الأعضاء الإشتراك و التسجيل

الملتقيات
ADs

هل نحن فاشلون ام ماذا !؟

هل نحن فاشلون ام ماذا !؟


NOTICE

تنبيه: هذا الموضوع قديم. تم طرحه قبل 4208 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية AhmaD.888
    AhmaD.888

    مبتعث فعال Active Member

    AhmaD.888 الولايات المتحدة الأمريكية

    AhmaD.888 , ذكر. مبتعث فعال Active Member. من السعودية , مبتعث فى الولايات المتحدة الأمريكية , تخصصى ------------------------ , بجامعة ------------------------
    • ------------------------
    • ------------------------
    • ذكر
    • ------------------------, ------------------------
    • السعودية
    • Jul 2011
    المزيدl

    September 21st, 2012, 06:28 AM

    السلام عليكم اخواني وخواتي
    سؤال حاب اطرحه علينا نحن الطلاب المغتربين
    هل نحن فاشلون في ام لا !؟
    يعني يجيي طالب يدرس لغة في معهد ما
    يغيب وما يحظر بانتظام , واذا رسبوة جلس يسب ويشتم
    ولا يجي طالب نسبة النجاح 60 % يكون جايب 57 % ورسبوة
    والرجال يكون زعلان على الاخر
    طيب يا حبيبي انت ما درست زي البشر وحصل اللي حصل والنظام نظام
    تزعل وتطلع تسب المعهد والادارة في كل مكان ليش !؟
    ولا الادهاء و الامر لما يكون فيه طلاب قلبو الكلاس تريقة على المدرس او المدرسة
    انت جاي تدرس ولا تهرج علينا في الكلاس !؟

    الخلاصة انت جاي هنا ليش
    مغترب وتارك اهلك وناسك عشان تقضي فترة دراستك مهزلة وضحك !؟

    هذا الكلام صاير حولي حولاني وهذا احد اسباب الموضوع
    هل هالامور " الغير طيبة " اللي عندي تصير نفسها عندكم ولا لا !؟
  2. والله شيء مؤسف..



    فيه ناس رايحة ندرس وفيه ناس ماعمرها راحت سياحة ,قالت اجرب الابتعاث شهرين وارجع ..

    جايين يتمشون ... انساهم والتفت لدراستك اخوي ...هالاشكال تتصفى كل مستوى دراسي يختفي منهم 10 وبتتذكر كلامي ..
    7 "
  3. هذي الفئه تشوفها غالبا بالمعاهد ..
    وبرأيي الشخصي وبحسب ماشفت ..
    الشباب بفترة اللغة .. يعتبرونها الفتره الترفيهيه لهم ..
    لان بإختصار داخل الجامعه مايقدر يحك راسه .. اما باللغه فما يدرس غير الانجليزي ..
    ماعنده لا رياضيات ولا فيزيا ولا تاريخ ولا بطيخ
    وكثير من الشباب كنت اسمعهم يقولون " ياعمي انت باقي باللغه فلها .. علشان اذا دخلت الجامعه تنضبط " .. <-- نقل حرفي لما كنت اسمعه من الشباب ..
    هذي نصائح الشباب عندنا هنا والمتداول بينهم بفترة اللغه ..

    واذا تبون الصدق .. هم صادقين بشغله وحده .. أن فترة اللغه هي الفتره الوحيده اللي يقدر الواحد ياخذ حريته كل الوقت .. والسبب أن التركيز كله يكون فقط على اللغه ..
    يعني ماراح يكون عندك اكثر من كورس مختلفين تقعد تقرا في هذا وتحفظ في هذا وتحاول تفهم في هذا .. وتقعد تحفظ الفوكابلري لكل كورس .. يعني شغلانه متعبه صراحه ..
    لو ان الكورسات بالعربي .. اوووه كان امدانا تخرجنا من مبطي هههه

    لكن المشكله اللي الاحظها إن حتى وان كانت فترة اللغه هي الفتره اللي يستغلونها الطلاب في "فلتهم" مثل مايقولوا ..
    إلا انهم مايذاكرون ولا اشوفهم يجتهدون ابدا .. بالعكس والله كثير ناس اقابلهم في مطعم الجامعه وباين انهم من اللغه ..
    اول سؤال يسؤولني انت بالجامعه وكم باقيلك .. وبعدها ياخذون رقمي وبعد يومين يدقون علي يسألوني .. ولما اساعدهم ...
    الاقي نفسي بعد فتره احل واجباتهم بطريقه عبقريه صراحه هههه والله احيانا اضحك على نفسي ..
    مايجوني مثلا يقولون نبيك تحل او تساعدنا بالواجب حقنا لا .. يقولون عندنا اوراق معطتنا الدكتوره ومافهمناها اذا تقدر تشرحها لنا ماتقصر ..
    وانا اشرح لهم ماعندي مشكله .. واذا خلصت شرح الاقي اني حليت لهم الاوراق كلها بدون مانتبهه ياخذونها بحلي ..

