عدم تسديد أيجار الشقة ,أتمنى أحد يشرح لي الوضع الله يجزاكم بالخير

السلام عليكم و رحمة الله وبركاته

أنا بحكي اللي حصل معي وبعدين أبغى أعرف وضعي وش أنا عليه
اللي حصل أني سكنت بعقد واحد خوي الين ينتهي عقده
وأنتهى العقد وجيت في اخر يوم أسلم المفاتيح
قالو لازم تدينا ملاحظة قبل الخروج بثلاثين
قلت أبطلع اليوم لاني قد أستاجرت شقة غير , قالو راح يطير الدويبزت \ مابغيت الدويبزت يروح علي خوي
قلت بمدد شهر, مددولي الي نهاية الشهر الجاي و وقعت ورقة بـأني راح أسلمهم المفتاح في نهاية الشهر الجاي
في نفس اليوم اديت خوي المفتاح و قلت له هذا مفتاح الشقة و دبر حالك
اللي حصل خوي سكن شخص ثاني في الشقة وأخذ منه الايجار و ماسدد الايجار لصاحب العمارة
و في أخر الشهر ماسلمهم المفاتيح وسحب علي
في الاخير لقيت أكثر من رسالة أمر بأخلاء الشقة بأسم خوي \ الكلام هذا يعلمني فيه اللي كان ساكن في الشقة

الحين أنا متواجد في السعودية للاجازة
سوالي هل هذا السالفة ممكن تسبب لى مشاكل (الله لايقدر) عند الدخول لي أمريكا؟
يعلم الله أني في هم لايعلمه الاهو
فأتمنى أحد من الناس من أصحاب الخبرة يشرح لي الوضع الله يجزاكم بالخير

تطمن أخوي .. بما إن العقد مو بإسمك لا تشيل هم أبد

اذا ان العقد تغير باسم خويك فما عليك مشكلة بس اذا ان العقد باسمك لين الحين المشكلة عليك وممكن تصير مشكلة لك اذا حبيت تستاجر في مكان ثاني لان مكاتب الايجار يتبادلون البيانات لما احد المستاجرين يتاخر في السداد او يسوي مشاكل بحيث يضعونه في البلاك ليست

اقتباس:

---

المشاركة الأصلية كتبت بواسطة naif2010

تطمن أخوي .. بما إن العقد مو بإسمك لا تشيل هم أبد

---

الله يسعدك ويسهل أمرك...

اقتباس:

---

المشاركة الأصلية كتبت بواسطة مرافق في الثلاثين

اذا ان العقد تغير باسم خويك فما عليك مشكلة بس اذا ان العقد باسمك لين الحين المشكلة عليك وممكن تصير مشكلة لك اذا حبيت تستاجر في مكان ثاني لان مكاتب الايجار يتبادلون البيانات لما احد المستاجرين يتاخر في السداد او يسوي مشاكل بحيث يضعونه في البلاك ليست

---

طيب يأخوي وش تعتقد طالما رسالة الطرد (الاخلاء) جات بأسم خوي؟؟

ماراح تواجه مشكلة في دخول امريكا حتى لو كان العقد باسمك

في كل الاحوال ماعليك مشكلة وزي ما تفضل الاخ اللي قبلي بانه ماراح تمنع من الدخول

ما عليك اي مشكله حتى لو العقد باسمك وسحبت عليهم ورحت تستأجر بمكان ثاني عاااي لأنك ما عندك سوشل سكيوريتي

اقتباس:

---

المشاركة الأصلية كتبت بواسطة nasa2009

ماراح تواجه مشكلة في دخول امريكا حتى لو كان العقد باسمك

---

الله يستر عليك ويجزاك ألف خير

اقتباس:

---

المشاركة الأصلية كتبت بواسطة مرافق في الثلاثين

في كل الاحوال ماعليك مشكلة وزي ما تفضل الاخ اللي قبلي بانه ماراح تمنع من الدخول

---

الله يعطيك العافية ويسهل أمرك...

- - - مشاركة محدثة - - -

اقتباس:

---

المشاركة الأصلية كتبت بواسطة Rango

ما عليك اي مشكله حتى لو العقد باسمك وسحبت عليهم ورحت تستأجر بمكان ثاني عاااي لأنك ما عندك سوشل سكيوريتي

---

الله يوفقك ويجزاك بالخير...