ما لي الا يومين في امريكا ..؟

قلت لك سابقاً أن ترك الطفلة في السعودية سيكون له تأثير سلبي على نفسية الأم,,
ابحث عن عوائل سعودية لأجل التعارف (لأن البنات يحبوا الفضفضة مع بعض) ، وهذا راح يخفف عليها بعض الشيء,,
ربنا يكون في عونكم,,

انتم تركتو بنتكم ..?? ماجبتوها معكم ليه؟؟؟ الله يعينكم يارب

رصيف الشمس انازوجة الملقب ب لااله الا الله ماارتحت نهائيا نفسيتي مررررررره تعبانه مو بس من ناحية بنتي من كل النواحي علشان كذا بتوكل ع الله وبرجع السعوديه والله يختار اللي فيه الخير ايمكن خير لنا ماصرت اقدر اتحمل الجلوس في امريكا ابدددددا

بنوتتنا ما خلصت اجرائتها صح مشتاقه لها بس انا ماارتحت من كل شي

اللهم صلي على محمد وعلى اله وصحبه وسلم..
اخي واختي كلنا مرينا بالي انتم فيه الحين ويمكن اكثر لاني انا بالنسبه لي اول ماوصلت امريكا ماعرف بمدينتي احد فوضعكم افضل مننا بكثير مع زوجتك..
صدقوني هيا ايام وبتمضي الله يوفقكم ويكتب لكم الي فيه الخير...
بعدين تذكري انتم جيتوا هنا لترفعوا سمعتكم وسمعت اهلكم ...وتذكروا دعوات والديكم لكم واهلكم كيف مفتخرين فيكم...
اخي اختي لاتتخذون قراركم بالسرعه تحملوا وصبروا وان الجنه قال الله تعالى عنها (لا ينالها الا الذين صبروا)

استهدوا بالله واستغفروا كثيرا

وكلها كم يوم وتخلص طفلتكم اجراءاتها وتروحين تجيبينها بعد ما تكوني تعرفتي على المنطقة وارتحتي فيها

قرار الرجوع قرار صعب، واتخاذه يتطلب أسباب أكثر من أن الواحد ما هو مرتاح نفسيا، مع أن مثل هذا السبب في حالات نادرة يكون وجيها ووجيها جدا. هذا مستقبل ما هو نزهة للبر ونرجع البيت

الرجوع بالتأكيد سيكون القرار الذي سيندم عليه الإنسان طول عمره (مدد ألله في أعماركم وهداكم سواء السبيل).

إذا المكان ما عجبكم، تنقلون، وإذا الولاية ما عجبتكم تغيرونها

فكونوا عونا لبعضكما لا عبئا، واستخيروا الله تعالى وكل عام وأنتم والجميع بخير

استهدوا بالله...... على طول بترجعون...... اعتبروها اجازة شهر..... استانسوا، شوفوا الدنيا، اطلعوا، تمشوا، ....... بعدين بتحصلوا انكم تعودتوا على كل الي حولكم

لا تشيلون هم الغربة صدقوني ما دامكم متزوجين و عندكم طفل ما رح تحسون بالغربة .... الي يحس بالغربة الصدق الشباب الاعزب

بالتوفيق

السلام عليكم
اول شئ " كل عام وانتم بالف خير "
ثاني شئ ما هكذا تؤخذ الامور يا قوم
الان انتم في بداية المشوار واولها بنرجع !؟
ترى طبيعي جدآ اذا امتزج الخوف من المجهول والغربة والحينين للاهل والوطن
تخطر على بالكم فكرة الرجوع , بس انا اقول تعوذو من ابليس
واستهدوا بالله واصبرو فتره كذا شهرين ثلاثه ما تاقلمتو على الوضع
كذا اقولكم الله ييسر عليكم وبالتوفيق في دينكم ودنياكم
والهمام الهمام لارض الوطن , علمآ انكم بكل تاكيد اذا رجعتو
راح تندمو كثيرررررر , انا اعرف اشخاص رجعو جلسو فتره قصيرة في السعودية
قضمو اصابع يدينهم عشان ما كملو
ترى الشهادة تجيبها باصغر العمر افضل من انك اذا وصل عمرك 40 وفوق تقول يا ليت ويا ليت
اخيرآ الله يوفقنا واياكم والمسلمين اينما وكيفما كان اختياركم

اخوي عليك بالقران والدعاء أن الله ينزل السكينة عليكم ويشرح صدوركم
تعرف على عوائل سعودية وخش عليهم بقهوتك تراهم يفرحون لاتحسب انك نشبه
ترى القهوة تخليهم يرحبون فيك غصب