ابي مساعده اثناء وصولي المطار بسياتل
بسم الله الرحمن الرحيم
السلام عليكم ورحمة الله وبركاته
اخواني المبتعثين ارجو منكم مساعده اثناء وصولي مطار مدينة سياتل
لاني بصراحه لااعرف فندق او اي شقق او اي شيء ارغب بمساعدة احدكم
اثناء وصولي الغريب في بلد الغربه حزين وباالاخص اللي مع عائله
فاأنا لااستغني عن خدماتكم
ارغب حتى بفتح الملف بمساعدتكم لان في معلومات بفتح الملف صعب معرفتها
لابد من مساعدتكم حتى اكمل فتح الملف
ولابد من الطلبه اللي يعرفون مدينة سياتل يدلوني على الفنادق الامنه لكي استأجر فيها لفتره بحثي عن شقه لاي ولأفراد عائلتي
ارجوكم لاتبخلون علي فمن اراد في نفسه المقدره والمساعده لي فليراسلني على الخاص ولكم مني جزيل الشكر والعرفان
رد: ابي مساعده اثناء وصولي المطار بسياتل
و عليكم السلام ورحمة الله وبركاته
اخوي الدعوه سهالات ولا تحاتي .. الحمدالله هنا كل شي متوفر .. واغلب الناس تجي ما تعرف شي وتدبر امورها باذن الله ..
أول شي اذا جيت المطار اخذ عفشك وتوجه للتاكسي .. و بعطيك فندق رخيص و حلو وفيه فطور مجاني .. الليله اخذتها فيه ب 75 دولار .. طبعا اخذها انت تمشية وقت لما تلقى سكن
اذا حطيت اهلك بهالفندق اطلع على منطقه اسمها اليو دستريكت U-district اللي هي منطقة جامعة واشنطن .. هذي كلها شقق وحاطين جوالاتهم على الشقق يعني تاخذ الرقم وتقول ابي سكن بس ويوفرونه لك .. والفتره هذي حلوه لانها صيف والناس تطلع فبتلقى سكن باذن الله بسرعه .. وعندك منطقه ثانيه اسمها الليك سيتي Lake city هذي بعد فيها شقق حلوه وكذلك النورث قيت North Gate هذي كلها فيها شقق الحمدالله .. وانصحك تاخذ لك فره على مواقع النت اللي تعرض شقق وتشوف اللي يناسبك منها .. لانك راح تلقى شقق كثيره عن طريق النت واتصل عليهم ورتب وضعك معهم
واهم نقطه العقد حاول يكون ست شهور فالبدايه .. عشان لا قدر الله صار شي ولا شي تقدر تفتك منه بسهوله
هذا اسم الفندق
Travelodge Seattle By The Space Needle | Seattle, WA *98109 Hotel
و مثل ما قلت لك خذ عنوان هالفندق .. وحط اهلك فيه وريح .. وبعدين قم ورح لهالمناطق الي قلت لك و بتلقى فيها سكن بالراحه .. أو انك وانت فالفندق دور شقق باستخدام مواقع النت المتخصصه بهالشي .. و بتلقى شقق شكثرها وتواصل معهم
وبالنسبه لفتح الملف سهله مره الطريقه .. وفيه هنا بالمنتدى شرح لكيف تفتح ملف خطوه خطوه وبالصور بعد .. يعني باذن الله ما تحتاج لاحد
والله يوفقك ويسهل امورك
رد: ابي مساعده اثناء وصولي المطار بسياتل
اقتباس:
المشاركة الأصلية كتبت بواسطة عتيق العرابي
بسم الله الرحمن الرحيم
السلام عليكم ورحمة الله وبركاته
اخواني المبتعثين ارجو منكم مساعده اثناء وصولي مطار مدينة سياتل
لاني بصراحه لااعرف فندق او اي شقق او اي شيء ارغب بمساعدة احدكم
اثناء وصولي الغريب في بلد الغربه حزين وباالاخص اللي مع عائله
فاأنا لااستغني عن خدماتكم
ارغب حتى بفتح الملف بمساعدتكم لان في معلومات بفتح الملف صعب معرفتها
لابد من مساعدتكم حتى اكمل فتح الملف
ولابد من الطلبه اللي يعرفون مدينة سياتل يدلوني على الفنادق الامنه لكي استأجر فيها لفتره بحثي عن شقه لاي ولأفراد عائلتي
ارجوكم لاتبخلون علي فمن اراد في نفسه المقدره والمساعده لي فليراسلني على الخاص ولكم مني جزيل الشكر والعرفان
وعليكم السلام ورحمة الله وبركاتة -- حياك الله اخوي الله يوفقك ويسر امرك ويهونهاا عليك باذن الله
والله ياخوك لوني في سياتل كان ابشر بالخدمه وان شاء الله بتعين اللي ينفعك تطمن عيال الخير واجد باذن الله تيسر امروك
وبعدين انت رايح بعثه من الوزاره ولاا لا واذا علي حسابك الخاص الله يعينك {{ بس فيه قرار جديد من الوزاره نزل من 10/9/1433 هـ رمضان ما ادري انت تدري فيه ولا بس تنبيه }}
موفق يالغالي
للــــــــــــــــــرفع ^
رد: ابي مساعده اثناء وصولي المطار بسياتل
السلام عليكم ورحمة الله وبركاته
