الله يعطيك العافية (مدير المستقبل) على مرورك
ننتظر ونشوف أراء باقي المبتعثين ، والله يسهل
عرض للطباعة
الله يعطيك العافية (مدير المستقبل) على مرورك
ننتظر ونشوف أراء باقي المبتعثين ، والله يسهل
ياشباب المشاهدات 200 والردوود تنعد ع الأصابع ؟
أرجو من الجميع أن يدلي بدلوه جزاكم الله الف خير
Still waiting:confused:
استراليا وبدون تفكير .... من واقع تجربتي لامريكا وتجربت اخوي لأستراليا *
انا في البداية كنت محتاار بين الدولتين هذي
وللأسف اخترت امريكا وليتني ما اخترتها
مع اني بولاية سياحية وتعتبر من افضل الولايات
السلام عليكم. راح ارد عليك بناء على تجربتي بالديرتين. انا درست لغه بامريكا. وبعدين درست البكالوريوس بالسعوديه وبعدين درست لغه باستراليا وراح ادرس الماستر باذن الله بيونيفرسيتي اوف سيدني. وهي جامعه غنيه عن التعريف من افضل ميه جامعة على مستوى العالم. الي ابي اقوله استرالللللللللليا بدون نقاش.اولا. راح تجمع مبلغ وقدره مبلغ محترم من المكافئه طبعا. ثانيا انت معيد يعني لازم تدرس بجامعات القروب اوف اييت وملبورن ماشالله سمعتها تسبق اسمها. وماعليك من العالم الي دايم تقلل من قيمة خريجين استراليا او بريطانيا هذولا عالم بس فالحين في ترديد الكلام بدون اي علم او درايه ومن تجربتي الاستراليين بدون تعميم. جادين اكثر وملتزمين اكثر لكن الامريكين بدون تعميم ايضا. متساهلين كثيييير. ويمشون. والي يفقع القلب لاجاك واحد يقول استراليا اسهل. وش دراك ياخوي على كيفك. من راسك تطلع حكي وتصدقه حتى زوجي درس باستراليا بي اتش دي يقول مررررره صعبين مو متساهلين ابد وعلى فكره كل الدراسه هنا وهناك يبيلها جد واجتهاد والجامعات الامريكيه. والاستراليه كلهم فيهم الخير والبركه ورجاء رجاء. ترديد كلام وحكي بدون تجربه وخبره واقعيه. مرفوض تماما. بعد اذن صاحب الموضوع طبعا. ااااااسفه عل الاطاله بس كانك تبي النصيحه لوجه الله. رح استراليا وانت مغمض وبترجع معك شهادتك ان شالله وزياده عليها خمسميه الف ريال توفير وبالعافيه عليك
ياليت طلاب كالفورنيا ينوروننا في الموضوع ويقولو رأيهم
كثرة العالم اللي يمدحوها او عشان ايش بالضبط
السلام عليكم ورحمة الله وبركاته
بتكلم لك عن تجربتي بحكم إني طالب دكتوراه ، عندي قناعة تامة الدراسة والجدية في كل مكان حتى لو بالكاميرون ، والأمر هذا يعتمد على الشخص نفسه ومدى جديته، مسألة المقارنة بين أمريكا وإستراليا راح أوردها لك في النقاط التالية :
1- القبول الأكاديمي في أمريكا صعب جدا خصوصا لطلاب الدكتوراه ، مايمديك تبدأ بالماستر إلا إنك داخل في معمعة قبول الدكتوراه وهي صعبة جدا جدا ، ( إلى الحين راح مني سنة ونص فقط للتحضير لإختبارات القبول ( جيمات أو جي أر إي) الوقت اللي راح ممكن إني خلصت فيه سنة في البرنامج الأكاديمي.
2- المكأفاة بأمريكا لا تقارن بأستراليا ، حتى لو كنت في ولاية رخيصة صدقني يالله بالله تكفيك ، أما إذا عندك أطفال ماأقول إلا الله يعينك على الحضانة .
3- قوة الشهادة ، أتوقع إن الجميع فهم قصد اللي يرددون هالجملة ( اللي هم خريجين أمريكا)
للإمانة :
الأكاديمين يصنفون بقدر إسهاماتهم البحثية ، فلو عملنا مقارنة لو جدنا الدكاترة اللي هم خريجين بريطانيا وإستراليا أكثر أبحاث من خريجين أمريكا...
تحياتي