عندي استفسار بخصوص المرافق الاخ ماني فاهمه الموضوع

اخويا معايا دحين بيدرس اللغه وهو مرافقي حاليا لمن يجيب قبول الجامعه هل الملحقيه تحوله لمبتعث ولا مرافق اكاديمي وايش الفرق بين انه يكون مبتعث او مرافق اكاديمي ؟؟

اللي اعرفه من قبل اذا جاب قبول جامعه يصير مبتعث ويقدر ينفصل عن المبتعثة ومعاملته تصير نفس معاملة المبتعث بس سمعت انه اتغير النظام ويخلوه مرافق اكاديمي دا صح ولالا

واذا صح يعني ماينفصل عني ولا فيه امكانية انه ينفصل عني ويكمل دراسته على اساس انه مبتعث ؟؟؟

كل يوم يطلعون قرارات جديدة

عن نفسي، ما سمعت ان هناك تغيير واول اسمع "مرافق أكاديمي": يا ريت تفصلين زيادة

والله ماني عارفه مزبوط ايش الحكاية بس وحدة من البنات اخوها مرافقها بيدرس دحين بالجامعه خلص فترة اللغه فا بتقول مايقدر ينفصل عنها لانه مرافق اكاديمي وماينفصل عنها الا اذا اتزوجت انه ممكن يفصلوه ويصير مبتعث وماني عارفه اذا اتزوجت المبتعثه وغيرت المحرم من الاخ للزوج ويكون الاخ بيدرس جامعه حيفصلوه ولا حيكمل عادي

الله يعين، ويكتب اللي فيه الخير ان شاء الله

أختي الكريمة ، عملية فصل البعثة للمرافق الذي يدرس بجامعة لا تتم إلا في حالة انتهاء بعثة المبتعثة بتخرجها أو زواجها أو عدم إكمال البعثة ، أما مصطلح "مرافق أكاديمي" فهو يطلق لكل مرافق يدرس بجامعة وليس له علاقة بعملية الفصل من البعثة.

في أي حالة من الحالات يمكن فصل البعثة للمرافق بعد رفع طلب وإكمال المتطلبات اللازمة لذلك مع الأخذ بالاعتبار بأن الفصل يعتمد على موافقة الوزارة أو الملحقية.

أرجو لك التوفيق ،.

أخوكم
بــن نيـــاز

طيب في حالة زواج المبتعثة والاخ بيكون بيدرس بالجامعه وسوت تغيير للمحرم من الاخ للزوج ايش وضع الاخ حيكون حيقدر يكمل دراسه عادي ولا ؟؟