خطأ في اللقب في التذكرة : ( والسفرية بعـد 10 ساعات تقريبا وقطعت البوردينق " أفيدوني

السلام عليكم ورحمة الله وبركاتــه

ان شاءالله تقريبا الساعـة 2 صباح الاثنين السفرية بإذن الله ،

وفي حاجـة ما انتبهتلها إلا دوبنـي والله يسامح موظف الطيـار اللي غلط في الحرف والجواز قدامـو !

اسمي الحمدلله تـمام ، لكن اسم الأخت عندها خطأ في حرف واحد في اللقب بـس ،

يعني المفترض الحرف الثاني من اللقب يكون " O " والموظف الله يسامحه كتب " A " ،

ودوبني قطعت البوردنق من موقع الألمانـية والمشكلة أتصل عليهم ويحطوني على الفـاكـس !: (

ياليــت تطمنوني الله يطمنكم وايش ممكن يصير في أسوء الحـالات لا سمح الله ،

أسأل الله العظيم أن يفرج همومنا وهمومكم ويسهل أمورنا وأموركــم يـــارب


ياليت لو عندكم تجربة شخصـية تفيدونـا ، لأني راح أدخل أقرا الردود وأطلع لضيـق الوقــت !

راح ننزل ان شاءالله على سياتل ومن سياتل على بورتلاند ،


الله يسهـل يــــارب


في أمان الله ورعـايـتــه

وكأنك ما شفت شيء ..... :) توكل على الله وسافر وتوصل بالسلامة إن شاء الله تعالى

تحياتي ,,,

هههههههههههه والله انتم تعقدووون الامووور على نفسكم ،، وش بيصير يعني ؟ بيلغون فيزتك مثلا ؟ !! او بيحكمون عليك قصاص ؟؟ !!!
الاشياء الصغيرة التافهه هذي تخلونها ساالفه كبيييرة وظيقة صدر !!
صراحة المنتدى هذا خلاني اوسوس على كل صغيرة وكبيرة !! مثل حالتك !! الله يسامحكم بس

اطمنك .. ما عندك مشكلة ان شاء الله

انا حصل معايا نفس الشي و عدت الحمدلله برد و سلام و اصلا محد درا عن السالفة


اهم الاشياء الرسمية الي تهمك دحين ( ركز عليها )


جواز السفر + التأشيرة .. الاي تونتي .. شهادتك الدراسة


الباقي كله لو فيه اخطاء املائية .. بطتقة هوية اشتراك ولا عضوية ... ما عندك اي مشكلة

رحلة سعيدة ان شاء الله ^__^

الله يسهل لك يارب ويفرج همك
ان شاءالله مثل ماقالو الاخوان ماعندك مشكلة دام اوراقك الرسسميه مكتمله وتمام
توصل بالسلامه

اقتباس:

---

المشاركة الأصلية كتبت بواسطة عيون الفيروز

وكأنك ما شفت شيء ..... :) توكل على الله وسافر وتوصل بالسلامة إن شاء الله تعالى

تحياتي ,,,

---

الله يسعدك ويرزقك خيرات الدنيا والآخرة و الفردوس الأعلى يــــــــــــارب

الله يطمنك حركنا من جدة لفرانكفورت لسياتل لبورتلاند والحمدلله محد سألنـا والأمور تسهلت بتساهيل الله سبحانه

الله يسهلنا أمورنا وأمورك وأمور الجميع يــــارب

اقتباس:

---

المشاركة الأصلية كتبت بواسطة Rango

هههههههههههه والله انتم تعقدووون الامووور على نفسكم ،، وش بيصير يعني ؟ بيلغون فيزتك مثلا ؟ !! او بيحكمون عليك قصاص ؟؟ !!!
الاشياء الصغيرة التافهه هذي تخلونها ساالفه كبيييرة وظيقة صدر !!
صراحة المنتدى هذا خلاني اوسوس على كل صغيرة وكبيرة !! مثل حالتك !! الله يسامحكم بس

---

بداية يالغـالي ادا انتا ماشاءلله عليك راعي سفريات وروحات وجيات وكل كم يوم مسافر من أمريكا لكندا لسويسرا وعارف النظام والإجراءات فلازم تقدر وضع غيـرك ،

مو كل الناس سافرو كثير خارج الممكلة ومو كل الناس سافرت خارج المملكة وعندك اللي زي حالتنا أول سفرية لنا خارج المملكة ولا فين ؟ لأمريكا اللي إجراءاتها تختلف عن بقية دول العـالـم ،

ومن حق الموظفين لو شافو إن الاسم مايتطابق بإنهم مايخلون الأخت الكريمة تطلع على الطيـارة !

لأنه ببساطة الاسم يختلف حتى لو في حرف واحــد ! ،

لكن الحمدلله بداية الموضوع تسهل بتساهيل الرحمان سبحانه وتعالى ثم معرفة الموظفين بشكل عـام بإن التداكر أحيانا يكون فيها أخطاء تمشي وأحيانا أخطاء يمشونها بمزاجهم وأخطاء ماتمشي خصوصا لو كان الخطأ في اسم كامــل وبرضو الحمدلله بإن التدكرتين برقم حجز واحد بالتـالي حتى لو كان الخطأ موجود يقدر الموظف يرجع لرقم الحجز ويشوف بإن التدكرتين لها رقم حجز واحد ،

عموما الحمدلله وصلنا والأمور مشيت تساهيل الحمدلله ،


والله يسامحنا ويسامحــك يـــارب ويرزقنا ويرزقك بالتواضـع وتقدير ظروف السـائلين أيـا كان السؤال ،

أو بإمكانك مغادرة الموضوع بدعوة صـالحة كما فعلت في آخر ردك أو ترك الموضوع من غير رد ،

الله يوفقنا ويوفقك لكل خيـر وشـاكر لك المشاركـة البناءة

اقتباس:

---

المشاركة الأصلية كتبت بواسطة al6if

اطمنك .. ما عندك مشكلة ان شاء الله

انا حصل معايا نفس الشي و عدت الحمدلله برد و سلام و اصلا محد درا عن السالفة


اهم الاشياء الرسمية الي تهمك دحين ( ركز عليها )


جواز السفر + التأشيرة .. الاي تونتي .. شهادتك الدراسة


الباقي كله لو فيه اخطاء املائية .. بطتقة هوية اشتراك ولا عضوية ... ما عندك اي مشكلة

رحلة سعيدة ان شاء الله ^__^

---

الله يسعدك دنيــا وآخرة يــــارب

الحمد لله زي ماوضحت في ردك مشي الموضـوع سهالات الحمدلله ، بقية الأوراق والإثباتات المهمة الحمدلله الاسم مطايق فيها للجواز ،

الرحلة الحمدلله حلوة لكن معاناة للي يسافرون أول مرة واتكون السفرية طويـــلـــة : __(

والله يعطيك الصحة والعافية ويرزقك اللي تتمناه يـــارب


بالتوفيق يــــارب ^^

اقتباس:

---

المشاركة الأصلية كتبت بواسطة استبرق

الله يسهل لك يارب ويفرج همك
ان شاءالله مثل ماقالو الاخوان ماعندك مشكلة دام اوراقك الرسسميه مكتمله وتمام
توصل بالسلامه

---

آميـــن يــــارب ولمن دعا لي وللمسلمين والمسلمات

والله يوفقكي ويسعدكي ويرزقكي خيرات الدنيا والآخرة يـــــارب

السلام عليكم ورحمة الله وبركاتة الحمد الله على السلامه ان شاء الله الرحلة ممتعه الحمد الله علي كل حال والله يوفقك ويسر امرك موفق