السلام عليكم ان شاء الله بكون بتاريخ 4 سبتمبر في بوسطن نصائكم .. ؟

طبعاً كانك جاي ع حسابك الخاص يكون تحرص انك انهيت اجراآت فتح ملفات القبول للدراسه ع حسلبك الخاص من موقع الوزاره عندكم اول شي ...
بس توصل واشنطن خلي اوراق المعهد و الاي تونتي و الجوازات معاك تصف طابور و تعطيها حق الجوازات يختمون لك عليها و يعطونك ورقه اسمها I-94 هذي مهمه جداً ... طبعاً الاوراق اللي تعبيها ونتي عالطياره حط على الاسئله : هل تحمل طعام و من ذالقبيل كلها حط عليها لآ ... العاده تمشي ما يدققون ... بس ( اذا ) دققو قول ( نووو انقلششش )
تدخل المطار و تروح ترانسيت والعفش تحط استلامه من آخر محطه اللي هي بوسطن عشان ما تتبهذل شيل و حط و رسوم وزن و من ذالقبيل ...
توصل بوسطن عاد ما عندي خبر عن الفنادق بس تقدر تحجز من عندك على www.hotels.com[/URL] ( و تطبع اوراق التأكيد ) عشان لو حاولو يغيرون السعر و يتعذرون بالظرايب توريهم الاوراق ... اصلاً من تدخل الفندق وريهم اوراق الحجز و بيعرفون انك فاهم ... ...تم التعديل و سوري يبو دلع
حاول تستأجر الفندق لمدة عشر ايام او 15 عشانك في ذالفتره راح تدور ع سكن و مواقع السكن هذا موقع اعطانا اياه احد الاعضاء الله يجزاه خير :
http://www.apartmentguide.com/
اكتب الرمز البريدي و يطلع لك كل الكومباوندات اللي حولك مع الاسعار ... حاولي تدخل ع ذالموقع من الان و تطبع اللي اعجبك و تحطه في ملف ترجع له اذا وصلت عشان اغلب الفنادق ممكن يطلبون رسوم انترنت و بكذا توفر عالاقل ...
جيب معاك كاش 2000 الى 3000 دولار جاهزه مع فراطه اذا البنك عنده دولارات و خمسات و عشرينات ... بس توصل افتح حساب في بانك او اميركا او بي ان سي و يعطونك بطاقة صراف مؤقته مدتها شهر الين تستقر ....و تقدر تاخذ منهم رقم الحواله الدوليه عشان لو باقي فلوس يكون احد يحولها لك من السعوديه عشان في امريكا مش مسموح انك تدخل مبلغ عشر الاف دلر بس تقدر تدخل تسع الاف و تسعميه و تسع و تسعين
تقدر تدخل قوقل مابس و تشوف موقع معهدك و تشوف قرب المسكن و من ذالقبيل ..
وبالسلامه و التوفيق ...

الف شكر اخوي والله يعطيك العافيه للمعلومية اسمي ابودلع

ياليت احد يضيف اكثر

اقولك رأيي يا اخوي ابو دلع وبكل صراحه . . بحكم قرائاتي ليه تقريبا سنه كامله من البحث في الولايات والأسعار والجامعات . . . اقولك ان مدينة بوسطن هذي من أغلى مدن امريكا . . بل والله كد مر عليه انها من أغلى المدن في العالم . . يعني أغلى حتى من واشنطن ونيويرك وغيرها او يكونوا بنفس المستوى تقريبا . . وعاد انا ما أدري انت رايح على حسابك أو مبتعث . . . بس والله غاليه كثيييييييييير عليك . . انا بالنسبه ليه رغم اني رايحه كاليفورنيا ومبتعثه انا ومرافقي بس وماعندنا عيله وقالولنا خدوا معاكم 9000 دولار ويالله تكفيكم . . وانت تقول عندك طفلين ماشاء الله تبارك الله وكمان تبغى مدرسه وحضانه ومصاريف ودوام لا والله نصيحتي لك . . أول ماتوصل أقرب فرصه تغير معهدك على طووووول ولاتتراجع ابدا ابدا . . لو قلت انو عندي قبول جامعه وماعندي غيره اقولك اصبر . . بس طالما انك لسه مبتدي حاول تنقل افضل واحسن بس اذا كنت انت مقتدر ماديا يعني تقدر تصرف فوق ال20 ألف في الشهر . . هذا اقولك الله يرزقك ويزيدك يارب وعيش فيها وبالتوفيق . رغم اني كمان أشوف ان المدينه مافيها هذيك المناطق السياحيه اللي تستاهل وياكثر الثلوج فيها بالشتاء . انا قلت بروح ادرس فيها بحاله وحده بس >>>>>>إذا قبلتني جامعة هارفارد>>>>>احلامك واسعه يابنت

. .اعذرني لو اخطيت بأي معلومه . . . وياليت اللي عنده أي نقد عن غلاء المدينه وكلامي ويقدر يفيد الرجال . . اتقبل النقد بكل صدر رحب ^_^ وعسى الله ييسرها لك ويفتحها بوجهك . .

تحياتي

الله يسهل امورك

اولا شي اشكرك على تفاعلك والجهد الي بذلتيه اختي الكريم

انا طالع باذن الله والمبلغ الاجمالي الشهري بيكون على ٥٠٠٠ الاف دولار هذا مبدئي في اول سنة وان شاء الله بتكفي واذا انضمت المدام للبعثة بيكون الوضع احلى اختي الكريمة

اما من ناحية اختيار الولايات انا ان شاء الله بدرس والمدام بتدرس واختي بتدرس يعني ثلاثة اختصاصات مختلفة ولم نجد هذي الثلاث اختصاصات الي في بوسطن بعد شق الانفس ( مجبراً اخاك لابطل )

وشكراً لك مرة اخري

جرب هالموقع
Airbnb.com
ممكن تحصل فيه أرخص من الفنادق

يارب وكل مسلم .. نطمع بالمزيد من الخبرات اخواني