الأعضاء الإشتراك و التسجيل

الملتقيات
ADs

الغربة .. هل هي صعبة لهذه الدرجه ؟

الغربة .. هل هي صعبة لهذه الدرجه ؟


NOTICE

تنبيه: هذا الموضوع قديم. تم طرحه قبل 1912 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. نعم الغربه صعبه و لا خلاف في ذالك - و تتفاوت في صعوبتها من شخص الى آخر

    طلب العلم لوحده متعب حتى لوكان في ارض الوطن فمابالك بالخارج الأنسان يدفع من راحته و وقته في التعلم وصحته النفسيه - لكن حط في بالك ان النتائج راح تكون رائعه بأذن الله

    اخي العزيز انا الاحظ انك تعيش في صراع مع طموحك اكثر من اللأزم
    لكن خير ما انصحك فيه بأن تحاول و تضع في بالك جميع الأحتمالات الممكنه بحيث اذا لم تتأقلم ترجع الى الوطن حتى تكون مهيئ نفسك
    و على اي حال صدقني بأذن الله سوف تتكلل بالنجاح لأنه طموحك من فتره طويله فهذا يدل على و جود دافع عندك.
    7 "
  2. والله احس أني منبوذ من بينكم بعد ماقريت هالكلام كله .!؟
    بديت اشك بنفسي صراحه ..

    لا جد .. انا ماحسيت بهالاشياء اللي تقولون عنها غربه وغربه ... بالعكس جيت هنا مبسوط ورجعت السعوديه مبسوط والحمد لله ..
    مدري يمكن تعودت على العزوبيه

    طبعا ما أنكر اني اشتاق لاهلي .. مافيه احد مايشتاق لاهله ..
    لكن دايم على اتصال معهم ومادامهم بخير فحنا بخير ولله الحمد ..

    بس اكثر شي اشتااااق له .. الاذان وصلاة الجماعه ..
    هذا اللي افتقدته صدق ..

    المسلم مايعرف النعمه اللي هو فيها لحتى يفتقدها ..

    صحيح عندنا مسجد .. لكن الاوضاع هنا تختلف ..
    ياخي بالسعوديه كل شبر عشر مساجد ..
    اما هنا .. كل منطقه فيها مسجد او اثنين .. ولا الاذان داخلي ممنوع يأذنون بالسبيكر ..

    ومثل ماقلت انا ماعندي مشكله في اي ديره اروح لها .. مادام الارض تشلني فأنا ماعلي خلاف ..
    لان الحياه تجارب .. ولا احد راح يبقى لاحد .. وهذي هي سنة الحياه .. تولد بديره .. وترزق بديره .. وتموت بديره ..

    وأخوي "كنت احبك" ماقصر كلامه عين العقل ..

    احفظ الله يحفظك .. واذا حفظت الله .. كل شي بهالدنيا يصير يسيررر ..
    7 "
  3. هل لو تركت البعثة رح تبطل تفكير في الموضوع؟؟؟

    اذا الاجابة لا ...اعقلها وتوكل ...
    الاجابه بكل تأكيد .. لا .. بل راح يتحول الموضوع من طموح إلى تحطيـــم وتحسف وندم .. لكن مثل ما قلت اول .. هنا بواجه مشكلة وهناك بواجه مشكلة بعد !

    وصدقني الغربه مو بسيطة ابداً بالنسبة للشخص الاجتماعي
    اللي كان عايش حياه في بلده اجتماعيه وعندة اصدقاء كثير واقارب
    انا ماني اجتماعي ابداً .. هذي اكبر عيب فيني ، ما عندي الا صديقين اقدر اقول عنهم اصدقاء حقيقين ، و واحد منهم سافر ، و الاقارب نادر ما نجتمع ، واغلب وقتي لحالي في غرفتي على النت !
    لكن على ما يبدو ان هذا الشي بيفيدني في الغربه !


    وبااااارك الله فيكم جميعاً ، والله يجمعنا في الفردوس الأعلى يااارب ، ويسهل امورنا في دنيانا .. شكراً لكم جميعاً على المساعدة شكراً شكراً شكراً ...
    7 "
  4. الغربه صعبه ومن كلامك احس انك نفس شخصيتي ومن هالمنطلق اقول راح يضيق صدرك وتتعب بشكل كبير ما اخفيك لكن هذي الدنيا من قال انها سهله صح يمكن تستمع هنا وتعرف على ناس لكن مو زي الديره وانا لي تقريبا لي ثلاث شهور وما تدري كيف ودي ارجع انتظر عطله الكرسيمس على احر من الجمر .. فانا اقولك صعبه لكن لا تخلي هالشيء يمنعك مانتب صغير خلاص لازم تحمل الظروف الصعبه واعرف انك دايم تقدر ترجع اطلع وشف وضعك حسيت انه ما صلحتلك ضف اغراضك وديور .. فلا تضيع وقتك متعلق بين قرارين وتردد اعقلها وتوكل ..وبالتوفيق يالامير
    7 "
  5. الدنيا سعععة وصلوا صلاتكم وفلوها وفلها وربك يحللللها وطلعات وروحات وجيات

