تقرير لكل القادمون إلى واشنطن ... ذكر تجربتي كامله من المطار حتى الوصول للملحقية والمغادرة

September 2nd, 2012, 06:51 PM

السلام عليكم ورحمة الله وبركاته . .

مساكم الله بالخير جميعا . .


بذكرلكم تجربتي كامله وان شاء الله اقدر افيدكم بالقليل لكل القادمون إلى واشنطن >>>>>>>>صدقيني حتى في موضوعك هذا لازم يحشوا فيك بعض الأعضاء ويعصبوا . . ههههههه


. . أول شي عملت قبل السفر في موقع الملحقيه . . إشعار وصول مبتعث

على هذا الرابط
إشعار بوصول مبتعث جديد الى واشنطن العاصمة

. . انتبهوا للنقطه هذي . . لو انتوا ماعملتوا واعطيتهم خبر من النت مايستقبلوك ابدا . .

طبعا إحنا لا حجزنا فندق ولا شي . . . اول مانزلنا لقينا المصري قدامنا وعنده لوحه فيها السعوديه شاف إسمي مكتوب بالورقه اللي عنده قال حاجزه فندق او لا . . قلت لا . . قال احنا الملحقيه متعاملين مع فندق الشيراتون . . وكان معانا واحد ثاني نازل معانا من الطياره قاله روح دبر نفسك واطلع أي باص للفندق . . لأنه إسمك مو موجود . . والرجال غلطته ماابلغهم من النت إنه جاي >>>>>ياحرام مسكين وربي حزنت عليه ومره عصبت منهم

المهم طلعنا الباص . . وهما دايريكت ودونا الشيراتون . . الليله بحوالي 85 دولار تقريبا . . وكان تحت بنفس الفندق صاله كبيره مكتوب عليها الملحقيه الثقافيه . . . تروح تعمل سكنر لأوراقك وتفتح ملف بالكمبيوتر هذاك . . والفندق راقي جدا . . عاد أنا نزلت وشفت هناك ناس من السعودية زينا كنت شجاعه ... وكان فيه مسبح كبير وتعرفت عالناس الأمريكان اللي هناك عشان اعمل براكتيس معاهم >>>>>>مالقيتي إلا المسبح هههه

المهم . . انا فتحت ملفي بالنت وكل شي . . .وكان عندي رقم طلب وكان وقتها وصلت يوم سبت . . ورحت الإثنين الملحقيه . . . لقيت اللي مافتحوا ملفاتهم تحت حايسين في غرفه تحت . . بس انا وقتها فتحت ملفي في البيت وكان كامل . . وساعدني عضو في المنتدى هذا وماقصر ابدا الله ماشاء الله تبارك الله ماكان فيه أي غلطه بفتح الملف . . الله يجزاه ألف خير. .


المهم يجوكم ناس كثير تحت تكاسي عرب عشان يوصلوكم عاد إنتوا خلوكم أذكياء عليهم وحتلقوا طلاب كثير بنفس الفندق رايحين روحوا مجموعه ويطلع على الشخص حدود 7 او عشره دولار بالكثير

طبعا إحنا كنا بنات طلعونا بسياره ومرافقينا بسياره ثانيه . . عاد انا حضرتي الباسبورت تبعي مع اخويا ودخلوا البنات كلهم وانا قعدت واقفه برا انتظر اخويا >>>>>> كان شكلي تحفه بالنظاره الشمسية وكاشخه كذا وقاعده بالأرض بعدها رحت مكان بعيد تحت الظله هههههه لو شفتوني كان كل واحد اعطاني دولار

دخلت اخيرا وفتشونا امريكان وفتشوا اللابتوبات كمان ودخلت جوه وسالني واحد كذا وقال إنتي خلاص فتحتي ملفك . . قلت إيوه . . قالوا اطلعي عند مشرفه سودانيه واستعلمي منها . . طلعت وسألتها قالت إنتي دايركت خلاص فتحتي ملفك . . وتقدري تسافري ولايتك . . قلتلها ليه لين دحين ماقبلوه . . قالت هوا مقبول عندنا بس خلال ثلاثه ايام تجيك رساله بالإيميل إنه خلاص مقبول . . . . قلتلها مافي ابغى اعرف واتأكد فين وصل. .. ههههههههه قالت إنتي شكلك سامعه سمعة سيئة عن الملحقية صح انا قلتليك ملفك في متابعة الطلبات وضحكت . . خخخخخخخخ . . . وانتوا عارفين السودان يالله الواحد يشيل نفسه كيف عاد لو قلتله افتح وشوف انا فين وصل ملفي وازعجتها لين فتحت وقالت وصل الماليه
وقالت انزلي اسألي تحت ونزلت عند وحده سوريه طفشتني وهيا تتدلع على الكمبيوتر ولا فادتني بولا شي ^^^^^^^^^ لو يسمعوني بس دحين

وقالت بعد مايفتح ملفك بالنت اضيفي المرافق وافتحي ملفه . . وفعلا الروحه لواشنطن والملحقيه بدون فايده وكل شي بالبوابه ، . . .بس انا بصراحه استمتعت بأجواء واشنطن والشيراتون وزرت الملحقية اللي حتى ماتعطي للطلاب الجدد وجه وكل اللي تعمله تعطيهم سي دي وتقولهم شوفوه واستفيدوا لا اكثر . . وقعدوا بغرفه صغيره زحمه جدا عشان يفتحوا ملفاتهم . . وانا خلاص طلعت منهم وماكان فيني حيل انتظر اللي كانوا معايا وكان عندنا رحلتنا للوس انجلوس عالعصر . . رجعنا الفندق وباص الفندق ودانا لين المطار وعلمنا كمان عن الصاله فين وماقصر . . وعلى فكره باص الفندق يوديكم كل الأماكن اللي قريبه من الفندق مجاني حتى المطار مجاني . . يعني لو تبغوا تتمشوا لاتروحوا تاكسي . . بس اطلعوا معاه . . . ههههههه إحنا كنا وقتها خايفين ومارحنا مكان إلا الفندق والملحقية...>>>>>>>>> دق عليه اوباما وعزمني عالغداء بس انا قلت له مشغوله شويه مع الملحقيه


<<<<<<<ذكرت القصه كامله والقصد للفائده

تحياتي . .

وياليت ماتنسوني من دعواتكم . .. .

• نشر عبر تويتر
• نشر عبر فيسبوك
• نشر عبر جوجل