احبتي في كاليفورنيا وسان دييغو

السلام عليكم
كيفكم اخواني
الشهر عليكم مبارك
واسأل الله لنا ولكم القبول

وان يحقق لك واحد منكم امنيته
ويرجع لاهله بالشهادة اللي ترضيه
ان شاء الله جاي لسان دييغو في نهاية سبتمبر

احتاج مشورتكم فيما يلي :
1- افضل مجمعات وشقق غرفتين في منطقة لاهويا او قريبة منها
2- ان جاي على حسابي ماهي افضل شركة تامين طبي للعوائل وتكون خدمتها جيدة واسعارها مقبوله.
3- افضل وسيط او معرض سيارات
4- مدراس عربية او اسلامية ابتدائي
4-اي نصائح وتجارب مفيدة (علما ان اقامتي 8 اشهر فقط)

شاكر ومقدر جهدكم وتعاونكم احبتي


اخوكم المحب

وعليكم السلام ورحمة الله وبركاتة ..
بخخير ونعمة نحمد الله ونشكرهـ ..
انت بشرني عن احوالك .. ان شاء الله مرتاح؟



بالنسبة للسكن .. ف انا اقدر اساعدك فيه .. ولكن حط ببالك انه بيطلع عليك غالي لانه في لاهويا .. والسكن في منطقة لاهويا يعتبر غالي نوعا ما ..
اذا كنت ناوي تشتري سيارة زي ماهو واظح عندي .. انا اقترح تستأجر في منطقة ( بالبوا ) منطقة كبيرة و فيها جامع ابو بكر و فيها بقالات عربية و منطقة سكنية بحت و الاسعار فيها متوسطة .. شقة من غرفتين تقريبا مابين الـ 1000 دولار الى 1600
بالنسبة للسيارات فيه اكثر من وسيط .. انا اعرف واحد شغلته يبيع ويشتري بالسيارات .. عنده سيارات حلوه ..
اما بالنسبة للتأمين فـ على حسب معهدك .. يمكن عندة تأمين لا بأس به .. بالنسبة لي عن طريق معهدي التأمين حقي ..
بالنسبة للمدارس ما عندي اي خلفية فيها .. لكن اذا حاب بسأل لك و اشوف ..

و نصيحة نصيحة .. اول ماتجي خذ لك فندق اسبوع .. و طريقة حجز الفندق عن طريق بوكينق ..
حاول تحجز بأيأم الاسبوع ( الاثنين - الجمعة ) .. لانه يطلع ارخص .. و لا تستعجل بالحجز .. انتضر و شيك على الاسعار لانها تختلف و تتغير ..

اول ماتجي على سان دييغو .. خل اول يوم راحه لك .. نم نووم طويل مره .. وبعدة روح لـ تي موبيل و استخرج لك شريحة لانها مرررررره مهمه ..
و بعدها على بنك اوف اميركا او تشيز او البنك اللي ترغبه و افتح حساب .. طبعا لابد يكون عندك عنوان ..


و اذا تبي اي مساعده .. انا حاظر راسلني على الخاص و ابشر ..

اخوك , محمد الخريجي
سآن دييغو ..

استخدم خريطة قوقل في معرفة المواقع جدا رهيب

اقتباس:

---

المشاركة الأصلية كتبت بواسطة محمد الخريجي

وعليكم السلام ورحمة الله وبركاتة ..
بخخير ونعمة نحمد الله ونشكرهـ ..
انت بشرني عن احوالك .. ان شاء الله مرتاح؟



بالنسبة للسكن .. ف انا اقدر اساعدك فيه .. ولكن حط ببالك انه بيطلع عليك غالي لانه في لاهويا .. والسكن في منطقة لاهويا يعتبر غالي نوعا ما ..
اذا كنت ناوي تشتري سيارة زي ماهو واظح عندي .. انا اقترح تستأجر في منطقة ( بالبوا ) منطقة كبيرة و فيها جامع ابو بكر و فيها بقالات عربية و منطقة سكنية بحت و الاسعار فيها متوسطة .. شقة من غرفتين تقريبا مابين الـ 1000 دولار الى 1600
بالنسبة للسيارات فيه اكثر من وسيط .. انا اعرف واحد شغلته يبيع ويشتري بالسيارات .. عنده سيارات حلوه ..
اما بالنسبة للتأمين فـ على حسب معهدك .. يمكن عندة تأمين لا بأس به .. بالنسبة لي عن طريق معهدي التأمين حقي ..
بالنسبة للمدارس ما عندي اي خلفية فيها .. لكن اذا حاب بسأل لك و اشوف ..

و نصيحة نصيحة .. اول ماتجي خذ لك فندق اسبوع .. و طريقة حجز الفندق عن طريق بوكينق ..
حاول تحجز بأيأم الاسبوع ( الاثنين - الجمعة ) .. لانه يطلع ارخص .. و لا تستعجل بالحجز .. انتضر و شيك على الاسعار لانها تختلف و تتغير ..

اول ماتجي على سان دييغو .. خل اول يوم راحه لك .. نم نووم طويل مره .. وبعدة روح لـ تي موبيل و استخرج لك شريحة لانها مرررررره مهمه ..
و بعدها على بنك اوف اميركا او تشيز او البنك اللي ترغبه و افتح حساب .. طبعا لابد يكون عندك عنوان ..


و اذا تبي اي مساعده .. انا حاظر راسلني على الخاص و ابشر ..

اخوك , محمد الخريجي
سآن دييغو ..

---

شكرا اخوي محمد على معلوماتك
ماقصرت جهدك مشكور
اذا تحتاج اي شيء من الرياض قبل اجي انا بالخدمة اخوي محمد

اخوووي اهم ششششي خذوو معاكم قهووه وترمس قهوه وترمس شاهي لان اللي عندهم حسب ماووصلني تبرد ع ططول وايضا بخوور ومدخنه ١١٠ وحط ف بالك كل افياشهم ١١٠ وخذو تمرر وملابس احتياط شهرر لاتكثروون لان بتروح للسوق وعندهم اشياء حلووه
امممم شبعد
وعلى قولة اخووي محمد احجز فندق اسبوع ويمديك تدور شقه و تأثثها

الله يوفقك وييسر امرك

انا قريب بجي ل ولاية سانتا كروز وبجلس انا وزوجي ٩ شهور ب اذن الله ❤