    لحتى قفلت هالعاده عليهم ولاعاد شفتهم بسلامتهم .. .

    وكثير مواقف مثل كذا تحصل معي لما اقابل احد من اهل اللغه .. حتى لما رحت زياره لولايات ثانيه عند شباب اعرفهم .. نفس الطريقه بس كنت اعطيهم كلمتين يستحون مني ويحاولون يحلونها بانفسهم ..


    بإختصار .. مرحلة اللغه .. هي نقطة التحول الاولى للطالب .. فالطالب يجيك من السعوديه دايركت ع المعهد ويكون لازال باقي على فكره السعودي ..
    فياخذ وقت اللغه في الاستكشاف لحتى تتغير نظرته ويتأقلم مع البيئه الجديده والنظام الجديد الامريكي ...

    فهي مسألة وقت .. واللي عليك فقط .. أنك تهتم لحالك واذا احد جاك وحب يستفيد منك مثلا بانك تحل له الاسئله او ماشابهه .. حاول انك تعطيه كلمتين بالعظم حتى يتعدل ويجتهد ..
    فأنت اذا تساهلت وحليت عنه .. بقى على حاله .. لكن اذا شاف الكل معارض له .. التفت لنفسه وبدا يضبط نفسه .. وبالتالي تكسب فيه اجر لانك غيرت فيه بإيجابيه ..
    وكل شخص له طريقته بالتعامل مع الناس ..


    اسف على الاطاله بس حبيت اشارككم الرأي والتجارب : ) ..

    هذا والله اعلم ..,

    اخوك محمد
    7 "

  4. جميل جدآ موضوعكـ .. وفعلآ كلآم صحيح ..

    ولكــن بآلمقآبل ترى فيه نآس ترفع فيهآ آلرآس نآس جدآ رآقيه ..
    صآدفتهآ بدرآستي ومآشآء الله خلصوآ مآستر وهم على أفضل مآيرآم.

    أنآ معكـ بكل صرآحه لو تشوف آلكم آلهآئل من آلمبتعثين وأللي يدرسوآ تحس آلسعوديه مآبقى فيهآ إلآ كبآر آلسن فقط !!
    مآشآء الله أعدآد كبيرهـ لجل كذآ يمكن غلب على بعض آلمبتعثين آلشلل وآلقروبآت أللي فيهم من آلفشل آلكثير ..

    وبآلمقآبل فيه نآس لآ إله إلآ آلله عليهم .. من نشووفهم يحييون فيـكـ روح آلتفآؤل.

    بآلتوفيق.
    7 "
  5. بصراحه .. هالشي مضايقني بالحيل ... واالاغلبيه من هالفئه المرافقين اللى ما همه بالوقت ولا اي شي ...
    عن نفسي احتكاكي بسيط مع اللى حولى .. لان مافي شي يستاهل ,,

    اجل طلاب لهم 9 شهور ويآدوبك ينطق الحرف !! شي يشيب الراس

    الله يهدي ويوفقك الجميع ,,
    7 "
  6. انا مع تصرفهم و "فلتهم" صراحة

    خله يستانس و يغيب و يضحك و لا يحل هوموركات باللغة

    عشان لا جت الجامعة يكون شبعان وناسة

    لان الجامعة مهي سهلة ابدا ابدا و مستحيل يسوي ربع الاشياء اللي كان يسويها باللغة, خصوصا اذا تخصص صعب او جامعة شديدة
    7 "
  7. المشاركة الأصلية كتبت بواسطة Twisted
    انا مع تصرفهم و "فلتهم" صراحة

    خله يستانس و يغيب و يضحك و لا يحل هوموركات باللغة

    عشان لا جت الجامعة يكون شبعان وناسة

    لان الجامعة مهي سهلة ابدا ابدا و مستحيل يسوي ربع الاشياء اللي كان يسويها باللغة, خصوصا اذا تخصص صعب او جامعة شديدة
    انا معك وأويدك بكلامك .. وهذي هي الفرصه الوحيده اللي يقدرون ياخذون راحتهم ويهيئون انفسهم فيها ..
    لكن اذا جات الجامعه وهم ماسنعوا انفسهم .. ما اتوقع انه بيدخل الجامعه وهو باقي على فكر "باخذ الملخص من فلان " و " فلان يسنعنا " و " انا مشبك الدكتور " و " الدكتور فله مايقصر معنا" .. الخ

    صدقني هذي كثير كنت اسمعها وكنت انبهه الشباب عليها ... خصوصا اذا شافوا الدكاتره متساهلين معهم ..