    والحياة (الجممممعه) بدون جمعة الناس تضيق بك الدنيا ومااا عليها

    اطلع واستانس وتعوووووووووود تروح وتجي مع الناس

    ولا تعقد الامور خذهاااااااااااا ببساااااااااااطة (والدنيا فيييي حرييييييييييقة)

    والرسووول اللهم صلي وسلم عليه حذر من ثنتين (الفراغ والوحدة) هذي تدمر امم كاملة
    7 "
  6. حزااااااااكم الله كل خير
    صراحة بديت اتخذ قراري النهائي بالسفر وعدم التراجع مهما حصل
    شكراً لكم شجعتوني
    والله يعينني وياكم .. والله مجرد ما افكر في الموضوع من الآن يجيني قلق واخاف قبل ما اسافر اتراجع بعد ما اكون سحبت ملفي من الجامعه !
    الله يسهل علينا ..
    7 "
  7. السلام عليكم

    ما اراح ازيد علي كلام باقي الاخوان والاخوات لانهم ما قصروا
    بس راح اقول ان الطموح لوحده يكفيك انك تجرب السفر لان تري مو كل الناس عندها طموح وكثير من اللي يدرسون برا نفس الشي
    تلاقيه جاي يدرس عشان ابوه قاله كذا او عشان يغير جو او عشان كل اللي في العيله دراسين برا فهو لازم يكون زيهم
    قليل جدا اللي جاي يدرس عشان طموح او هدف

    باختصار شديد اتوكل ع الله واسعي لطموحك اللي هنا مهم افضل منك في شي


    بالتوفيق
    7 "
  8. أخ عبد الرحمن أنا أنصحك بالبعثــــــه وبقوووة وهذي فرصه حرام تضيعها وبعد كم سنه تندم انك ما استغليتها

    اذا شايل هم الغربــه شوف اذا أحد من أهلك يقدر يطلع معك في البدايه ويسليك بالأشهر الأولى لين تتعود على البلد وتتأقلم فيها بعدين يرجع ويتركك

    اذا مافيه أحد بيطلع معك لا تشيل هم بتتيسر أمورك راح تتعرف على ناس كثير في بلد الابتعاث وتكون صداقات كثيره وهناك تطلع وتخرج معاهم وبتنسى الغربه وممكن تسكن مع مجموعه شباب وينسونك الغربه
    وتقدر تشغل نفسك بأشياء كثيره تتفرج بالتي في - تجلس على النت - تذاكر - تكلم أهلك - تطلع تتمشى - تسجل بنادي رياضي
    وأصلاً اذا بديت الدراسه في الجامعه بتكون مشغول بالدراسه والبحوث والاختبارات وهذي كلها تشغلك على انك تفكر بالوحده والغربــــــه

    اللي أقدر أقوله لك استخير أكثر من مره وبعدها توكل على الله وقدم بالبعثه وان شاء الله ربي يوفقك ويسر أمورك وتتخرج وتحقق حلمك
    بس لا تضيع فرصه الابتعاث عليك
    7 "
  9. الغربة هي شي حلو واحيانا صعب حسب المود والنفسية يعني خصوصا لو كانت نفسيتك تتحكم بمسار يومك
    بالنسبه لي اكلم اهلي بما لا يقل عن ساعه يوميا اصلا لو ما اكلهم بنهار خصوصا اول ما جيت قبل ما ادخل الكلاس وواذا طلعت واذا قمت الصبح وقبل لا انام

    استغرب من الي يقولون يكلمون اهلهم مره بالشهر !

    عموما انت وشخصيتك وما اعتقد انها بتختلف كثير لو تغير المكان عليك
    على فكره كنت مثلك انا والدليل تاريخ تسجيلي
    حققت الي ابي عقبالك ان شاء الله الله يتمم لك على خير
    نصيحتي اطلع كل صيف خذ لغة واعرف كثير يسوون كذا بس لاتعتذر عن الجامعة وتعطل دراستك ولا تفكر الا بماستر اقولك انا بعد بحث طويييل ولك الخيار
    7 "
2 من 4 صفحة 2 من 4 123 ...
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.