عرض للطباعة
السلام عليكم
بأدخل بالموضوع ع طول
انا طالب وابغى اكمل دراستي وصراحه ابوي مو موافق بحجة انه يقول (ماتقدرتمسك نفسك تزوج واطلع ) والماديه ماتساعد هذي الايام
حاولت اقنعه يمين يسار ومأفتع
وصلنا لحل وسط نأخذ رأيكم انتم بحكم خبرتكم
موقف أو نصيحه اي شي
ابوي راح يشوف الموضوع أولا بأول ومستقبلي متوقف ع ردودكم
زبطوني ياجماعه هههههههه امزح طلعوا كل مابداخلكم :biggrin2:
المتصفح لكم
وعليكم السلام ورحمة الله وبركاته
إن بغيت شوري فأنا أقول تزوج واطلع بزوجتك معك. والله ياخوي ألزم ماعلى الواحد دينه ورضى ربه, صحيح إن الجميع يبغى يطلع ويكمل دراسته لكن هذا الشيء يعتبر هدف دنيوي
وحنا نبغى نحققه عشان نوصل لهدف أكبر وهو رضى ربي والجنة .. نسأل الله أن نكون وإياك وجميع من يقرأ هذا الرد من أهلها.
والشيطان شاااطر وخصوصاً في أوقات الفراغ. أنت حاول قدر المستطاع إنك تتزوج بزوجة صالحة, لأنك باقي شاب وأكيد عندك شهوة وتحتاج تفرغها.. أنت فكر وفكر وفكر وأكثر من الاستخارة.. الله يوفقك ويكتب لك
ولنا مافيه الخير.
اقتباس:
المشاركة الأصلية كتبت بواسطة Hopeful
الله يعطيك العافيه
لا والله طلعنا هههههههه
الله يوفقك أخوي ونصائحك بالحسبان
مثل ماقلت الماديه ماتساعد اتزوج بالوقت هذا
نورت ياباشا
بإنتظارالبقيه
على حسب يا صديقي
يعني انت تقول انا طالب كيف تكون طالب وتبي تطلع بعثة !!!
اذا كان قصدك انك طالب حاليا في السعودية وتبي تسحب عليهم وتروح بعثة فهذا غلط كبير
رح تضيع سنينك ع الفاضي وانت منت ضامن انك رح تنجح لو رحت للبعثة
نصيحتي لك اذا كنت طالب كمل دراستك وبعد ما تتخرج اطلع بعثة .
اذا انت بتخصص مرتاح فيه وكان حلمك انا اقولك لاتجي!!
افضل لك تتخرج من جامعة سعودية وتجي تكمل ماستر برا.
الفوائد:-
1- انت ع حسابك واذا بتتزوج الحين وبتجي مع زوجتك بتحتاج مصاريف لشخصين بدل شخص واحد.
2- الماستر سنتين فقط وتقدر تزيد وتنقص ع نفسك.
3- خلال فترة دراستك شوف لك وظيفه بارت تايم, وجمع لك قروش وطلع من عرق جبينك عشان تعرف قيمة الريال برا ( مثل ماسويت انا بس مادرست اشتغلت جمعت وطلعت).
بالاول والاخير هذا بيكون قرارك انت وياليت تستخير قبل ماتسوي اي شي.
موفق واتمنى لك اختيار سليم.
اخوي اكاديمي ولكن
احييك على طموحك وبحثك عن الافضل واحيي والدك الله يحفظه على حرصه عليك
انا من وجهت نظري ان الابتعاث فرصه لا تعوض السفر والدراسه بيعلمك الشي كثير كلنا ماندري ان فرصه الابتعاث تبي تدوم ولى لا .
طيب وش تبي تستفيد من البعثه ليه ماجلس في السعوديه عند اهلي واخذ شهاده مرتاح وقدم على وظيفه مثلي مثل غيري . ليه ابتعث اسئل نفسك هل السؤال ليه انا متعني وطالع ؟؟؟؟
بالنسبه لي انا لو في مكانك ابي اتعلم انجليزي ابي شهاده افتخر فيها وشهادتي تنافس كثير من الشهادات هنا ترى اكثر الشركات صارت تفضل توظيف المبتعثين للغتهم الانجليزيه الحلوه ولتعليهم المتقدم مع احترامي لجامعتنا مع ان بعض جامعتنا مخرجاتها افضل من بعض الجامعات الخارجيه .
طيب الغربه راح تعلمك الكثير الاعتماد على النفس واشياء كثير . بالنسبه للدين والبعد عن الدين والانحراف انا بقلك شي الي وده يبعد عن دينه والعياذ بالله يقدر يبعد عنه في كل مكان حتى في السعوديه كثير من الناس ابتعثو للخارج ورجعو السعوديه ماتغير عليهم شي بالنسبه للدين بعضهم تمسك بدينهم اكثر لنه شاف نعمه الاسلام وكبره.
بالنسبه للزواج اذا الامور الماديه معك الحين موب تمام يمكن تبتعث وتجلس هناك وبعد ماتحسن الامور ارجع وتزوج عادي ولا يهمك احد يقول ترجع مع زوجتك من يصرف عليك ترى الارزاق من عند الله.
اهم شي انك تبي تروح وهدفك الدراسه ولا شئ غير الدراسه وانك تستفيد وترجع تفيد بلدك وان يكون لك الصحبه الصالحه لنها هي راح تعينك على التقدم والنجاح .
ولك مني كل التوفيق والنجاح
اقتباس:
المشاركة الأصلية كتبت بواسطة mr.m3jed
يعطيك العافيه اخوي
الله يجزاك خير
ملاحظه مفيده جدا
مدقق بالمره ماشاء الله عليك :)
اقتباس:
المشاركة الأصلية كتبت بواسطة al-wed
تجربتك جدا رائعه
الله يوفقك
اقتباس:
المشاركة الأصلية كتبت بواسطة Eng_AAZ
الرد هذا بالذات دخل قلبي على طول
اسلوب رائع مدري حسيت انك اخوي الكبير وتنصحني :)
ولي الشرف يالغالي
الله يبارك فيك ويوفقك
الله يووووفقك ان شاء الله
اهم شي الاستخاره ورضى الوالدين
شوف لا تتزوج الا اذا جيت هنا و قعدت اقل شي ستة شهور
بعدها شوف اذا لسى ناوي زواج, تزوج
لان بعض الاحيان ناس يغيروا رأيهم و ما يرتاحوا فحياتهم الزوجية
وياك يارباقتباس:
المشاركة الأصلية كتبت بواسطة hoor alfaisal
الله يرضى عليك
المشكله ابوي باقي معلق يقول ماتطلع من السعوديه الا وزوجتك معكـاقتباس:
المشاركة الأصلية كتبت بواسطة Twisted
ابشركم لينتوه شوي هههههههه
الله لايحرمكم الاجر :)
اكثركم طلع عزابي
أحد صار له موقف او مرت عليه مشاكل ؟؟؟
افتحوا قلوبكم :)