طلب ورجاء من (بعض) الاخوان اللي يسون عقد سكن ويشردون (نخيتكم)

والله لي اسبوع افكر في الموضوع بعد ماجاني كلام من زميل لي انه راح يستأجر في سكن في الداون تاون معروف بكثرة الطلبة السعوديين فيه ، وللأسف طالبوه يدفع ديبوزت حق شهرين !!

يعني لا احترموا تعاليم الاسلام ولا قيمنا ولا احترم الناس الي مستضيفينه في بلدهم ولا احترم نفسه ؟؟ وش باقي !!!

صادق اخوي وانا واجهت هذا الموضوع شخصيا

رحت شفت سكن وكان مدير الاوفس ماهو موجود فاللي ورتني الشقه مساعدته جديده توها لها اسبوع يعني ماهي داريه وش صاير قبل

لما عجبني السكن وجيت اوقع العقد اتصلت على المشرف عشان يجي يوقعه معاي

اول ما دخل وشافني محجبه وجهه انقلب تماما

سألني انتي من السعودية قلت له ايوه قال لي بلهجه جافه ترى العقد مدته 12 شهر و ممنوع عندنا كسر العقد ومن الكلام هذا و يقرا لي الشروط

شافني مستغربه اسلوبه شوي قال سوري بس كثير طلاب سعوديين يجون كم شهر يدرسون لغة في الجامعة اللي جنب السكن و نكتشف انه طلع قبل العقد وحول على ولايه ثانيه

الحمدلله ما رفع علي الديبوزيت ولا شي لأنه اتصل وتأكد من السكن اللي قبل عن التزامي بالعقد معهم بس يحز في خاطر الواحد لما تكون انسان ملتزم و تراعي حقوق الناس و تواجه معاملة محرجه من هذا النوع

يا ليت كل انسان يفكر مية مره ان الله يتجاوز عن حقوقه لكن حقوق العباد تقف بينه وبين مغفرته

مثل عندي نفس الكلام فيه سكن رمييتات .. كان اول قبل سنتين تدخل بـ 500 حق اول شهر ماكان فيه ديبوزت اصلن .. مافيه الا حق ابلكيشن 150

الحين تدفع 1500 حق اخر 3 شهور .. الموضوع اللي فهمته من اللي يشتغلون بالسكن ان الموضوع مو بس يشردون لا .. يقولي يخربون بعدين يشردون يعني يعدمون الشقه عدم

الكلام مو بس في السكن هذا .. تقريبا 5 سكنات لطلاب الجامعه ( الرومميت ) كلهم صارو كذا يبون حق اخر 3 شهور

الله يعينك اخوي ويعييننا

اهلا فيك اخوي.. نعم شفت موضوعك وكله واقعي وكل المدن موجود اللي ذكرتها للاسف مع انه في ناس تغضب منك ومن موضوعك لانه حقيقي
انا بصراحه مؤيد لكلامك لان الشي اللي يضر الغير بصراحه بوقف ضده بكل قواي... يعني مثلا يجيك واحد فاشل يسوي خطاء ما من الاخطاء ويجونك الامريكان من الجهله
يعمم على السعوديين هذي تضرني كثير وتاثر علي!! اقل مثال وهو فيه بعض من الدعامه والحزن/

كانت معي سخونه حاده ورحت المستشفى وكشف علي الدكتور وسألني من وين قلت من السعوديه قالي تدخن؟ قلت له لا قالي معقووووووووووووووووووووووله!! قلت له ايه قال اكثر السعوديين يدخنون هنا. فللاسف هذه اللي حاصل
حتى اعرف ناس ومالومهم على ذلك صاروا مايقولون حنا سعوديين لمن ينسألون صاروا يقولون انهم من دول خليجيه اخرى

اهلا اخوي هذه اللي ابي اوصله انا مالي دخل فيهم في ناس بلاويهم كثير لكن مع ربهم مو انا اللي احاسبهم بس في اشياء تضر السعوديين الباقين
لازم يحسون شوي لان في ناس اعرفهم كثير تجيهم حوالات كل شهر مع راتب الملحقيه يعتبر لهم راتبين من البابا والماما!! والبعض على الله ثم على المخيس العيسى وزمرته
ومارح افتي بالدين نفس ماذكرت بالموضوع لكن اللي اعرفه واللي درسته انه العقد مستوفي بين الطرفين ومادمت موقع على عقد وقاري كل الشروط معناها تصبح انت اخلفت العقد والمواثيق
وهربت والذنب عليك

موضوع في الصميم .. فشلونا الله يفشلهم
انا الحمد لله اسكن في شقق الجامعه .. اجارها 700 شامل الكهرب والمويه والانترنت وكل شي

{‏يَا أَيُّهَا الَّذِينَ آمَنُواْ أَوْفُواْ بِالْعُقُودِ‏}‏

فعلا كلامك صحيح اخوي عبدالعزيز ، انا سكن في مجمع ووقعدت العقد ولما جينا على التامين قالوا شوف تبغي تدفع 500 وترجع لك نهاية السنه او تدفع 87 دولار وما ترجع ، قالوا احنا سئلنا عندك وحصلنا انك كنت ساكن في مجمع قبل كده وكنت منضبط ، بعد 4 شهور كلمني صديقي وقالي ابغي سكن ، وجاني ورحت للادره وقالوا خليه يعبي الابلكيشن ونرفع الطلب ، رجع الطلب بالرفض ، طبعا كلمت المدير وكلمني بكل صراحه ، قالي احنا جانا قرار ما نسكن سعودي ، لان قبل شهر واحد شرد ةعندنا فرع ثاني كمان واحد شرد بعد شهرين ، قال صاحبي طيب انا حدفع لكم تامين شهر كامل ، قالوا آسفين ما نقدر نسكنك طالما انك جديد ، لو انت سكنت قبل كذا في مجمعات ثانيه كان قدرنا نسئل .

- - - مشاركة محدثة - - -

فعلا كلامك صحيح اخوي عبدالعزيز ، انا سكن في مجمع ووقعدت العقد ولما جينا على التامين قالوا شوف تبغي تدفع 500 وترجع لك نهاية السنه او تدفع 87 دولار وما ترجع ، قالوا احنا سئلنا عندك وحصلنا انك كنت ساكن في مجمع قبل كده وكنت منضبط ، بعد 4 شهور كلمني صديقي وقالي ابغي سكن ، وجاني ورحت للادره وقالوا خليه يعبي الابلكيشن ونرفع الطلب ، رجع الطلب بالرفض ، طبعا كلمت المدير وكلمني بكل صراحه ، قالي احنا جانا قرار ما نسكن سعودي ، لان قبل شهر واحد شرد ةعندنا فرع ثاني كمان واحد شرد بعد شهرين ، قال صاحبي طيب انا حدفع لكم تامين شهر كامل ، قالوا آسفين ما نقدر نسكنك طالما انك جديد ، لو انت سكنت قبل كذا في مجمعات ثانيه كان قدرنا نسئل .

يمكن يكون معه حق لكن لاتز وارزة وزر اخرى وهذا تمييز صريح قد تعاقب عليها الشركة المالكة للعمارة ....