امريكا ولا استراليا؟ استفسآر عآجل لأصحاب الخبرة

السلام عليكم ورحمة الله وبركاته

بتكلم لك عن تجربتي بحكم إني طالب دكتوراه ، عندي قناعة تامة الدراسة والجدية في كل مكان حتى لو بالكاميرون ، والأمر هذا يعتمد على الشخص نفسه ومدى جديته، مسألة المقارنة بين أمريكا وإستراليا راح أوردها لك في النقاط التالية :

1- القبول الأكاديمي في أمريكا صعب جدا خصوصا لطلاب الدكتوراه ، مايمديك تبدأ بالماستر إلا إنك داخل في معمعة قبول الدكتوراه وهي صعبة جدا جدا ، ( إلى الحين راح مني سنة ونص فقط للتحضير لإختبارات القبول ( جيمات أو جي أر إي) الوقت اللي راح ممكن إني خلصت فيه سنة في البرنامج الأكاديمي.

2- المكأفاة بأمريكا لا تقارن بأستراليا ، حتى لو كنت في ولاية رخيصة صدقني يالله بالله تكفيك ، أما إذا عندك أطفال ماأقول إلا الله يعينك على الحضانة .

3- قوة الشهادة ، أتوقع إن الجميع فهم قصد اللي يرددون هالجملة ( اللي هم خريجين أمريكا)

للإمانة :

الأكاديمين يصنفون بقدر إسهاماتهم البحثية ، فلو عملنا مقارنة لو جدنا الدكاترة اللي هم خريجين بريطانيا وإستراليا أكثر أبحاث من خريجين أمريكا...


تحياتي

الأكاديمين يصنفون بقدر إسهاماتهم البحثية ، فلو عملنا مقارنة لو جدنا الدكاترة اللي هم خريجين بريطانيا وإستراليا أكثر أبحاث من خريجين أمريكا...

استخير ربك ... امريكا واستراليا ماتفرق الغرض من الرحله ( الدراسه )

اللي في امريكا رح يقولك تعال امريكا _ واللي في استراليا رح يقولك استراليا

كذا رح تضيع خخخ

والله الموفق

مو شرط المكافأه ماتكفي .. ومو شرط عشان تكفي انك تروح انديانا ..

طال عمرك مثل كاليفورنيا هذي ماتصلح , واغلب اللي فيها ينزلهم راتبين واحد من الملحقيه وواحد من اهاليهم .. وغير كذا تلقى معه سياره 2012 سبورت وتأمينها يكون اكثر 300 دولار غير السكن اللي يكون فوق 1000

شف مثلي حاليا انا في فلوريدا - تامبا ساكن بـ 500 وتامين سياره 120 وجوال 53 ويبقالي 1174

صراحه تكفي بس ع الحااااافه

المكافأه تكفي للي يعرف يمسك فلوس .. اعرف ناس فطوره وغداه وعشاه كله من برا وهذي لحالها 30 دولار تقريبا يعني 900 بالشهر وفوق كذا يدخن >> ويقولك المكافأه ماتكفي هههههههههه

يعني شوف كاليفورنيا مره لاتطبها غير كذا اللي اعرفه فلوريدا نورث - ساوث كارولاينا جورجيا الاباما ميسيسيبي لويزانيا اركانساس كانساس اكلاهوما والطقه هذي

والله يوفقك