الليلة رحلتي على وواشنطن ان ش الله أخيرا

اولا /الحمد لله حتى يبلغ الحمد منتهاه وحمد يليق بوجه الطهار الكريم وجلاله العظيم القدير..
ثانيا / انا صورة الجوزات والفيزا صور وبعدين سحبتها سكنر بي دي اف هل تمشي او لزم الاصلية؟؟

ثالثا/ والاهم يا اخواني انا وزوجتي لس باقي سننا مو مره كبار ونخاف شوي من السفر بس فى الاول والاخير اعجبكم بقوووه لكن مانى متعودين على السفر بعيد والانجلش ميح يعني تحت الصفر واكثر فا اتمنا من كل واحد وحده اخى او اختى تقدم لنا نصيحة ونبي دعم نفسي والله بعض الاحيان الانسان يحتاج الدعم المعنوي النفسي فا انا وزوجتي نحتاجكم اخواني وبالذات اخواتي البنات نبي نصيحتكم تكون مركزة على زوجتي تعرفون عاد قلوب الحريم ما هي قاسية وواجد اسأل انه يفرج همومنا ويقضي حواجنا ويشفي مرضانى ويعفي مبتلنا ويسر امورنا وينصر اخواننا في فلسطين و سوريا وبورما والشيشان والعراق وايران وفي كل زمان ومكان ..

واسف على كثر الكلام بس انا والله احتاج منكم كلام كثيررررررررر فلا احد يبخل وترا كلنا اخوان من الاسلام والدنيا بخير وطيبه والناس فيها خير

توكل على الله ولا تشيل هم وخليك متفائل خير و لا تبين لزوجتك انك خايف .. لان هذا راح يقويها اكثر و يريحها
وعن اللغة برضوا لاتشيل هم محد طلع من بطن امه و هو بيرفكت .. اشرح اشر حاول توصل المعلومة وخذ قاموس للضرورة القصوى
واغلب المطارات في مترجم عربي اذا ما خاب ظني .. واتمنى لكم التوفيق يارب

السلام عليكم ورحمة الله وبركاتة

ماشاء الله حياكم الله في ديرتكم الثانية امريكا ام الحريه اول شي الله يوفقكم ويسر اموركم ثاني توصلون بسلامه تطمن اخوي ترا الدعوه سهلااات لا تشيل هم باذن الله كل شي متيسر رحلتك على واشنطن دايركت ولا

اذا انت على الرحلة السعوديه ان شاء الله فيه ناس قدامكم تستقبلكم الله يحفظكم ومرحبا ومسهلا بتنورررر امريكا ;) موفق

الله يوفقك ويسهل أمركم ويوصلكم بالسلامة ..

موضوعك يبي له نفس طويل .. أنصحك تعمل بحث بالمنتدى وأكيد راح تثري معلوماتك من خلال تجارب الأخوة والأخوات الأعضاء وبشكل مركز ومعلومات منوعة
وعلى كل حال سأعطيك معلومات بسيطه قد تفيدك.. إضافة لما تفضلت به في موضوعك
1- تعمل سكان : للايتوني ، وهويتك الوطنية هوية زوجتك او دفترالعائلة، خطاب القبول من المعهد، قرر الابتعاث إذا أنت مبتعث، الضمان المالي او الشهادة البنكية،
2- شهادة تطعيم ضد الحمى الشوكية بالانجليزي (تحتاجه لما تبي تسكن بالدورم، وايضا احياا المعهد يطلبه منك)
3- تاخذ معاك مبلغ محترم 5000 دولار + بطاقة فيزا أو ماستر كارد وطبعا بطاقة الصراف العادية
4- ترجم عقد النكاح .. طلبوه مني لما جيت اطلب فيزة لزوجتي لما كانت بالرياض وأنا بأمريكا (أختياري)

شوف وين مدينتك وتواصل مع الشباب اللي ساكنين فيها -من خلال المنتدى- هم سندك الأول بعد الله بيساعدونك بالسكن والسيارة والأكل والمشتريات والتسجيل بالمعهد وطلباته

شيك على هذي المواضيع ،،
http://www.mbt3th.us/vb/forum8/thread374589.html
http://www.mbt3th.us/vb/forum8/thread245146.html
http://www.mbt3th.us/vb/forum8/thread354991.html
http://www.mbt3th.us/vb/forum8/thread368607.html
http://www.mbt3th.us/vb/forum16/thread378424.html

هذا ما لدي وعذرا على القصور

تطمن ي الغالي ... مطأر واشنطن ب الذات لازم تلقى عرب .... مليأأن ومايبخلون عليك ب المساعده يفرحون ...

واذا تأزمت الامور فيه اطلب مترجم عربي ... ( some one speak arabic) واذا معك ايفون ..حمل برناج مترجم

طق الكلمه ب العربي وحط الترجمه ب وجه الي قدامك هههههههه بيفهم وش تبغى ...





بالتوفيق ...


لاتشيل هم الامور سهالات ... ف هالزمن ...

لاتشكي للخلق واشكي للخالق .. اول نصيحه

ثاني شي ..

ياخوك خذ معك قاموس اسمه قاموس اكسفورد تحصله بجرير بـ 59 ريال او 60 :)

المهم انه مررره أليييييم الكتاب :)

وراح يفيدك ان شاء الله

وبعدين ياخوك توكل على الله واحسن الظن بالله واستودعه نفسك وزوجتك واهلك ومالك وصدقني ما راح يضيع شي :)


وبعدين ياخي انصحك ماتخلي الصلاة ولا تأخرها الصلاة بوقتها .. ولا تتنازل عن المعصية الصغيرة .. لان المعصية الصغيرة تجيب الكبيرة ... وبدون لا تشعر ..


والله الله بذكر الله والأذكار اليوميه

وربي يوفقك ويسهل امرك ودربك وردكم سالمين غانمين اللهم امين

تحياتي لك واستودعكم الله الذي لاتضيع ودائعه


محسن

مبروك ربي يفتحها بوشكو

و الله يعينكم على السفر

توكل ع الله و لاتشيل هم و لاتبين انك خايف او مرتبك عند زوجتك عشان تكون قويه

عموما لا قدر الله و ضعت في المطار او شي هذا اسم الفندق الي تنزل الملحقيه طلابها فيه

sheraton reston hotel

العنوان reston. VA 20191 - 5301

T- 703 620 9000

والله يسهل امورك;)