ساعدوني ابي احد ينصحني

انا محتاره ..ابي ادرس ماجستير وجايني خوف من التخصصات كل ماختار شي قالو صعب انتبهي .....انا شهادي الجامعيه مصممة ازياء ...ووظيفتي غيييييييييييييير اشتغل في قسم الحاسب الالي انترنت بحث فقط وشغاله فيها ست سنين تقريبا.....وحبيت اطلع ادرس تخصص يخص مجال عملي .....لكن مادري وش اختار ....من ضمن الشروط الابتعاث عندنا يكون قبول غير مشروط يعني مادرس مواد تكميليه في التخصص .....حسيت الموضوع تعجيزي ....اختار حاسب الي ولا اختار علاقات دوليه وقالو هذا صعب مادري ....المنتدى هذا ماشاءالله ...ماعنده الا تخويف في التخصصات ههههههههه ابي اطيح على ناس يقولون لا سهل بس شدي حيلك مافي ...... بس اسمع ماقدرو يدرسون ورجعو حسيت مافي احد اخذ ماجستير الا ناس ينعدون بالاصابع ... بليز ابي احد ينصحني ساعدوني

حبيبتي ..

اسمعي هالكلمة اللي بقولها ك ..وأمانة تقولينها لكل وحده بنفس هذا التفكير..

أي أحد يقول لك كلمة سلبية ..مهما كانت واقع ..هذا شخص يكره نجاحك ..لأن اللي بجد يهتم بمصلحتك بيشجعك ..حطي هالكلمة براسك ..

وبس سلامتك ..

عجبتني كلمتك مافي احد اخذ ماستر الا ناس ينعدون ع اصابع.
كل سنه فيه تخريج دفعات بالهبل .....ولعلمك الان باس يخلصون ماستر ويكملون دكتوراه اغلب مبتعثين كذا...
وطاري تخوووووووووويف اجل اقولك انتي تقدرين تخلين شي سهل او صعب ...

الصعوبه والسهوله شي نسبي يعني يختلف من شخص الى اخر مثلا انا اقولك انا اعشق الكيمياء واحسها متعه والاغلب ما يوافقوني الرأي متعقدين منها ويقولون صعبببه
صحيح فيها صعوبه بس انا حبيتها يعني الي ابغى اقوله اهم شي تكونين تحبين شغلك وتحسين انك متحمسه تتعلمين هذا الشي وشايفه انه يناسب سوق العمل صدقيني راح تبدعين فيه
صعبه انك تسألين شخص تخصصه ادبي عن ماده علميه مثلا ويقولك والله سهله جدا لانه فقط يسمع عنها او انك تسألين شخص في قسم الحاسب الالي ولكن دخله وهو مجبور ويكره شغله كيف تبغينه يمدح لك التخصص
في النهايه اقولك حددي رغباتك بترتيب وشوفي افضلها في سوق العمل اقربها لنفسك وتوكلي على الله بالتوفيييييييييق

اقتباس:

---

المشاركة الأصلية كتبت بواسطة طموحي غير

عجبتني كلمتك مافي احد اخذ ماستر الا ناس ينعدون ع اصابع.
كل سنه فيه تخريج دفعات بالهبل .....ولعلمك الان باس يخلصون ماستر ويكملون دكتوراه اغلب مبتعثين كذا...
وطاري تخوووووووووويف اجل اقولك انتي تقدرين تخلين شي سهل او صعب ...

---

أتفق معك ................

اييييييه
في واقع لازم تعرفينه
تخصصكي في الباكالوريوس في وادي و تخصصات الماستر في وادي ثاني و المشكله تكمن بأنك مجبوره على انك تكملي في تخصص يتعلق بمجال عملكي
و عشان اكون معك صادق دوري تخصص حاسب مرتبط في الأداره عشان تخففي المواد التكميله يعني ما اضمن انهم ما يعطونك كمان
او كملي بمجال تخصصكي عشان تتيسر الأمور.

عادي اعرف ناس كثير اخذوا ماستر حاسب الي وتخصصاتهم مختلفه كليا عن الحاسب. الموضوع بالخير يرجع لمدى تصميمك فقط لا غير. موفقه

اقتباس:

---

المشاركة الأصلية كتبت بواسطة جادة جدا

حبيبتي ..

اسمعي هالكلمة اللي بقولها ك ..وأمانة تقولينها لكل وحده بنفس هذا التفكير..

أي أحد يقول لك كلمة سلبية ..مهما كانت واقع ..هذا شخص يكره نجاحك ..لأن اللي بجد يهتم بمصلحتك بيشجعك ..حطي هالكلمة براسك ..

وبس سلامتك ..

---

تسلمين ابشري وشكرا على ردك على موضوعي

تبين الصدق:

ما فيه شيء سهل، كل تخصص فيه صعوباته؛ لأنه مستحيل تحصل على ماجستير ودكتوراه وأنت ممدد رجولك. وأسهل جامعة فيها جوانب صعبة مهما كان.

أنا تخصصي لما أحد يسألني عنه أقول له لغويات وترجمة، يقول كويس سهل احمد ربك مو هندسة!! يتخيل أن لغويات يعني (لغة) وأن ترجمة هو أني أجيب معاني الكلمات فقط لا غير!

ومع ذلك في تخصصي جوانب صعبة، لكن لا يمكن أقول: إن التخصص هذا صعب لا أحد يقربه؛ لأن الصعوبة نتيجة للتعمق في التخصص والحصول على شهادة عليا فيه.

تحياتي،،،،