    احد الزملاء السعوديين صادف اننا اخذنا نفس الكورس ... فكان يعتمد علي بالواجبات .. تدري انه ماحل شي من الواجبات ؟ كل الواجبات يطلبها مني وهو بس يطبعها باسمه ويسلمها الدكتور ؟ !
    وانا كثير كنت اقوله انا بامكاني اساعدك لكن مابي بكره تتساهل بالامر وتسحب على الكلاس مره وحده وتعتمد علي بكل شي ! ...
    وكان كل مره يجي بعذر مره بالمستشفى مره عنده اختبار مره مدري وش وضعه ..
    فلما جا اول اختبار .. غاب عن الاختبار .. وثاني يوم دق علي وقالي انه كان بالمستشفى قلت الله يقومك بالسلامه لكن انا مابيدي شي قول هالكلام للدكتور ..
    وراح وكلم الدكتور وتفهم وضعه الدكتور واعطاه الاختبار وقاله جيبه الكلاس الجاي معك .. وفعلا اخذه معه ودق علي وقالي الاسئله معي ارسلي حلها ؟! < يعني حتى والاختبار معه بالبيت مو راضي يفتح الكتاب ويدور الاجوبه ؟! ..
    الشاهد بالموضوع اعجبته حركة الاختبار بالبيت وكمل مشواره على نفس الموضوع غيابات + واجبات من عندي .. واللي طينها الاختبار الثاني برضوه غاب ؟! ..
    وفي نفس يوم الاختبار قالي محمد وشلون الاختبار قلت الحمد لله قال سهل ؟ قلت سهل للي مذاكر وصعب للي مثلي ومثلك .. قالي وشلون حليت .. قلت ماحليت شي كلمت الدكتور واعتذرت منه وقالي تعالي بعد الكلاس .. الرجال خاف ..
    قالي زين .. وراح للدكتور اليوم اللي عقبه ومجهز عذره معه .. وقاله الدكتور بالحرف الواحد " بالنسبه للغيابات انا سمحت لك فيها ولا فكرت فيها .. وايضا سمحت لك بانك تنقل واجباتك كلها من محمد ومشيتها .. ولكن انك بعد تغيب عن الاختبارات عمد ؟ .. انت قللت من شأني ولا اشوف اي طالب يسوي مثلك ؟ ..! حاول فيه الرجال يمين يسار قاله الدكتور روح احذف الماده وخذها مع غيري لان الاختبار ماراح ينعاد ولو تكمل ماراح تنجح .! وفي النهايه حذف الماده !.

    عرفت ليش انا ضد فكرة أنه يتساهل بكل الامور .. لان هالناس اللي تمشي بنفس هالتفكير تدمر نفسها بنفسها ..
    لاهي اللي ساعدت نفسها ولا ترضا ان احد يساعدها .!

    صدقني الدكتور لو يشوف احد فعلا مجتهد ... ماراح يقصر معه ..

    احد الدكاتره عندي .. ما سبق وغبت عنده ودايم اشارك واحاول اني اضبط وضعي بالعربي ماهو فهامه ولا دفره لا والله بس اشارك حتى لو كنت غلط اهم شي بس اتحرك ..
    فاللي حصل اني اختبرت مره عنده واخذت 60 من 100 .. تعتبر درجه مشي حالك .. اخذها وقالي ليش كذا لكن معليه الاختبار الجاي تعوضها قلت ان شاء الله ..
    وجا الاختبار الثاني .. واخذ 84 من 100 ... قال لا مو معقوله قلت كيف ؟ .. قال اشوف .. ويشوف اخطائي والورقه بيده ويسألني من الاسئله اللي بالورقه ..
    وكل سؤال اجاوبه باجابه صحيحه شفهي .. بس هو يقولي الشيء الفلاني كذا كذا قلت ايش تقصد بالضبط فعطاني بس تلميح بسيط .. فجاوبته على طول (لاني فاهم الماده اصلا بس مشكلتي بالتحريري مافهم ) ..
    ولما شافني كذا شطب على الـ 84 وكتب بدالها 100 !!!!!!! قالي انت تعرف بالبرمجه ومتمكن بس عارف ايش مشكلتك قلت وش .. قال هذي ( وهو يرفع ورقة الامتحان ) هههههه قلت في خاطري والله صادق ماحب اوراق الامتحان ..
    والفاينال خيرني بين اني اشتغل على الكمبيوتر واقدم له بروجكت هو يطلبه مني او اني اختبر على الورق .. وطلبت البروجكت والحمد لله نجحنا بالماده ..

    فهذي بس قصه صغيره لاجل الناس تستفيد من التجارب ..

    الدكاتره والله يعرفون اللي جاي يلعب واللي جاي مجتهد .. وماهم غشيمين ابد .. وعلى اللي شفته ودهم يساعدونا بعكس الدكاتره اللي بالسعوديه ...
    لكن يبيلهم واحد مجتهد وخلوق ...


    اتمنى اني ماطولت عليكم .. واتمنى ان كلامي يكون له فايده ...
    7 "
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.