مساعدتكم لو سمحتم في اختيار احد المدن التاليه ( بيتسبرغ - اوستن - هيوستن - بورتلاند )

مسآء الخير . اسعد الله اوقاتكم بكل خير =)
حبايبي ابي مساعتدكم باختيار افضل مدينة من المدن التاليه للدراسة فيها على حساب شخصي لحد مايتم القبول بالابتعاث ( معهد وجامعة )

1- ولاية بنسلفانيا - مدينة بيتسبرغ
2- ولاية اوريجن - مدينة بورتلاند
3- ولاية تكساس - مدينة اوستن
4- ولاية تكساس - مدينة هيوستن


أبي الأفضل من ناحية: ( الأسعار المناسبه للسكن والوقود والمواصلات ) و ( الأجواء المناسبه ) و ( توفر المواصلات والنقل بشكل ممتاز ) و ( توفر الخدمات والترفيه والمطاعم والسوبرماركتات )

إذا فيه اقتراحات افضل لمدن اخرى لاتبخلون علينا =)

هيوستن شلها من راسك

بالنسبه لي
بيتسبرق بعدها بورتلاند بعدها اوستن

من ناحية المواصلات بورتلاند اقوى مواصلات من بيتسبرق بس كل المدينتين فيها مترو وقطارات وباصات
الغلا بورتلاند ارخص من بيتسبرغ

اقتباس:

---

المشاركة الأصلية كتبت بواسطة فيصل بني لام

هيوستن شلها من راسك

بالنسبه لي
بيتسبرق بعدها بورتلاند بعدها اوستن

من ناحية المواصلات بورتلاند اقوى مواصلات من بيتسبرق بس كل المدينتين فيها مترو وقطارات وباصات
الغلا بورتلاند ارخص من بيتسبرغ

---

الله لايهينك يالغالي على تواجدك
- هيوستن وش فيها طال عمرك ؟ ياليت تعطيني سلبياتها
- وش رايك في اوستن - تكساس . طيب ؟
- اما بالنسبه لبورتلاند يقولون انها ممطره اغلب السنه وبالتالي بتتعطل اشغالنا .. فصحيح الكلام ولا ؟
- هل بيتسبرغ اقل نسبة امطار من بورتلاند ؟


+ ياليت تقولي على اي اساس رتبت انت المدن " بيتسبرق بعدها بورتلاند بعدها اوستن "

والله يجزاك خير ويعطيك العافيه يارب =)

بورتلاند الافضل طبعا

اقتباس:

---

المشاركة الأصلية كتبت بواسطة saleh1z

الله لايهينك يالغالي على تواجدك
- هيوستن وش فيها طال عمرك ؟ ياليت تعطيني سلبياتها
- وش رايك في اوستن - تكساس . طيب ؟
- اما بالنسبه لبورتلاند يقولون انها ممطره اغلب السنه وبالتالي بتتعطل اشغالنا .. فصحيح الكلام ولا ؟
- هل بيتسبرغ اقل نسبة امطار من بورتلاند ؟


+ ياليت تقولي على اي اساس رتبت انت المدن " بيتسبرق بعدها بورتلاند بعدها اوستن "

والله يجزاك خير ويعطيك العافيه يارب =)

---

اول شي بنبدا في هيوستن
انا ماعشت فيها بس كنت اطلع كل ويكند لها
بصراحه ما ادري وش اقولك يبيلك موتر هذا اول شي
المدينه غالبيتها سود ومكسيكان
المدينه كبيره امانها موب ذاك الزود لو تقارنها في اوستن والمدن الباقيه
..
نجي لاوستن الي جلست فيها 4 شهور وعارفها حاره حاره
المدينه بشكل عام كويس ومن افضل مدن تكساس ومن رايي افضل المدن في الجنوب
عيبها كثرة المكسيكان ومواصلاتها كويسه ماعليها وامااان

بس المدينتين الثانيات انا اشوفها افضل بكثييير

اقتباس:

---

المشاركة الأصلية كتبت بواسطة فيصل بني لام

اول شي بنبدا في هيوستن
انا ماعشت فيها بس كنت اطلع كل ويكند لها
بصراحه ما ادري وش اقولك يبيلك موتر هذا اول شي
المدينه غالبيتها سود ومكسيكان
المدينه كبيره امانها موب ذاك الزود لو تقارنها في اوستن والمدن الباقيه
..
نجي لاوستن الي جلست فيها 4 شهور وعارفها حاره حاره
المدينه بشكل عام كويس ومن افضل مدن تكساس ومن رايي افضل المدن في الجنوب
عيبها كثرة المكسيكان ومواصلاتها كويسه ماعليها وامااان

بس المدينتين الثانيات انا اشوفها افضل بكثييير

---

الله يعطيك العافيه اخوي ..

وش رايك في ولاية " إلينوي " و " انديانا " ؟
وهل فيها مدن ممتازه وجامعات حلوه ؟
نصايحك طال عمرك :)

^^^^^^^^^^^^^

ياخي نصيحة لا تتعب نفسك ةتبحث كثير بالمدن صدقني امريكا معظمها حلوة

اهم شي الجامعة ثم الجامعة ثم الجامعة المناسبة

وش الفايدة اذا لقيت مدينة حلوة وما فيها جامعة تقبلك

اللي اقدر افيدك فيه تكساس مقارنة بـ اوريغون بورتلاند
وبصراحة ما يتقارنوا ببعض
بورتلاند افضل و اجمل بـ اشواط وحتى من ناحية الامان و الاسعار ما يتقارنوا والكفة
ترجح لـ بورتلاند
ما اقدر اتفلسف عليك في بيتسبيرغ ما اعرفها نهائي
لكن بورتلاند كـ خيار سكن انا اكثر انسانة ادعم هـ الشيء وفعلا ممتازة من جميع النواحي
ما فيه استفسار عن بورتلاند الا و اقول انها مدينة مميزة لا من ناحية اسعار ولا موقع و لا امن و لا ناس ولا اي شيء
يخطر على بالك تلاقيه في بورتلاند

شف اخوي انا في بورتلاند
صحيح أن السعوديين في كل مكان, لكن ما راح تلقى عدد مهول مثل اللي راح تشوفه في بورتلاند
كأنك في الرياض, المعاهد كلها متكدسه, الكلاس تلقاه كله سعوديين, الداون تاون نسبة السعوديين الأبرز والأكثر بعد الأمريكان بالضبط
إذا تبي لغة, وراحة نفسيه أبعد عن بورتلاند
إذا تبي فلّه ورخص ومواصلات تعال عندنا

أكلمك من أرض الحدث "هع" , وأنوي الهروب إن شاء الله

بيتسبرغ رقم واحد
بورتلاند رقم اثنين ...

اضعف الايمان ، اوستن
هيوستن هججججججج