رد: صورة من ال I-20 أرجووو المساعدة :(
السلام عليكم
شخصيا صار معي الموقف الأسبوع الماضي ، موظف خطوط الإتحاد بالرياض نسى يرجع لي الأي توني لما قص لي البوردنق ، ولما وصلت أبو ظبي دريت إني الأي توني مو معي ، رحت لسوبر فايرز حقت خطوط الإتحاد بالمطار وراسلت مطار الرياض واكدو له إن الأي توني موجود ، ودق علي مدير الرياض وقالي ماعندك مشكلة تقدر تدخل بالصورة لإن أي خطوط ماتقلع لأمريكا إلا بعد ماتأخذ الأذن بأسماء الركاب اللي مسموح لهم يدخلون أمريكا ، طبعا أرسلو لي صورة منه عبر الأيميل وإتوكلت على وطلعت أمريكا عن طريق مطار نيويورك ، لما وصلت الموظف قال وين الأصل وعلمته السالفة قالي راح أخليك تبصم لكن لابد تروح مكتب الأميقريشن رحت لمكتب الأمقريشن ولطعوني ساعتين ونص وفاتتني الطيارة لمدينتي ، أخير نادتني الموظفة سألتني بعض الأسئلة وقالت لاعمرك تعطي أي شخص الأي توني إلا لما تدخل أمريكا ، والحمد لله سمحوا لنا بالدخول.
طبعا، نشبت لخطوط الإتحاد نشبه محترمة ، ماطلعت منهم بمطار جون إف كندي إلا بحجز فندق بنيويورك مع فاوتشر للعشاء والفطور + تذكرة من بكره الصبح لمدينتي ، وكل هذا على حسابهم لإن الخطأ صار منهم.
تحياتي