الغربة .. هل هي صعبة لهذه الدرجه ؟

السلام عليكم ورحمة الله ..
بدخل في الموضوع مباشرة ..

من سنتين وانا احلم يومياً في البعثه .. هي حلم حياتي .. بل أكثر بكثير من مجرد حلم
انا الآن ادرس سنة تحظيرية لاتعود على اجواء الجامعه واتعلم اللغة ... ألخ ، ومخطط بعد هذه السنة ان ادرس في امريكا على حسابي بأذن الله
ولكن .. بدأت اتردد واحتاااار كثير ، احيانا يجيني احساس بأن الغربة صعبه جدا جدا ولن اتحملها ، خصوصا اني انسان حساس واي شيء تافه ممكن يسبب لي حزن أو قلق ...
غير كذا انا مصاب بمرض القولون العصبي والي هو يسبب آلام ومشاكل في البطن مع اي تغيرات في الحاله النفسية وهو ما سيحصل لي قبل السفر وبعد الوصول من قلق وحزن وغيرها ..
كل هذي الامور تحسسني ان من الافضل لي متابعة دراستي في السعودية ، ولكن بما اني متعلق بفكرة الدراسة في الخارج اخاف اتأثر أكثر بكثير بسبب عدم تحقيق حلمي .
لأني طوال السنتين الماضية كنت اتابع هذا المنتدى يوميا اكثر من مره واتعلم عن كل شي يخص الابتعاث مهما كان صغير ، حتى صار عندي معلومات افيد بها غيري ، ولو تشوفون مشاركاتي بتلاحظون ان نصها مساعدات لناس جدد ، من كثر ما قرأت وتعلمت .... نعم .. لهذه الدرجه انا متعلق بحلمي واريد تحقيقه .
والله ما كتبت هذا الموضوع الا بسبب الحيرة الكبيرة ، فهناك سأتعب نفسياً وهنا سأتعب كذلك (بسبب تركي لحلمي) .

لذلك نرجع لنفس السؤال : هل الغربة صعبة لهذه الدرجة ؟ اتمنى تكتبون تجاربكم ونصايحكم ، والله لأدعي لكم بظهر الغيب .

والله يسهل علينا امورنا ويوفقنا جميعاً يارب ..

راح تنسى السعودية بما فيها بعد شهر

لكن ثاني اسبوع الى رابع اسبوع بتحس بالغربة والتغييييير فقط

وبعدها عااااااااااادي تتعود ولا تخلي اي شيء يصيطر عليك

الاحساس من الفضااااااااوة والتفكير الزائد
هناك مافيه الا دراسه وطلعات وراح تساعدك على الهموم والغربه لانها بتشغلك

وبالتوفيق

الله يريح بالك .. المشكله هي قبل السفر بكم اسبوع وبعد الوصول بكم اسبوع ، هذي هي المشكلة الي مخوفتني وخلتني اتردد بالرغم من رغبتي الشديدة في السفر
على العموم الله يسهل علينا يارب
وجزاك الله كل خير اخوي على ردك

عن نفسي .. مابديت احس ب الغربه الا بعد شهر .. تقريبإ .. من وصولي ُ

لمإ بديت اعيش حيأة جديده ... وبالاخير فرآ‘ق الاهل مو شي سهل ..

واذا على مستقبلك .. ترى ممكن تأخذ بكالوريس وتطلع مأستر ُ ..

سؤال ..

هل لو تركت البعثة رح تبطل تفكير في الموضوع؟؟؟

اذا الاجابة لا ...اعقلها وتوكل ...


البعثة فرصة عشان تتعلم تعيش لنفسك مو للناس ...وتقدرتجيب الاهل بالاجازات ينبسطون عندك ..

يا تكون يا او لا تكون .

اول اسبوعين او ثلاثة كانوا اسوء ايام حياتي,,,مرة النفسية قرف

اما بعد شهر؟؟ ما ودي ارجع السعودية اصلن

و على الاهل ترا من كثر الانشغال ما بتكلمهم الا كل شهر مرة خصوصا اذا انت بالجامعة

الحياة هنا ممتعة و رهييييبة

هلا فيك أخوي

موضوعك أجابته بتكون مختلفه من شخص لآخر
فيه شباب كانوا متحمسين للسفر بشكل غير طبيعي
ولما وصلوا هنا انخلطوا في الحياه وماودهم يرجعون للسعودية
لدرجة ان بعضهم ابوه يتصل عليه ويقول له ارجع في اقرب اجازة
طبعاً هالصنف انا ما احبذه ابداً

