عرض للطباعة
مساء الخير..
مرررررره محتاجه لمساعدتكم وإجابتكم على سؤالي..
انا معيدة وراح اسافر على على حساب الجامعة عبيت نموذج الضمان المالي وجبت الأوراق المطلوبة في آخر النموذج ايش اسوي الحين؟؟؟؟؟؟؟؟
وين اوديها؟؟؟؟؟؟؟
مع العلم اني لسه اقدم يعني ماجاني الرد..
ارسلها للجامعة ولا ايش؟؟؟؟؟؟؟؟؟؟؟؟؟؟؟؟
يعني أنت تبين ضمان مالي؟
اهلين..
لا أنا نموذج الضمان معاي وعبيته وتحت آخر النموذج طالبين أوراق وشهادات كلها جبتها وين أودي الضمان والأوراق اعطيها الجامعة ولا ؟؟
مع العلم ان لسه ماجاني قبول من الجامعات ..انتظر ردك..
والله ماني فاهم عليك.اقتباس:
المشاركة الأصلية كتبت بواسطة Samaaaaar
(نموذج الضمان) اللي أفهمه أنه النموذج اللي يعبيه الشخص علشان يقدمه للجامعة علشان يصدرون له ضمان مالي.
أما إذا كنت حصلتي على الضمان، فأنت تحتاجين الآن تجيبين قبول.
القبول: يمكن يكون لغة ويمكن جامعة ويمكن مع بعض على حسب توجه جامعتك بس إذا كنت في الملك سعود يكفي قبول لغة لابتعاثك.
إذا كنت تبين تقدمين على الجامعات عن طريق وحدة مساندة المعيدين والمحاضرين فهذي أنا ما عمري جربتها بس سمعت أن فيه اتفاقية بين بعض الجامعات وجامعة الملك سعود يحضرون قبولات للمبتعثات.
ماني فاهم عليك من اللي طلب منك أوراق الشهادات وغيرها؟
ايه هذا هو..اسمه استمارة طلب ضمان مالي مفتوح..
المهم ماادري ايش اسوي فيها؟؟
أختي الكريمة نصيحة لك شيكي على ردي التالي في أحد المشاركات على أحد الأخوان .. عملت له نسخ ولصق
---------------------------------------------------------------------------
---------------------------------------------------------------------------
اوووووووه انت توك ..
بس لازم تعرف بعض الأمور بداية حتى لما احد يجاوبك على شيء تكون عندك خلفية
لأن لو ما عندك خلفية وكل ما أحد جاوبك جواب فيه كم معلومة راح تسأل عن كل معلومة وش معناها لذا انصح تقر لك مواضيع بهالخصوص من المتلقيات وصدقني بصير خبير
شوف يا الغالي ادخل على
ملتقى خدمات الطلاب المبتعثين Sent-Out Students Forums
وبتلقى تحته كم ملتقى .. انت شيك وطق طق لك كم يوم وبتعرف كل شيء بنفسك وإذا استصعب عليك شيء ابشر الجميع بخدمتك
أنصحك تبدأ بـ
القبول والتسجيل Acceptance and Registeration
و
خدمات الطلاب المبتعثين Sent out Students Services
و
إجراءات التأشيرات وأمور القنصلية Visas Affairs
اهم شيء اقرأ المواضيع المثبته أولا وبعدها اللي تبيه
---------------------------------------------------------------------------
---------------------------------------------------------------------------
وايضا أعتقد بأن هناك ما يسمى بالموارد البشرية بجامعة الملك سعود .. ممكن يفيدون أكثر بحكم أن لديهم خبرة كبيرة جدا في الابتعاث ونماذجه وإجراءاته .. تقدري تتواصلي معاهم عبر التلفون أو عبر موقعهم
لأن كل جامعة لها نظام خاص فيها يختلف عن الجامعة الأخرى ..
نحن هنا نستطيع إفادتك :
- في التقديم على الجامعات وشروطهم
- تعبئة النماذج الخاصة بالجامعة (أرفقي صورة)
- تعبئة نماذج السفارة من أجل استخراج التأشيرة DS-160 رسوم التأشيرة رسوم السيفس
* وقبل ذلك أنت تحتاجين أن تناقشي قسمك بوقت ابتعاثك وتخصصك وبعدها
* تنطلقي لطلب الضمان المالي
* ثم التقديم على الجامعات لمحاولة الحصول على قبول مشروط إن أمكن أو على معهد اللغة
* طلب الايتوني I-20 وهو عبارة عن (3 أوراق تفيد بأنك طالب) من أجل التقديم على التأشيرة من السفارة الأمريكية
* تعبئة نموذ السفارة الأمريكية من أجل التأشيرة DS-160 وسداد رسوم التأشيرة الأمريكية 608 ريال بسامبا وايضا سداد رسوم السيفس عبر موقعهم 200 دولار وحجز موعد بالسفارة بـ 45 ريال من أجل المقابلة الشخصية
* بعد استلام التأشيرة تبدأي مشوار مجلس قسم ==> مجلس كلية ==> مجلس دراسات عليا ممثل بلجنة الابتعاث ==> موافقة مدير الجامعة ==> أصدار قرار ابتعاث ==> إخلاء طرف ==> اصدار أمر إركاب
هذي بشكل مختصر ومختصر لأبعد حد .. أفضل قراءة المشاركات بالراوبط الموجودة بالأعلى وحتما ستزيد معلوماتك عن ملف الابتعاث
وبالتوفيق ،،
يا عزيزتي
جامعة الملك سعود فيها وحدة مساندة المعيدين والمحاضرين، ولها موقع، ولها وسائل اتصال، وتعقد دورات وتساعد على تحصيل القبول وتقوم بأمور كثيرة. زوريها شخصيا أو انترنتيا
جامعة الملك سعود < وحدة مساندة المعيدين والمحاضرين البرامج KSU -
وبالتوفيق