عندي كم سؤال ياريت تفيدوني بالاجوبه :(

شدعوه مافي رد

وعليكم السلام ورحمة الله وبركاته
كل عام وأنت بألف خير,,
سأجيب ع أسئلتك بالترتيب:
١- شروط القبول للطلاب الانترناشيونال لمرحلة البكالوريوس موجودة في مواقع الجامعات ، وأتمنى لو عندك شخص يساعدك في اللغة حتى يوضح لك المطلوب<<<ممكن تكتبي اسم الجامعة وراح نساعدك بإذن الله
٢- تاريخ نهائية التسجيل يختلف بين الجامعات ويعتمد على تاريخ بدايتك للدراسة. ما ينفع ترسلي أوراقك بدون شهادة الثانوية لأنها أهم شيء.
٣- التوصيات والسيرة الذاتية مطلوبة للدراسات العليا فقط.
ربنا يوفقك

كان بودي ان اساعدك يا اختي ..

لكن لو تكرمتي ايش الجامعات الكويسة اللي حصلتي فيها نفس تخصصك .. ياليت تكتبينها لي مشكورة ..

وربي يسهلك امورك

. مم ان شاء الله راح اكتب أسامي الجامعات ... بس بخصوص كتاب التوصيه أنا متأكده ان مب شرط حق الدراسات العليا لان أختي جابت التوصيات بعد ما خلصت الثانويين حق الجامعة

- - - مشاركة محدثة - - -

ان شاء الله في الرد الجاي اكتب الأسامي ومشكور على مرورك اخوي

هاي أسامي الجامعات اللي ان شاء الله راح إرسالهم وعلى فكره تقدر أطرش لهم كل المتطلبات حتى لو أنا للحين قاعده ادرس اخر سنه في الثانويه وهالمعلومه من ابله عندنا فالسكول ........ هاي أسامي الجامعات : ucla جامعة في كاليفورنيا و Boston university و dartmouth college ( tuck ) و Howard university و georgetwon uni و university of Maryland و Michigan state uni ............ ومشكورين

شكرا لك اختي دندونة الكون .. والله يسهلك كل امورك

UCLA فى كاليفورنيا جامعه اكثر من رائعه بالنسبه لى اسئلتك اشويه يبى لك تكونى محدوده يعنى بالنسبه لى القبول كل الجامعات يبونك تعبى ابلكيشن واما انك تدرسى عندهم اللغه الانجليزيه as second language اذا عندهم معهد او انك عندك درجه التوفل او الايلتلس الى هم يبونها طبعا بالاضافه الى الضمان المالى يعنى علشان تحصلين على قبول حددى الجامعه وروحى على التخصص وشوفى شروطه وبعدين روحى على شروط الطلاب الاجانب او International students بالنسبه لى سوالك الثانى اخر يوم فى تسجيل الجامعات يعتمد على حسب الجامعه والتخصص يعنى كل جامعه ولها نضامها اذا كانت سمستر نظام غير اذا كانت كوارتر سوالك الثالث التوصيات والسيره الذاتيه غالبا فقط لى الدرسات العاليا جامعات مررره قلبل او نقدر نقول القويه هى الى تطلبهم لى البكالوريوس وهم برضو يعنمد على التخصص وطبعا التوصيات عاده تأخذ من المحاضرين فى الجامعه الى درستى عندهم لو كنتى طالبه جامعيه لذلك عاده التوصيات الى الدراسات العليا ممكن تطليه من مدرستك فى المدرسه علشان تدعم طلبك يعنى تشزفين لك مدرسه انتى معاها تمام وتطلبى منها وعلى فكره مافى نظام خاص لى كتابه التوصيه وبعد شنو باقى اضن هذا كل اسئلتك والله يوفقك

مشكور اخوي على إجابتك الوافيه بالنسبة لجامعة يو سي ال إيه عندك اي معلومه عن كم نسبة الايلتس ؟؟ والف شكرر

العفو اختى يبون فى الايلتس 7 وفوق والتوفقل83 وفوق اذا بالكمبوتر و 550 وفوق اذا بالورق بالتوفيق