماستر يكون افضل بعد
اخوي الخيار الاول والاخير لك
وصدقني اذا توك صغير اغتنم الفرصة
وجيب اعلى الشهادات , عشان بعدين ما تقول " يا ليت اني "
شوف راي الاصدقاء والاهل ثم انت قرر
والله يوفقنا واياك والمسلمين - مرحبا اخووي7 "
هل فيه جامعات تعادل برنامج ارامكو ؟؟؟؟
والله القرار صعب ويحتاج تفكير - والله وضعك جداااااااا ملخبط7 "
لكن اذا كان علي :: اولا التخطيط ثم الاستشارة ثم الاستخارة
اتاكد من الجامعات الامريكية راسلها هل تعادل برنامج التدرج
اذا نعم :: ادرس موقع الجامعات من حيث تكلفة المعيشة ووووو (لانك ممكن تطوووول على ما تنضم الى البعثة) بحيث ان الفلوس ما تنقص عليك و خلي معك احتياط او فلوس للازمات لا قدر الله
اذا لا :: ابدا بالبحث عن التخصص الذي كنت تتمناه و بعدها ادرس موقع الجامعات من حيث تكلفة المعيشة ووووو (لانك ممكن تطوووول على ما تنضم الى البعثة)
الحل الثاني انك تقدم على شركات اخرى مثل سابك او اي شركة اخرى تقدم مميزات افضل ولا تنسى انك مطلوووووب لانك تدربت و اكتسبت خبرة من ارامكو هذا الحل اذا ما وافقوا الوالد او الوالدة على سفرتك فاكسب رضاهم وخلك جنبهم ................افضل لك بمليار مرة من كنوز الدنيا وما فيها - وعليكم السلام ورحمة الله وبركاته7 "
اولا : اسأل الله ان يبارك لنا ويعتق رقابنا من النار في هذا الشهر الفضيل
ثانيا : عسى الله يوفقك ويكتب لك الخير وين ما تروح
بالنسبة لموضوعك اذا ماعندك مشاكل مادية ومرتاح ولا عندك ارتباطات مثل الزواج فنصيحة الدراسة ماتتفوت خاصة مثل ماذكرت انك صاحب طموح عالي فأنت لو تحسبها وتنظر لنفسك بعد 15 سنة ان امد الله في اعمارنا بعد ما تكمل دراستك اكيد راح يكون افضل من وضعك لو قعدت بوضيفتك هذي خصوصا مثل ما ذكرت انك مو مرتاح ومكان محبط وبعدين راح تتغير عقليتك وتفكيرك وراح تستفيد الكثير اذا طلعت بعثة ان شاء الله .
اما اذا ظروفك ما تسمح فالله يعينك ويرزقك . والقرار صعب ويحتاج تفكير ودراسه ولازم يكون عندك شجاعه واهم شي استخير ربك واستفتي قلبك وتوكل على الله .
والله يوفقك ويوفقنا اجمعين. - اهن اهن7 "
هلا بموظفينا المحترمين هلا بعمال الوطن هلا بخدامه
هههههههههههههههههه
اسمح لي اخووي بس جتني الضحكه على سالفه المعادله
الله يسلمك هذي الكورسات نقعها في Lube oil حقكم وتالي سوي ليهم Drain
شوف اذا عندك الماده اللي هي الفلوس
وعندك دافع انك تدرس يعني بتجد لما بتدرس مابتتلكع روح والقلب داعي لك
انا طلعت السنه اللي راحت في اوكتوبر
ومرتاح نفسيا وجسديا حتى هههههه مو كل يوم متنقع في الشمس ولا قاعد في فن فان - وعليكم السلام ورحمة الله وبركاته7 "
بالنسبه لبرنامج التدريب اللي خذيته في الشركه
بالغالب مايتم الاعتراف فيه
اذا مصمم على الدراسه حاول انك تسوي هالخطوات وربي إن شاء الله مب مضيع تعبك
١ـ تدخل دورة ايلس لمدة شهر ، شهرين لين ماتاخد ٦ او ٦ونص عشان تنقبل بسهوله
٢ـ حاول بأي طريقة كانت انك تاخذ اجازة بدون راتب من دوامك بحيث انك اذا خلصت البكالوريوس ترجع ارامكو بدون ماتخسر وظيفتك
اذا ماقدرت تاخذ اجازة بدون راتب
اسأل عن نظام الاستقاله عندكم
حسب ما اسمع والله اعلم اذا كان صحيح او لا ، ان الموظف اللي يقدم استقاله ويبين بالاسباب المكتوبه بالطلب انه رايح يدرس
يسمحله انه يرجع بنفس مسماه الوظيفي بعد التخرج بفترة ست اشهر على الاكثر
هذي قايلي اياها طالب معانا نفس الوضع ولا اعلم اذا كانت صحيحه ام لا
الاهم هو انك تخلص امور اللغه في بلادك والدراسه تكون للبكالوريوس على طول عشان تستغل الوقت
الله يوفقك - طيب ما تقدر تتبعث عن طريق ارامكو ؟؟7 "
يعني اقصد يرسلونك هم للدراسة !!
August 4th, 2012, 07:53 AM
السلام عليكم ورحمة الله وبركاته....كل عام وانتم بخير ان شاء الله ..
اخواني اخواتي ...
اول شيء بشرح لكم وضعي بالضبط وارجو ان لا يكون شرحي مملا ...
انا التحقت ببرنامج التدرج الوظيفي في شركة ارامكو السعوديه من بعد الثانوية مباشرة .. وكانت مدة البرنامج سنتين وبعدها استلمت الوظيفه وتخصصي فني صيانة ميكانيكيه والآن لي قرابة السنتين وانا على راس العمل ... بالنسبه للعمل من وجهة نظري (( ممل .. ورؤساء محبطين .. الترقيات شبة معدومه .. الزيادات السنويه لا تذكر .. الشركة كل مالها في نزول .. السمعه بس هي ب تبقى ))
نرجع لمحور حديثنا ...
انا ابغا اترك الشركة واكمل دراستي على حسابي في امريكا ان شاء الله ...
اولا : هل انت مع او ضد قراري ؟ يكون في علمك طموحي عاااالي ... والراتب لا تتخيله خرافي اذا سمعت ارامكو السعوديه تراه 5600 ريال ...
ثانيا : هل في جامعه تعادل لي البرنامج اللي اخذته في ارامكو ؟ (( البرنامج كان سنتين كاامله من ضمنها دراسة انجليش 4 مستويات ، + الكورسات اللي اخذتها تعتبر كلها ميكانيكال .. صيانه معدات ، مضخات ، جيربوكسات ، كمبروسورات ، وصيانه ميكانيكيه عامه ))
ارحب بكل الآراء .. واذا شايف فيه خطأ في اللي اسويه ياليت تقولي ..
وياليت كل اللي يشاهدون يردون
الله يكتب لنا ويكتب لكم ووالديكم في رمضان هذا جنات الفردوس ...
يعطيكم العافيه وآسف عالاطاله ..
دمتم بود ^_^