اولاً اشكركم اخواني
بي + اخوي زايد على مروركم
لكن انا بصراحه ميح في الانجليزي يعني مراح اقدر ابحث عن شقق
في النت لاني ماادل
ثاني شيء انا مرافق مع زوجتي وهي مبتعثه على حساب التعليم العالي
ثالث شيء انا دخلت للفتح الملف لكن واجهت صعوبه في بعض الخانات والايقونات
يتطلب مني تعبئتها بمعلومات وانا اجهل معلوماتها وهي لابد تصعب علي فتح الملف اذا كان معلومات زوجتي ناقصه باالملف يعني مراح تفتح الملحقيه لي الملف الا وملفي كامل مكمل
واتمنيت خدمت احد المبتعثين او المبتعثات لكي يساعدوني في شرح بعض الامور
واخير المساعده لا استغني عنها منكم مهما ارضوتوني لاني اعرف نفسي في اللغة الانجليزيه
واشكر مروركم ومشاكرتي موضوعي والله يحفضكم ويعطيكم العافيه
رد: ابي مساعده اثناء وصولي المطار بسياتل
اخوي متى بتجي انت بالضبط
أنا راح اساعدك باذن الله باللي اقدر عليه
و اتمنى يكون وصولك هنا قبل تاريخ 16-8-2012 .. لاني راجع السعوديه في هذا اليوم
رد: ابي مساعده اثناء وصولي المطار بسياتل
انا بمشيئة الله يكون وصولي لمدينة سياتل
طبعاً باالهجري
8او 9 /10/1433
لان باالضبط راح يكون اقلاع رحتي اذا شاء الله 7 /10/1433
لكن من جده على دبي وبجلس بدبي ليلة 8اي يوم 8 صباحاً راح يكون اقلاع رحتي من دبي 8/10/1433
يعني راح يكون وصولي مساء 9 او يوم 9 تاسع العيد
والله يوفقنا لما يحبه الله ويرضى ويجعل ماتقوم به من عمل لي او لغيري في ميزان حسناتك
رد: ابي مساعده اثناء وصولي المطار بسياتل
اتواصل مع النادي السعودي بسياتل و المكان الي فيه الفندق الي فوق رابطه قريب من السبيس ندل المنطقه ديك سياحيه بس الهومليس وحقون الحشيش والغيز يكثرو فيها وانت جديد كمان فاااشوف الافضل انك تبعد عن ده الناحيه في سياتل كشخص جديد ومع الايام راح تكون خبرتك الخاصة مجرد اقتراح
صفحه النادي وممكن يساعدوك تحجز شقه بسرعه لانو اتوقع في اشخاص حصلو قبولات كتير ويبغو يسيبو الشقق
راح تحصل شقق معروضه للايجار+ اثاث+سيارات وجزاه الله خير الاخ ابتومستك
اضافه انت بمعهد كابلن مكتوب في المعلومات تبعتك بس كابلان ليه فرعين في سياتل
١- في النورث الي جنب جامعه واشنطن
٢- في الثاوث قريب من كنت فحدد عشان العناوين الي اعطاك هي الاخ اوبتمستك كلها قريبه من الفرع الاول وبعيده عن الفرع الثاني تقريبا ساعه بسياره بالتوفيق
https://www.facebook.com/saudiseattle
رد: ابي مساعده اثناء وصولي المطار بسياتل
الله ييسر أمرك ياخوي
في اي معهد وماهو عنوان المعهد وهل لقيت لك شقة والا لا واذا تبي تستأجر كم عددكم مع الأطفال؟
رد: ابي مساعده اثناء وصولي المطار بسياتل
اخوي التاريخ هذا بكون انا فالسعوديه لي عشرة ايام
ان شاء الله االاخوان يفيدونك .. ومثل ما قالت اختي الاموره حاول تتواصل مع االنادي السعودي راح يفيدونك باذن الله
اما بالنسبه للفندق فالحمدالله امان .. وهو مو في الداون تاون هو في السياتل سنتر .. وبعدين الامان بيد الله سبحانه وتعالى اللانسان يبعد عن الخروج ليلا بعد العشر .. وباذن الله ما راح يصيبه شي
انا سكنت هناك عشره ايام والحمدالله المنطقه مخدومه سياحيا ومتوفر فيها كل شي ومنطقه راقيه
واذا جينا بنتكلم عن المشاكل فهي موجوده فكل مكان .. يعني حتى في الكمبس حق الجامعه حصل اطلاق نار قبل ثلاث شهور
اللي ابي اوصله من كلامي ان الامان بيد الله .. وعلى الانسان يتجنب الخروج ليلا وان شاء الله ما فيه الا الخير
وربي يوفقك اخوي
رد: ابي مساعده اثناء وصولي المطار بسياتل
اموره الله يوفقك انتي وجميع المشاركني معي في موضوعي لكن اتوقع انه في الثاوث
بعدين انا ماخليك مكان ابحث عن النادي السعودي الثقافي بسياتل مقدر اوصل له
والاخت امورها ماقصرت قالت في حقين حشيش وماحشيش يعني مشاء الله كملت الناقص انا ماعلي لو بوسط بلجيه لكن الزوجه عندي مشاء الله ماقول الا الله يخارجنا من الهم والغم
يارب تييسر الامور ولا تعسرها