السلام عليكم ورحمة الله وبركاتـــه

بالنسبة للتأمين الطبي الخاص بالمرافق هـل راح يجي مع التأمين الطبي الخاص بالمبتعثـة ؟
بمعنى آخر بطاقة تأمين المرافق راح تجي مع بطاقة تأمين المبتعثة مع بعض ؟؟

والا لازم أتصل على شركة التـأمين وأطلب منهم بطاقة التأمين وفي الأرجح راح يطلبون مني رقم الطالب في الملحقية !

الله يسهل أمورنا وأموركم وأمور المسلمين والمسلمات يـــارب

لك بطاقة خاصة عليها صورتك الشخصية,,
اتصل على أتنا وأعطهم معلوماتك ، وبعد ذلك عليك تحميل صورتك من خلال موقعهم وسوف يرسلونها لك خلال ٥ أيام بإذن الله,,
ربنا يوفقك,,

الله يعطيك الصحة والعافية يالغالي عالإفـادة ،

طيب يعني حاليا لما أتصل على أتنا ماراح يطلبون مني رقم الطالب في الملحقية ؟

والا راح يطلع عندهم إني مرافق للمبتعثة ويسألوني عن الاسم وتاريخ الميلاد ؟


الحاجة الثانية بالنسبة للصورة ، قبل يومين تقريبا اتصلنا عليهم وأخدنا رقم الـ ID الخاص بالأخت في شركة التأمين واتصلنا على رقم آخر وطلبت من الأخت تاريخ الميلاد والاسم ،

في الأخير طلبت العنوان اللي يرسلون عليه بطاقة التأمين الخاصة بالأخت وأعطيناهم العنوان ،

لكن الغريب بإنهم ماجابو أي خبر للأخت عن الصـورة :/ !

وقالت الموظفة خلال 7 أيام راح توصل البطـاقـة !،

فهل نحتاج حاليا ندخل موقع الشركة ونرفع الصورة ؟

والا راح توصل البطاقة بدون صـورة ؟

عذرا على الإطـالـة ^^

حبيبي انا اول ماجبت المرافقه الي معي من السعودية ورفعت معلوماتها على البوابة الالكترونية بعد يومين تقريباً وصلني ايميل من شركة اتنا. ودخلت على حسابي ورفعت صورة المرافقه ومعلوماتها وارسلوا لي البطاقة وبتكون المعلومات نفس معلوماتك يعني اسمها بيكون تحت اسمك.

موفق

- - - مشاركة محدثة - - -

حبيبي انا اول ماجبت المرافقه الي معي من السعودية ورفعت معلوماتها على البوابة الالكترونية بعد يومين تقريباً وصلني ايميل من شركة اتنا. ودخلت على حسابي ورفعت صورة المرافقه ومعلوماتها وارسلوا لي البطاقة وبتكون المعلومات نفس معلوماتك يعني اسمها بيكون تحت اسمك.

موفق

يالغالي الإشكالية اللي عندي بإن الموظفة ماقالت للأخت سجلي في موقع أتنا وارفعي الصـورة :/ ! ؟

وقالت راح توصل البطاقة خلال 7 أيـام ،

دوبنا جينا نسجل في موقع أتنا وكل شوي تجينا رسـالة error !

مع إننا متأكدين بإننا كتبنا رقم الـ id بداية بـ w ومجموعة أرقـام أخرى + الباسوورد : الحرف الأول من الاسم الأول + أول 10 حروف من الاسم الأخير + تاريخ الميلاد بصيغة : سنة يوم شهر ،

وللأسف تجينا رسـالة error : (


من خلال كلامك يالغـالي اللي فهمتو بإن الأخت الكريمة لما تفتح عضوية في موقع شركة التأمين راح ينضاف اسمي عندها في الموقع وبالتالي تقدر تطلب بطاقة تأميني كمرافق لها من خلال الموقع ، صح ؟

لأن اسمي حاليا موجود في البوابة كمرافـق ،

شاكر إفادتك يالغـالي ^^

يكون التأمين للمبتعث ويكون معه المرافقين ويرسلون بطاقة لكل واحد في ظرف واحد إذا كانوا أربعة فما دون، وإذا كانوا أكثر ترسل في ظرفين.

الصور مهمة للبالغين؛ لأن البطاقة ما ترسل إلا بصورة، قد يكونون نسخوا من الجوازات أو الفيز إذا ما طلبوا صوركم.

