قصة وصول ميتعث إلى بلد الإبتعاث ..

الموضوع حلو، الصراحة أنا الحمد لله ما تبهذلت في بعثتي لأمريكا؛ لأني كنت من قبلها مبتعث في بريطانيا وكسبت خبرة، فلما جيت لأمريكا كنت مرتب أموري كويس، ممكن أشياء بسيطة تعبت فيها، لكن بشكل عام ما كان عندي مشاكل.
أما بداية البعثة لبريطانيا عام 2008 فما ودي أستعيد ذكرياتي الأليمة!

تحياتي،،،

هلا بك يااخوي ..

انا تقريبا مثلك ,,بس خبراتي عن السفر ,رحلات وسياحة ,يعني موضوع فندق ومطعم ,بعرف امشي أموري الحمدلله في الغربة ..

بس نقطة الدراسة وكيذا وموضوع الباصات هههههه ماعد فيه عز وسواويق يفكون الباب ..

قل لي بصراحة ..طولت عشان تتعلم الطبخ في الغربة ؟؟والا تمشيها مطاعم وبيتزا ؟؟؟

الباصات مع خدمات الخرائط والجولات المتقدمة صارت القضية سهلة جداً.

يعني بمجرد أنك تبين تروحين مكان كذا، بس تأخذين الكود حقه، وتحطينه في خرائط، وهو يعطيك بالضبط الباص اللي يوصلك، وكم المسافة، ومتى يجي، ومن وين تأخذينه، وبمجرد ركوبك للباص، تتابعين مع خرائط، لين يوصلك المكان وبكذا قضية الباصات أصبحت جداً سهلة، وأي واحد في مدينة جديدة يقدر يعتمد على خرائط لين يتعرف على المدينة.

بريطانيا والطبخ، درست في مانشستر، ومانشستر معروفة بمطاعمها العربية، ولذلك كنت أعتمد أحياناً على المطاعم، أو الأكلات الخففة جداً. طبعاً حتى انتقلت لسكن آخر، وهناك سكنت بجانب طالب كويتي الله يذكره بالخير، وكان يدرس بارت تايم، وكان ما شاء الله عليه، لما أجي من الدوام ألقاه مجهز الكبسة، طبعاً تعلمت منه وصرت أحياناً أطبخ في الويكند، ولما أجي من شارع العرب أشتري دجاج وأغراض، وصارت شراكة بيننا اللي يقدر يطبخ يطبخ واللي يشتري يشتري. طبعاً وفي السنة اللي بعدها تزوجت وتغير الوضع.

ههههههههه وش خرايطه اللي يطول بعمرك ؟؟؟؟؟ هههههههههههه في ذمتي اخر خريطة درستها في كتاب ثالث ثانوي >>>كح كح ..

بس التدريب فيني فيني ...عقبال مااصير كريسوفر كولومبس .ادعولي ..


الف مبروك الزواج ,والله يخليكم لبعض ..

خرائط: المقصود بها برنامج خرائط اللي على الآي فون والجلكسي وحتى أجهزة نوكيا وغيرها بس اللي في الأجهزة الذكية تكون أدق.

الكويتي تعرفت عليه بعد ستة أشهر، والحياة ما توقف على وش تاكل، الغربة بتعلمك حتى كيف تعتبرين الأكل حاجة عابرة في حياتك المليئة بالأعمال.

س: أبو عتب، وش المقصود بها؟

معي آيفون ,اقدر احط هذا البرنامج ؟؟؟

أبو عتب ,,يعني الأخ العتيبي ..اذا تزعجك بسحبها الان ..

ابد طال عمرك , اول مره اركب طياره لأمريكا , وصلت مااعرف حتى يس ونو هههههه
طبعاً قبل امشي خليت الوالد يكلم ( امريكي قريب من الجامعة ) عشان اسكن معاهم, وهو قال بجي اخطفك من المطار للبيت.

بالطريق هو يسوق وان اهز راسي ( تذكرت عاملنا اول ماوصل اتكلم معاه وهو يهز راسه وفي معلوم)!

اول الايام صعبه لاني مااعرف شي ( بس عمنا قوقل " يترجم كل شي " ) واحفظ هل كلام ودز لبقالة ولا لمطعم واشتري لي.

شديت ع نفسي وخلصت اللغة في سنه < الحمدلله من فضل ربي.

والحين بالجامعة السنة الثانية.

موفق وعقبال مانسمعك جيت بلا معاناه بلا بطيخ.

أعتقد أنه موجود من أصل الآي فون؛ لأني أنا أستخدم جلكسي، بس في غالب ظني أنه موجود؛ لأنه موجود في الآي باد.
حتى في السعودية كنت أستخدمه أحيانا لما أكون رايح بالسيارة وما أعرف المكان زين لكن مو ذيك الدقة، ومشاكله كثيرة.

كنت متوقع أنها "عتيبي" بس قلت أتأكد قبل أقول شيء.
الكلمة ما تزعج أبداً، وأنعم بالعتبان، بس ماني عتيبي، وبرضه بتتعلمين في البعثة أنه ما يهمك من وين أنا المهم من أنا.

يعني الامور متسيرة الحمدلله ,معليه حتى لو اصير مثل الخدامات الجدد اقول حرف صح والباقي غلط ..المهم امشي نفسي ..

فيه نقطة خايفة منها الان ..

الامريكان يتكلمون بسرعة وياكلون الحروف ,وانا انجن من موضوع اللي يتكلم بسرعة قبل افهم ..

اعرف شوي انجلش مو محترف..تمشية حال ..

لو يمر اول ثلاث شهور بدون مااحد يضحك ع الخرابيط اللي اتكلم فيها ,يعني اموري في السليم الحمدلله ..


سؤال لك اخوي ..

لو مثلا غلطت بنطق كلمة أو جملة بالمعهد ..الاستاذ يضحك علي ويتريقون في الكلمة ؟؟؟والا عادي ؟؟

هههههههههه ماني خايفة من شعبنا الكريم ,حتى لو اغط ماحد فاهم انه غلط ..المشكلة باللي يدرسنا ..