ما لي الا يومين في امريكا ..؟

من المتوقع حصولها الى اي شخص في الاسبوعين الاولين كلها شهر وبتحس انكم في السعوديه وبالعكس ماودكم ترجعو بس ودكم كل فتره تشوف اهلكم

اختي احساسك هذا طبيعي ، اذكر اول ما وصلت امريكا كنت فعلاً متضايق ونفسيتي دماااااااار لكن بعد ٣ شهور تعرفت على سعوديين وحسيت اني بين اهلي ولا حسيت بالغربة

نصيحه لا تضيعين مستقبلك ومستقبل زوجك وانتوا في اول الطريق ، والنجاح لا يأتي بسهوله فإذا استسلمتي من البداية ما اقول الا الله يعينك

اقل شي تمشوا شهر شهرين

اذا انتوا مصرررين على العوده

وبكل الاحوال ،،، العوده قرار غير صاااائب ،،،

الحمد لله السعوديه مكانها هوا هوا ،،، ما راح تطيير ولا تتغير

بالعكس زحمات ف الشوارع وناس ما تطبق القوانين ،، وساهر وحافز ... مدري وش يعجلكم على ديرتنا -- الله يزيين احوالها ---

والاهل يجيبهم الاتصال او مكالمات الفيديو

واللي غيرهم مهو نا فعكم لا رجعتوا له

وسلامتكم

نصيحة لوجة الله
لا تتخذوا قرار و انتم بعز غضبكم او بعز نرفزتكم و توتركم ..
اتخذو قرار و انتم هادين و متوكلين على رب العالمين
و كل عام و انتم بخير

لا اريد ان ازيد على ما قال الاخوان

لكن نصيحة من القلب :: الرجعة لا فائدة منها اذا كانت بدون مصلحة مضمونة كوظيفة او ما شبه

وثانيا الحياة الروتينية مملة فاعتبروها (البعثة) من باب كسر الروتين

و اذا اصريتوا على العودة فاقتراحي انكم تقدموا طلب تاجيل البعثة ................وترجعوا لحياتكم الروتينية لمدة من الوقت و بعد ذلك قرروا

واخيرا في القرارات المصيرية لا تنسوا الاستخارة ............واعلموا ان الخيرة فيما اختاره الله

صراحه مع نفسك يا زوجة

لو انا مكانك بعتبره شهر عسل

و اطلع اتمشى و انبسط مع زوجي بدال لا اتبكبك عليه رجعني رجعني

السلام عليكم ورحمة الله وبركاته ..
على حسب ماقريته من مواضيعك السابقه والحاليه .. أن زوجتك هي اللي شجعتك بموضوع الدراسه وشجعتك ايضا بانك تخلص اجرائات السفر بسرعه ..
والان لما وصلتوا .. حصل عكس ماتوقعت مع زوجتك ..

بمعنى ثاني أن زوجتك كانت متحمسه للموضوع .. وفجأه تغير وضعها لما وصلتوا لامريكا ..

في هذه الحاله ... أنا انصحك أن تقرأ عليها بشكل يومي وهي تقرأ على نفسها وتتحصن بالاذكار اليوميه ..

وايضا فيه حاجه لازم تسويها ...
حاولوا تنشروا خبر أنكم خلاص راح ترجعون السعودية .. حتى تهدأ نفوس الغير ..
لان الواضح أن مافيه احد يعرفكم الا وعرف انكم بتسافرون .. وبالاخص من ناحية الزوجه ..

ومن الممكن أن احد وقعت نفسه يكون في محلكم ..

فلذلك انا من رأيي انكم تحصنون انفسكم بالاذكار اليوميه والقرائه الدائمه على انفسكم .. وايضا تحاولون تنشرون خبر رجوعكم أو خبر يحاول يحبط من نفسية الغير بحيث أنكم تضعون في نفوس معارفكم أن السفره هذي صارت معقده وانكم لو قعدتوا احسن بس اللحين ابتلشتوا فيها ومن هالكلام ..
لحتى تهدا نفوس الناس من حولكم ويتركون التفكير بمسألة السفر ...


اعملوا اللي قلت لكم عليه وتوكلوا على الله .. وكل ماحست بضيقه تقرأ سورة "الم نشرح لك صدرك" .. ثلاث مرات يوميا ..
وبأذن الله راح تلاقون الفرق في غضون ايام معدوده ...


هذا والله اعلم ..

اخي الكريم
كل عام وانتم بخير
فقك لي طلب واحد
ان تقنع الزوجة بالعودة بعد شهر واحد فقط
يعني خلال هذا الشهر
سوف تتغير نفسيتها
المسالة وقت
دمت بحفظ الباري
سوف اسال الوالدة ان تدعوا لكم بالتوفيق
دمت موفقا

اللهَ يعينكمََ اخوي واختي ..
بس بجد لاتتسرعو بتأخذ قرار تندمون عليه بعدين ..
وعلى قولت الجميع اعتبروها سفره شهر شهرين وبعدين ودكم ترجعون السعوديه
والله ماغير تقولون ناجل رحلتنا للسعوديه افضل وكلو عشان تعودتو على الوضع
الله يوفقكم ب الدراسهه ولاتستعجلون بقرار غير صائب تندمون عليه بعدين
وربي يعينكم لما فيه خير لكم

الله يعينكم ان شاء الله

انا ياالغالي نفس وضعك تركنا الولد بالسعودية

وقلب الام مو مثل الاب متعلقة بالجوال

لكن الحمد لله لنا الان 3 شهور

عليك بذكر الله والمحافظة ع الصلاة

دور لك عوائل سعوديين التعارف كويس والاختلاط زين

الترويح عن النفس تمشوا بالمدينة

مع بداية الدراسة ان شاء الله امورك تزين لانها بتأخذ وقتكم ..ان قدرت تأخذ اجازة ع كريسمس كويس لان الامل بالحياة زين يعني بعد 4 شهور تقريبا وترى الايام تروح

اتمنى لكم التوفيق