الأعضاء الإشتراك و التسجيل

الملتقيات
ADs

ابي اشاوركم ياطلاب امريكا

ابي اشاوركم ياطلاب امريكا


NOTICE

تنبيه: هذا الموضوع قديم. تم طرحه قبل 1978 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية Yousef..
    Yousef..

    مبتعث مستجد Freshman Member

    Yousef.. الولايات المتحدة الأمريكية

    Yousef.. , ذكر. مبتعث مستجد Freshman Member. من السعودية , مبتعث فى الولايات المتحدة الأمريكية , تخصصى - - , بجامعة - -
    • - -
    • - -
    • ذكر
    • Seattle,, Washington
    • السعودية
    • Jun 2012
    المزيدl

    August 18th, 2012, 09:06 AM

    السلام عليكم ورحمة الله وبركاته
    كل عام وانتم بخير وصحة وسلامه وينعاد عليكم يارب العالمين
    .،
    ،.


    ابي اشاوركم وابي النصيحه يا اخواني
    انا خريج بكالوريوس من كلية الاقتصاد والعلوم الادارية بجامعة الامام
    تخصصي : أعمال مصرفية .
    وناوي بإذن الله اكمل ماجستير MBA in Financial
    طبعا انا باطلع على حسابي اول كم شهر بعدين انضم (يارب)
    والله محتار في كل شي بالنسبه ( للجامعة - المعهد - الولاية ) ؟!



    انا باطلع على حسابي ويهمني موضوع الشهور الاولى كم اصرف وكذا… وكم قيمة المعهد والسكن
    <<< انا من عائله ليست غنية ــ الله يرزقنا وياكم يارب - يعني ما ودي اروح اي حاجه الا انا عارفها ودارس الموضوع الف مره لانه يهمني المبلغ اللي راح اصرفه


    وفي نفس الوقت ابي:
    مدينه آمنه وحلوه (( اهم شي مافيها زنوج )
    و معهد رخيص <<< اهم شي لانه بيكون على حسابي في البداية
    وجامعه حلوه << وقتها بأكون على حساب الحكومه (الله لايخلينا بس)




    للاسف انا ما اعرف احد يدرس في امريكا
    يعني معتمد على الله ثم على نصايحكم


    وبالنسبه للقبول في المعهد والجامعه قريت مواضيع كثير لين صكني رااااسي
    بعضهم يقول جبها بنفسك وبعضهم يقول كبر دماغك ورح مكتب يجيبها لك
    انا عن نفسي اشوف ان قبول المعهد سهل اجيبه
    بس الجامعه لا …..، كل جامعه ولها شروط وحوسه لانه ماستر
    << تنصحوني اروح مكتب يضبطني في قبول الماجستير والمعهد انا اراسلهم بنفسي
    واذا في مكتب تعرفونه ومجربينه ياليت احد يدلني عليه


    وانا زي ما قلت لكم ما اعرف احد ابتعث قبل كذا ومعتمد على التجارب الناجحه اللي في المنتدى
    واملي في الله كبير انه بيسهل اموري كلها


    وفي الاخير احب أذكر نفسي وغيري بقول النبي ـصلى الله عليه وسلم
    ((من لا يشكر الناس لا يشكر الله))
    فاشكر جميع من يكتب في هذا المنتدى لاجل مساعدة اخوانه وهم مأجورين بأذن الله
  2. اول ياخوي انا مريت نفس التجربه وكنت امسي واصبح ابحث



    فاتوصلت لي نقاط انت الي تحددها


    اسىل نفسك هذي الاسىله

    وش احب يكون الجو .برد، حر،، ثلج ؟؟
    هل انا ابي مدينه رخيصه ؟

    هل انا احب الطبيعه؟

    هل انا احب المدينه الصخبه يعني الزحمه ؟
    ماهي الجامعه التي تقبل تخصصي ؟

    من راي ياخوي باذن الله ان تدعيلي انا الحين ساكن في مدينه يوجين اوريغون ،المعهد هنا صراحه كويس مره مع انه مليان سعودين بس ماعليه انت الي تحدد اذا تبي تكلمه ولا تقدر واصلن محد يمك الا اذا انت تبي تكون صداقات

    المدينه امطار ٧ شهور وطبيعه علي كيف كيفك معروف اوريغون والمدينه بدون تاكس والسكن رخيص بس يعيبها انها مافي عواىل امريكان كثير مايحتاج سياره لن الباصات منتشره اذا تبي الجامعه او السوق

    تحتاج سياره في حاله انك تبي تسافر في الويكند جمبك بورتلاند وجمبك سياتل بورتلاند ٢ ساعتين وسياتل ٥ وشوي ساعات


    امان علي كيف كيفكم مافيها سمر ولا فيها عنصرين في بقاله عربيه فيها اكل عربي في مدينه اسمها كورفالس تبعد نص ساعه وفي مطعام عربيه في يوجين


    وماشاآ العرب فيها وفي مسجد .....الامر راجعلك بس انا صراحه ماندمنت اني جيت هنا ويمديك تروح في الاجازاات كالفوورنيا بينك وبين لوس انجلس ١٤ ساعه تقريب بالسياره


    المعهد نظامه ست لفلات كل ليفل شهرين ونص وبعدين اجازه ٢٧ يوم وبعدين يبدا ترم جديد

    الجامعه الي عندنا مشهوره في البزنسس يعني تخصص المحاسبه والبزنسس


    اخوي اي سوال ؟؟؟ ومابي منك الا الدعاآ لي
    7 "
  3. الولايات شماليه رخيصه مثل منيسوتا اوهايو انديانا لكن يعيبها بااااارده جداً في شتاء عندك ولايات رخيصه اريغون في الجنوب اعتقد وايضاً اركانساس ولايات جداً رخيصه ابحث عن الولايات الرخيصه اولاً لإنك بطبع بتحصل جامعات ومعاهد رخيصه فيها تحياتي لك لاتنساني من دعائك
    7 "
  4. المشاركة الأصلية كتبت بواسطة ربك الساتر
    اول ياخوي انا مريت نفس التجربه وكنت امسي واصبح ابحث



