فتح حساب في bank of america
السلام عليكم
شباب انا بسافر امريكا رابع العيد ان شاء الله
وبدرس على حساب ابوي
لاكن انا متورط في سالفه البنوك
انا سمعت ان في ناس يمدحون البنك هذا bank of america
لاكن عندي اكثر من سوال
اول ما اوصل امريكا انا ناوي افتح حساب على طول
لاكن كم يوم علشان يخلصون اجراءات الحساب ويعطوني البطاقه ؟
والسوال الثاني
لو فتحت حساب وخليت ابوي يحولي فلوس كم يوم تجلس علشان تتحول الفلوس وتوصلي ؟
انا في ناس قالولي المفروض اني اطلع بطاقه الفيزا واحط فيها الفلوس لما اطلع من هناك حساب
لاكن مثل ما انتم عارفين الحين البنوك سكرت ما اقدر اطلع بطاقه وسفرتي رابع العيد
علشان كذا انا قلت باخذ معاي فلوس كاش
الحين السوال كم تنصحوني اخذ معاي ؟
اخر شي عارف اني طولت لاكن هذا اخر شي
الحين انا بسكن مع عائله لاكن توني ما دفعت لهم الفلوس الي هي 660 دولار
وفيه بعد فلوس المعهد ما دفعتها
هل اقدر اقولهم اني ما اقدر ادفع اذا وصلت عندهم علشان ما عندي حساب
يعني اول ما يجيلي حساب راح اعطيهم على طول الفلوس
علشان صعبه اني اشيل كل هل فلوس معاي في جيبي
رد: فتح حساب في bank of america
السؤال الاول ينفتح لك الحساب فوراً وانت جالس ، لكن بالنسبة للبطاقات والله ناسي
السؤال الثاني تقريباً يومين
بالنسبة للفلوس انا اقنرح عليك تاخذ فلوس السكن واضافة عليها الف دولار احتياط
وبالنسبة لفلوس المعهد اذا فتحت الحساب اعطيه احد علشان يحولك الفلوس وبالتوفيق لك اخوي
رد: فتح حساب في bank of america
طيب اخوي اذا فتحولي حساب
تتوقع يعني لو تتذكر تقريبا كم يوم علشان يعطونك بطاقه
علشان ما راح استفيد من الحساب من دون بطاقه
واخوي بالنسبه للمعهد هل اقدر ادرس عندهم كم من يوم لين تجيلي الفلوس ؟
يعني هل يرضون
علشان انا بتبدا دراستي بعد اربع ايام من وصولي لامريكا وما اتوقع ان راح تكفي اربع ايام علشان تجيلي الفلوس
رد: فتح حساب في bank of america
بالنسبة للبنوك
عندك بنك اوف امريكا وتشيس وولس فارقو
كلهم زي بعض ومافيه فرق كثير بينهم
بنك اوف امريكا انا فاتح حساب فيه من سنه تقريباً
والحمدلله مرتاح معاهم
فتح الحساب ماياخذ وقت كثير ويعطوك بطاقه في نفس الوقت
طبعاً بطاقة تيمبرري مؤقته لين يرسلون لك بطاقه عليها اسمك عالبريد
خذ معك مبلغ من ٢٥٠٠ الى ٣٥٠٠ لين تمشي امورك هناك
واول ماتوصل افتح حساب وحط المبلغ فيه واستخدم البطاقة
بالنسبة لتسديد العائله والمعهد هذي اكيد وضحوا لك في القبول طريقة التسديد
اغلب المعاهد لما توصل تسددهم في اول اسبوع دراسة
بالتوفيق ان شاء الله
رد: فتح حساب في bank of america
تذكرت انهم يعطونك بطاقة مؤقتة بالبداية ياخوي
وبالنسبة للحساب بتقدر تستفيد منه بدون بطاقة اذا تبي فلوس تروح للبنك ، والمعهد ادفع لهم بالشيك لانهم بيعطونك دفتر شيكات
وبالتوفيق لك اخوي
رد: فتح حساب في bank of america
يعطيكم العافيه شباب ما قصرتوا
طيب وش نظام السحب انا سمعت ان كل ما سحبت فلوس ياخذون مبلغ معين
كم ياخذون
رد: فتح حساب في bank of america
اقتباس:
المشاركة الأصلية كتبت بواسطة Black Dragon
تذكرت انهم يعطونك بطاقة مؤقتة بالبداية ياخوي
وبالنسبة للحساب بتقدر تستفيد منه بدون بطاقة اذا تبي فلوس تروح للبنك ، والمعهد ادفع لهم بالشيك لانهم بيعطونك دفتر شيكات
وبالتوفيق لك اخوي
اخوي طيب هذي البطاقه الموقته بيعطوني البطاقه اول ما اطلع حساب عندهم يعني من اول يوم صح ؟
هل اقدر اخلي ابوي يحولي على هذي البطاقه ولا لازم يكون الحساب مهب مؤقت ؟؟
رد: فتح حساب في bank of america
اذا سحبت من مكاين بنك اوف امريكا المنتشرة بكثرة لن يؤخذ عليك اي شيء
لكن اذا سحبت من صراف آخر ياخذون منك دولارين او ثلاثة يعتمد على المكينة
- - - مشاركة محدثة - - -
اقتباس:
المشاركة الأصلية كتبت بواسطة da7o0om10
اخوي طيب هذي البطاقه الموقته بيعطوني البطاقه اول ما اطلع حساب عندهم يعني من اول يوم صح ؟
هل اقدر اخلي ابوي يحولي على هذي البطاقه ولا لازم يكون الحساب مهب مؤقت ؟؟
ايه اخوي الحساب بينفتح فوراً وبيعطونك رقم حساب ، ماعليك سوى انك تقول لابوك على رقم الحساب ويحول لك
رد: فتح حساب في bank of america
زي ماقالوا الاخوان , وتقدر تاخذ معك مبلغ إلى 10 الالف دولار كاش واذا وصلت تودعهم بحسابك الي راح تفتحة ع طول. وتقدر تستخدم البطاقة بنفس الوقت بس تذكر ان لازم تفعل البطاقة اول ماتطلع من البنك بانك تستخدم البطاقة بصرافة نفس البنك لو بس تستفسر عن الحساب.
رد: فتح حساب في bank of america
اقتباس:
المشاركة الأصلية كتبت بواسطة al-wed
زي ماقالوا الاخوان , وتقدر تاخذ معك مبلغ إلى 10 الالف دولار كاش واذا وصلت تودعهم بحسابك الي راح تفتحة ع طول. وتقدر تستخدم البطاقة بنفس الوقت بس تذكر ان لازم تفعل البطاقة اول ماتطلع من البنك بانك تستخدم البطاقة بصرافة نفس البنك لو بس تستفسر عن الحساب.
يعطيكم العافيه شباب ما قصرتوا
اخوي ما اتوقع اني راح اقدر اشيل طول السفره ١٠ دولار كاش هذا المبلغ كبير جدا
اتوقع اني باخذلي ٣٠٠٠ دولار واول ما افتح حساب بخلي ابوي يحولي على طول الفلوس
ما قصرتوا يا شباب
يعطيكم العافيه