طيب احنا اصلا كيف نطلب التأمين الطبي . . عن طريق البوابه وفي أي قسم بالضبط التقديم . .

ياليت تفيدوني والله يجزاكم ألف خير

تحياتي

للإفادة :

اليوم اتصلت على شركة التأمين ووضحت موقفي للموظف وأفادني بإن السبب في إن الموقع مايقبل التسجيل في إن عنوانك الحـالي " غير ثابت " ،

بمعنى آخر قلتله بإننا ساكنين في شقة لمدة شهـر وبعدها راح نخرج ، فأفادني أول ماتستقرون في سكن دائم يصير تتصل علينا واتحدث بيانات السـكـن وخلال 72 ساعة كأقصى حـد راح تقدر تسـجل في الموقع ^^ ،

برضو الموظف قـلي في الحالات الطارئة لاسمح الله تقدر تروح على أي مستشفى وتعطيهم رقم الـ ID الخاص فيك من دون البطاقة وبالتالي التأمين راح يغطيك دايركت ،

برضو وضحت للموظف بإننا نحتاج التأمين بسبب إن المعهد أعطانا مهلة في خلال دي المهلة جبنا التأمين يصير تمام وإلا فراح نضطر ندفع قيمة التأمين من جيوبنا : ( ،

فطلب ايميلي وقلي في خلال 24 أو 48 ساعة ان شاءالله راح أرسلك ورقة موضح فيها اسمك واسم المبتعثة من شركة التأمين وإن دي الورقة تثبت بإنكم مشتركين في التأمين وإن التأمين يغطيكم ،

وفي حال سألوكم في المعهد عن البطاقة !

وضحولهم بإنكم ما استقريتم في سكن دائــم ولهذا السبب البطايق لم تصدر لكن التأمين ســاري ^^

الرقم اللي اتصلت عليـه هو : 18662361038 ،

وطلبت متحدث عربي وجاني موظف أقل مايقال عنه " عســـل " للأمانة !

المشاركة الأصلية كتبت بواسطة ابن بيت آل هليلة

يكون التأمين للمبتعث ويكون معه المرافقين ويرسلون بطاقة لكل واحد في ظرف واحد إذا كانوا أربعة فما دون، وإذا كانوا أكثر ترسل في ظرفين.

الصور مهمة للبالغين؛ لأن البطاقة ما ترسل إلا بصورة، قد يكونون نسخوا من الجوازات أو الفيز إذا ما طلبوا صوركم.

مو الحاجة اللي خلتنا نستغرب بإن الموظفة ماجابت أي خبر عن التسجيل في الموقع حتـى :/!

المشاركة الأصلية كتبت بواسطة معيده ومبتعثه

طيب احنا اصلا كيف نطلب التأمين الطبي . . عن طريق البوابه وفي أي قسم بالضبط التقديم . .

ياليت تفيدوني والله يجزاكم ألف خير

تحياتي

بداية لازم يكون عندك عنوان سكن دائم في حال حبيتي تستلمين بطاقة التأمين ،

اتصلي على الرقم الموضح بي نفس الرد بالأعلى ، اطلبي متحدث عربي ، وأعطيه رقمك في الملحقية وتاريخ ميلادك واسمك الأول والأخير ، واطلبي من الموظف رقم الـ ID ،

راح يعطيكي الرقم ، احفظي الرقم عندك لحالات الضرورة لا سمح الله ،

ادا عندك عنوان سكن دائم يصير تعطيه عنوان السكن الدائم ، وبعدها دايركت تسجيل في موقع شركة التأمين وترفعين صورتكي وراح توصلكي البطاقة في غضون 10 أيام ان شاءالله ،

بالتوفيق يـــارب

أنا بصراحة أعتبره خطأ الملحقية في تأخر استلام بطاقة التأمين مما يوقع الطلاب بمأزق مالي سواء من قبل المعهد والجامعة أو لا قدر الله تعرض لأي مرض او اصابة فسيضطر للدفع من حسابه .. والعلاج بأمريكا مكلف .. وحلني لين يعوضونك ..

سابقا قبل سنة وأكثر كان لما تفتح ملفك بالملحقية يعطونك ورقة فيها صور لكرت من اتنا فيها اسمك وتعتبر مؤقته لمدة شهر وتكنسل .. وهي فترة ممتازة لحين الاستقرار ومن ثم تعبئة بياناتك والسكن الجديد بموقع اتنا يليها استلام البطاقة الدائمة

الله يوفق جميع المبتعثين