    اخوي اي سوال ؟؟؟ ومابي منك الا الدعاآ لي
    وش احب يكون الجو .برد، حر،، ثلج ؟؟
    من ناحيه الجو انا عااادي مايفرق معي مرررره

    هل انا ابي مدينه رخيصه ؟
    ابي رخيصه الى متوسطه ( غالي لا )

    هل انا احب الطبيعه؟
    ايه احب الطبيعه تخلي الواحد يرووووق

    هل انا احب المدينه الصخبه يعني الزحمه ؟
    يعني بين كذا وكذا
    ما تكون ميته هاديه (ممله) بزياده
    ولا صاخبه مرررره ( ازعاج وزحمه )

    ماهي الجامعه التي تقبل تخصصي ؟
    التخصص MBA في اغلب الجامعات اشوفه
    ________

    يعطيك العافيه اخوي ما قصرت

    بس عندي اسفسار الله لا يهينك

    وش اسم الجامعة وش اسم المعهد وهل الى الان معتمد من الملحقيه ؟
    وكم اسعار السكن تقريبا ( وش تنصحني في البداية اسكن مع عايله ولا شقه )
    7 "
  5. المشاركة الأصلية كتبت بواسطة اسير الـغربه
    الولايات شماليه رخيصه مثل منيسوتا اوهايو انديانا لكن يعيبها بااااارده جداً في شتاء عندك ولايات رخيصه اريغون في الجنوب اعتقد وايضاً اركانساس ولايات جداً رخيصه ابحث عن الولايات الرخيصه اولاً لإنك بطبع بتحصل جامعات ومعاهد رخيصه فيها تحياتي لك لاتنساني من دعائك
    انا الي اعجبتني يوم قريت عنها .اوهايو ، اورقين

    جزاك الله خير اخوي ما قصرت =)
    7 "
  6. اذا تبي اوهايو انا ممكن افيدك عن جامعة توليدو

    طبعاً المعهد اصبح سيء ما انصحك فيه لأن ادارته تغيرت ومعظم المدرسين القديمين راحوا

    تكلفة المعهد ٢٢٠٠ دولار في الترم وممكن تدفع لهم حق سمستر كامل اللي هو عباره عن ترمين ٣٨٠٠ دولار وبالتالي راح توفر ٦٠٠ دولار

    بما انك ماستر نصيحتي لك لا تجي امريكا وان صفر باللغه يعني ما عندك الاساسيات .. ادرس في السعودية وحاول تطور نفسك لأنك راح توفر حوالي ٥٠ الى ٦٠ الف ريال بالحاله هذي وجرب اختبر توفل والمطلوب منك انك تجيب ٥٥٠ في التوفل و ٤٥٠ في الجيمات ..

    ومعظم الجامعات ما تعطي قبول مشروط للماجستير .. يعني لازم تجيب المتطلبات اللي هي التوفل والجيمات و التوصيات ويقولون لك حياك الله
    7 "
  7. المشاركة الأصلية كتبت بواسطة naif2010
    اذا تبي اوهايو انا ممكن افيدك عن جامعة توليدو

    طبعاً المعهد اصبح سيء ما انصحك فيه لأن ادارته تغيرت ومعظم المدرسين القديمين راحوا

    تكلفة المعهد ٢٢٠٠ دولار في الترم وممكن تدفع لهم حق سمستر كامل اللي هو عباره عن ترمين ٣٨٠٠ دولار وبالتالي راح توفر ٦٠٠ دولار

    بما انك ماستر نصيحتي لك لا تجي امريكا وان صفر باللغه يعني ما عندك الاساسيات .. ادرس في السعودية وحاول تطور نفسك لأنك راح توفر حوالي ٥٠ الى ٦٠ الف ريال بالحاله هذي وجرب اختبر توفل والمطلوب منك انك تجيب ٥٥٠ في التوفل و ٤٥٠ في الجيمات ..

    ومعظم الجامعات ما تعطي قبول مشروط للماجستير .. يعني لازم تجيب المتطلبات اللي هي التوفل والجيمات و التوصيات ويقولون لك حياك الله
    مشكور اخوي
    بخصوص المعهد اذا سيء وش الفايده على الاقل يكون متوسط

    بنسبه لنصيحتك بخصوص دراسة اللغة فالسعوديه انا درست تقريبا ٣ شهور
    وشكلي بكمل ادرس هنا كم شهر ثم اطلع

    بخصوص النقطه الاخيره اللي اقراه هنا انه موجود جامعات تعطي قبول مشروط !!
    على العموم شكلي بروح مكتب قبولات اتأكد هل هم يجيبون قبولات مشروطه ماستر ؟
    لانه النظام الجديد لازم قبول جامعه ومعهد عشان تفتح ملف دارس على حسابي الخاص


    يعطيك العافيه
    7 "
  8. الله يسهل امرك اخوي انا اشوف انك تجي معهد حليو ماودي اقول تجاري لانه اذا جيت على تجاري وتم بفضل الله الانضمام تقدر تحول لفضل معهد وافضل ولايه .والمعهد اسعارها موجود في موقع مبتعث اعتقد ابحث ورح تحصلها وادخل رابط المعهد اسال المعهد بلايميل ترا يردون ع طول مو ربعنا اسبوع ع شان يرد عليك ....
    7 "
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.