أستغرب من شخص لايشتاق لوطنه وأهله
عن نفسي في البدايه تعبت نفسياً اول شهرين
وصدقني الغربه مو بسيطة ابداً بالنسبة للشخص الاجتماعي
اللي كان عايش حياه في بلده اجتماعيه وعندة اصدقاء كثير واقارب
انا اتمنى ارجع السعودية في كل اجازة حتى لو مدتها ١٠ ايام
مجيئ هنا لهدف فقط وليس للهجره والعيش في هذا البلد
واللي للاسف بعض الشباب يوم اسأله اقول له ما اشتقت للسعودية؟
يقول لا من يشتاق لها ؟


الخلاصة
انت تعرف نفسك أكثر من أي شخص آخر ولاتقيس تجارب الاخرين عليك
طبعاً من كلامك انت تملك حلم وتسعى لتحقيقه والطموح هذا راح يخفف الكثير عنك
طبعاً قبل السفر بأسبوع راح تتلخبط شوي وبعد الوصول اسبوع او اسبوعين لخبطة
وبعدها بتبداء تنشغل بالدراسه والتعرف على البلد والثقافه الجديدة اللي انتقلت لها
وبتصير الامور عادي عندك ان شاء الله وبتتأقلم مع الوضع اللي انت فيه


بالتوفيق ان شاء الله

السلام عليكم
شي طبيعي الانسان يحس بقلق لما يفكر يخطو خطوه مثل هذي لان الوضع في البدايه يعتبر مجهول بالنسبه لنا والواحد يفكر كيف بيتاقلم وكيف بيعيش .
ومثل ما قالو الاخوان الصعوبه تكون في الفتره الاخيره قبل السفر الى الوصول والاستقرار بعدين تبدا تتاقلم وتتعود على الوضع .وماشاء الله عليك تقول صار عندك خبره يعني تقريبا فاهم الوضع وايش ممكن يواجهك فليش القلق ؟؟

وحط في بالك شي الخوف والقلق حاجز امام اي نجاح .

شد حيلك والله يوفقك .

طيب أنآ بحكيكـ عني أنآ شخصيآ ..

من خلصت آلجآمعه بعآم 2007 وأنآ متغرب .. طبعآ غربة آلوطن آلدآخليه تختلف عن آلخآرجيه ..
دآخليآ كآنت آلغربه من أول يوم توظفت فيه .. بكذآ مدينه كآنت فعلآ" غربه " ..

وبعد كذآ تغربت ببريطآنيآ ووآجهتني مشآكل بشكل مآتتخيله إنسرقت ونمت بآلشآرع وأمور كثير ..

بإختصآر آلغربه تختلف من شخص لشخص وآلغربه تكسبكـ خبرآت وثقآفآت ومعآرف بآلنآس ..
فوآئدهآ أكثر من مضآرهآ ولكــن بشرط !!
" إذآ أحسنت آلتصرف " ..

للأسف إنصدمت بنآس كثير يتغرب ويطيح بآلخرآب بشكل غريب !!
وتلآقيـــه بعد مآيرجع يسب ويلعن بآلغربه ..

آلغربه .. يبيلهــآ درآسه عميقه وتخطيط سليم .. ولآ تتفآجأ إذآ لقيت إن كل أللي خططت له مآمشى بآلشكل آلصحيح ..
هذآ مآيعني إن كل خططكـ كآنت فآشله أو إنت إنسآن فآشل !!
لكل زمآن ووقت, ظروفـــه.
صدقني آلغربه مفيــــدهـ جدآ .. ولآ تشيل هم آلغربه ترى آلبنآت تغربن وكلن رفعت رآسهآ بشهآدتهآ وهذآ هو "آلمقيآس" لنجآح آلغربه من وجهة نظري.


آحسن آلظن بآلله ثم آلتصرف آلصحيح وجرب بنفسكـ إنت غربتكـ لجل شهآدهـ محمول مكفول ولله آلحمد ..
شوف غربة آلمقيمين بآلسعوديه تخيل إنه جآي لجل لقمة آلعيش يشتغل ويكــد ولآ عندهـ أحد يرسل له فلوس ومرتب شهري !!


أدري طولت عليكـ .. وكلآمي مجرد رأي شخصـــي فقط.

بآلتوفيق.