السلام عليكم
ايش هي افضل مدينة في فلوريدا للدراسه ؟ وليش ؟
عرض للطباعة
السلام عليكم
ايش هي افضل مدينة في فلوريدا للدراسه ؟ وليش ؟
وعليكم السلام ورحمة الله وبركاتة
اخوي علي فكره ترا ولاية فلوريدا مقفلة من الملحقيه ...
اورلاندو افضل مدينه بحكم اني درست فيها لمده سنتين وزرت كل مدينه عامه في الولايه مثل .. ميامي .. تامبا .. كوكا بيتش .. دايتونا بيتش .. جاكسون فيل .. قينسفيل .. تالاهاسي .. باناما ..
اولا اورلاندو امنه جدا , مافيها الا شارع واحد هو اللي يعني لاتطبه
ثانيا اسعارها رائعه .. يعني مو غالي ولا رخيص تلقى شقه ( غرفه و صاله وحمام الله يكرمك مع بلكونه على 650 او 700 )
ثالثا الترفيه .. عندك ديزني لاند .. ينيفيرسال .. سي وورلد .. انترناشونال درايف .. سيليبريشن .. اماكن كثيره للترفيه
ــــــــــــــــ
مثل ميامي هذي ابد مو للدراسه هذي طال عمرك تروح لها جمعه وسبت تتمشى فيها وبس اكثر من كذا مااظن
تامبا حلوه ولا بأس منها لاكن يكثر فيها السمر والهياط حقهم
باقي المدن اللي ذكرتها وضعها اوكي بس ملل
المهم نصيحه واسمعها مني ميامي و بالم بيتش لا تطبها لانها خطر الاثنين
موفق ان شاء الله
مرحبتين اخوي
الله لايهينك على المعلومة والله يجزاك خير
اذا كانت مقفله يعني ماقدر انضم للبعثه اذا طلعت على حسابي وقدمت للملحقيه ؟
وش السبب طيب طال عمرك ؟
والى متى تضل مقفله ؟
ولاهنت
الله يجزاك الف خير اخوي
وماقصرت كفيت ووفيت
بس سؤال / وش فيها ( ميامي و بالم بيتش ) يوم الاثنين ؟ وش نوع الخطر الي يصير اقصد =)
+ اذا عندك خلفيه عن تقفيل الملحقيه ل فلوريدا ياليت تقولي السبب والى متى
والله يجزاك الف خير طال عمرك
واعذرني على الازعاج =)
اخوي اولا الولايه كلها مقفله من الملحقيه .. هذا يعني لو انت تدرس هناك وجاك ضم للبعثه مارح يضمونك الا يوم تنقل او مارح يضمونك من الاساس ... اذا عندك واسطه رووووح فلوريدا والله مافي احلى منها ومن جوها
ميامي وبالم بيتش ..
ميامي = غاليه نار .. واغلبها سمر والاوضاع هناك لك عليها شوي يعني مثلا سرقات و و و و ... وانا ملاحظ عندهم شي ان كل بقاله او سوبر ماركت يكون اللي يبيع ورا قزاز ضد الرصاص وذا معناه ان السرقات عندهم ماتخلص ..
بالم بيتش والله شوف اظن المنطقه الشرقيه منها كويسه اما الغربيه ف هذي معدومه عدم طلق نار بكل مكان .. اغلبهم اللي يسمونهم gang عصابات وشغل خخخخ
والله لو معك واسطه لك هالمدن .. اورلاندو .. تامبا .. مالبورن .. كوكا بيتش .. دايتونا بيتش .. جاكسون فيل .. قينسفيل .. تالاهاسي .. باناما ستي .. بينسيكولا
لو مامعك وحالك حالي هههههه اشوف ان تغير الولايه وتشوف ولايه تصلح لك
السبب من تقفيل الولايه هو تكدس الطلاب يعني الولايه فللللللللللل طلاب سعوديين هههههه ولو اقولك معهدي فيه 200 طالب > منهم 180 سعودي
ي رجال ادخل الفصل اقول سلام عليكم مااقول قود مورننق ههههه
والله ي الطيب اعرف واحد له سنتين ماادري وش وضعه ماضموه للبعثه عندنا هنا .. الله يعين
يعني انصحك تغير الولايه .. واي خدمه انا تحت امرك
موفق ان شاء الله
جزاك الله خير .
افضل مدينه في فلوريدا او يمكن في امريكا كلها هي ملبورن فلوريدا
المدينه صغيره وفيها بحر وتعتبر مدينه دراسيه وهاديه مره
افضل شي بالمدينه انها دراسيه واذا تبي تستانس اورلاندو تبعد عنك ٣٥ دقيقه وميامي ساعتين ونص وتامبا نفس الشي
بس اذا انت طالب لغه ما أنصحك ابد لان فيها عرب كثيررر
اذا تبي اي شي من ملبورن عطني خبر وأبشر
موفق