ايش تسوون في الاكل الزايد في امريكا؟
السلام عليكم ورحمة الله وبركاته
سجلت في المنتدى عشان مشكلة الاكل الزايد
في السعوديه اذا زاد اكل وباقي مرتب ونظيف ما احد لمسه نعطي عامل البقاله واذا كان مو مرتب ارسلناه لابوي المزرعه يعطي الحلال بس في امريكا شتسوون؟
يعني الخبز اجمعه وفي الويكند اروح اعطي البط بس (الرز والصواني والحلى) والله مو عارفه ايش اسوي فيها وخصوصا اذا كان عندي صحباتي اسوي اكل كثير بعدين ياكلون شوي ويروحون وانا اجلس اتحسر على هالكميات.
انتظر ردودكم واتمنى تردون اليوم لان امس زاروني صحباتي وبقي في الصواني اكل كثير ما احد لمسه وطلبتهم نوزعه بينا ورفضوا والحين والله متحسره ارميه
رد: ايش تسوون في الاكل الزايد في امريكا؟
هههههههههههههه انا لي فترة طويلة بحث وترتيب وتخطيط كل شي خطر ببالي الا هالشي .. والله حالة صعبة ..
على كذا بجمع الكميات في الثلاجة وكلما رحت للداون تاون اعطي الهوم ليس ..( اللي ماعندهم سكن )..
رد: ايش تسوون في الاكل الزايد في امريكا؟
الهوملس مشكلة ممكن تعطيهم مرة وينشب لك
- - - مشاركة محدثة - - -
الهوملس مشكلة ممكن تعطيهم مرة وينشب لك
رد: ايش تسوون في الاكل الزايد في امريكا؟
اقتباس:
المشاركة الأصلية كتبت بواسطة AhsasMjrooh
الهوملس مشكلة ممكن تعطيهم مرة وينشب لك
- - - مشاركة محدثة - - -
الهوملس مشكلة ممكن تعطيهم مرة وينشب لك
الله يعين مالنا الا هم .. ومافي اي خيار ثاني
رد: ايش تسوون في الاكل الزايد في امريكا؟
اذا الاكل عندك نظيف وبكميات كبيرة ..
ليه ماتشوفين احد يوديه اقرب مسجد ..
انا متعود اي شي زايد عندي اعطيه المسجد وهم يتصرفون فيه..
- - - مشاركة محدثة - - -
اذا الاكل عندك نظيف وبكميات كبيرة ..
ليه ماتشوفين احد يوديه اقرب مسجد ..
انا متعود اي شي زايد عندي اعطيه المسجد وهم يتصرفون فيه..
رد: ايش تسوون في الاكل الزايد في امريكا؟
للاسف ما فيه اكل زايد عندي
حتى لو فيه احطه بالثلاجة و اصخنه يوم ثاني
اصلن 95 % من اكلي مطاعم و فاست فوود فـ ما يمدي
>> مبتعث عزوبي ما يعرف يطبخ :(
رد: ايش تسوون في الاكل الزايد في امريكا؟
اييييييييه الدعوه فيها صواني وحلى .. وين ساكنه خلني استاجر جنبك .. واي صواني زايدة حوليها على اخوك ابو مضحي ..
امااا سالفة خبز .. لا تحسبين الخبز خمس حبات بريال هناك .. الخبز - أو بشكل عام - المشتريات والمصاريف بتتغير - بيصير نظامك زيهم الى حد كبير .. سالفة انك تروحين للبقالة وتشترين بخمسة ريال خبز هذي انسيها ...
اقتباس:
المشاركة الأصلية كتبت بواسطة AhsasMjrooh
اذا الاكل عندك نظيف وبكميات كبيرة ..
ليه ماتشوفين احد يوديه اقرب مسجد ..
انا متعود اي شي زايد عندي اعطيه المسجد وهم يتصرفون فيه..
..
احسنت .. اذكر في الماستر لما كنت في بريطانيا .. اذا زاد الأكل - سواء كان بكمبيات كبيرة أو قليلة .. حطيناه في علب وعلى المسجد ...
أحيانا مساجد فيها ثلاجات تخلين احد يحطها فيها .. ولا يكون الناس تتجمع وتقريباً - تسكن - في المسجد ما عندها العيشه .. تكسبين أجر في هالمسلمين أحسن لك من الهوم لس ..
- وش الصواني والحلويات الي تسوينها لأني فعلاً أفكر أغير وجهتي وسكني .. :confused:
رد: ايش تسوون في الاكل الزايد في امريكا؟
اقتباس:
المشاركة الأصلية كتبت بواسطة Twisted
للاسف ما فيه اكل زايد عندي
حتى لو فيه احطه بالثلاجة و اصخنه يوم ثاني
اصلن 95 % من اكلي مطاعم و فاست فوود فـ ما يمدي
>> مبتعث عزوبي ما يعرف يطبخ :(
منت الحالك يالغالي .. يارجل اسوي صينية دجاج تقعد معي 4 ايام .. فطور وغدا وعشاء .. كل اطلع منها شوي واسخن في المايكرويف ..
الله يرزقني بجارة مثل ام ناصر راعية الموضوع .. حرام بالله مقاضي بيتها عندي .. بس ألقى يطبخ ..
على فكرة لقيت دروس في اليوتيوب كيف تسوي وجبات خفيفة وأكلات طيبه ماهيب صاحية ... بس ماااش .. على قولتهم "نفسي" في الطبخ مولّي ..