الأعضاء الإشتراك و التسجيل

الملتقيات
ADs

ندمت على هالقرار وهالخطوه يارب رحمتك

ندمت على هالقرار وهالخطوه يارب رحمتك


NOTICE

تنبيه: هذا الموضوع قديم. تم طرحه قبل 1909 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية شروق ال
    شروق ال

    مبتعث جديد New Member

    شروق ال الولايات المتحدة الأمريكية

    شروق ال , أنثى. مبتعث جديد New Member. من السعودية , مبتعث فى الولايات المتحدة الأمريكية , تخصصى ?? , بجامعة الملك سعود
    • الملك سعود
    • ??
    • أنثى
    • الرياض, الرياض
    • السعودية
    • Sep 2012
    المزيدl

    September 26th, 2012, 12:42 AM

    انا مدري وش الي سويته بنفسي

    احس اني اخذت اغبى قرار بحياتي

    كنت مقبوله بجامعة سعود ماستر درست ترم وانسحبت عشان البعثه

    كان باقي لي سنتين واخلص والحين مدري انا اخذه او لا واذا اخذته ماراح اخذه قبل خمس سنين بذا الاجراءات الطويله

    كان التخصص امتداد لتخصصي وهذا اكثر شي ايجابي فيه بس اكره هالتخصص كره العمى

    والحين طالعه تسويق مدري وش بيعادلونه ومدري وش سالفته وعندهم عقدة ااختلاف التخصص الحمدلله عكس العالم

    انا من زماان كان حلمي ابتعاث وكنت كل يوم ادعي انه يتحقق لي واول ماضمنت محرم وتعدلت ضروفي انسحبت قبل افكر زين


    انسحبت قبل شهر تقريبا وكنت مبسوطه ومقتنعه بس الحين حسيت اني استعجلت
    مدري هو من الفراغ حسيت كذا والا ايش

    قلت يابنت الحين العالم تتغرب وتتبهذل عشان دراسه وانتي تجيك الدراسه لحد عندك وتشوتينها

    خصوصا انه ماجاني بالساهل .. اختبارات ومقابله وكل عقد جامعة سعود في القبول مريت فيها

    احيانا اقول طلاب البكالريوس انسحبوا وراحوا وهذي اكبر مغامره وانتي على الاقل ماستر يعني شهادة البكالريوس ضمنتيها وضعك احسن منهم
    واحيانا اقول ناس تركوا وضايفهم وراحوا وانتي متمسكه بماستر سعود الي كارهته وتصيحين منه كل اسبوع من الهم


    مدري القرار صح والا غلط .. بس قدر الله والحمدلله على كل حاال

    كتبت هالموضوع عشان الي يمر بنفس وضعي يفكر زين ويحسبها من كل الجهات ويفكر زين زين زين ومايستعجل

    ودعواتكم ان ربي يعوضني وان هالانسحاب يكون خير لي
  2. شوفي .. ترا االي فيك مر فيه كثير من النـّاس .. أنا أقول خطوتك مباركة بإذن الله ..

    لكن لا تندين ع شي أقدمتي عليه خلاص ركزي ع الجاي ... خطوتك مية مية صحيحة أنا أشوف .. و أحلى شي أنك تتخرجين من جامعة بأمريكا و بلغة بإذن الله جيدة .. و تكتسبين مهارات حياة جديدة أكثر و أكثر ..
    لا تندمين على شي أقدمتي عليه أنا أشوف أنها خطوة سليمة و صحيحة

    و لكن الربكة و الإحساس بالقلق أحيـانا جاي بسبب إقدامك على خطوة جريئة في حياتك و هي مسألة الغربة و الابتعاث و من هالقبيـــل ..

    أنا أقــول ممتاز توجهك و اختيارك .. و يا مدور الهيـّن ترا الكايد أحلى
    7 "
  3. دام كلها دراسة ...امريكا احسسسن بكثييير ..قرارك ممتاز صدقيني ....

    ربي كاتب لك الخير وشهادة من الخارج وللحين زعلانه على جامعة هنا ؟؟؟؟؟؟؟


    لو جلستي وتركتي بعثتك ...كان جابو السنة الجاية وحده خريجة امريكا وعينوها معيدة وخلوك انتي ياللي درستي عندهم ...

    بتجي معاها ماستر من امريكا ولغة وجيمات وجي ار ايه وتوفل وايلتس ,وانتي معك الوثقية بس ....وشششش الفايدة ؟؟؟؟؟؟
    7 "
  4. هالمواضيع هذي من كثرتها الايام هذي صررت احس بتحطيييم غير طبيعي

    هذا رايع شهر لي بأمريكا .. وطول الفترة اللي رآحت ماشي كويس ومبسوط ولله الحمد

    من بعد جملتك هذي يا صآحبة الموضوع .. جآني تحطيم مفآجئ : (
    احيانا اقول طلاب البكالريوس انسحبوا وراحوا وهذي اكبر مغامره وانتي على الاقل ماستر يعني شهادة البكالريوس ضمنتيها وضعك احسن منهم

    المصدر: ندمت على هالقرار وهالخطوه يارب رحمتك
    حفاظاً على حقوق الكاتب نرجو عدم حذف المصدر مبتعث
    7 "
  5. كتبت كلام كثير وانمسح
    عموما الله فكك من جامعة الملك سعود ( جامعة اكسفورد بإعتقادهم )
    حطي ببالك انتي وغيرك الكثير اللي يعانون من هالشي ولكن الشخص ماينجح ا>ا ماكان واثق من نفسه
    وكل شوي يقول ياليت وياليت
    خلص فكري للأمام
    النجاح عباره عن تجاوز للعقبات وانتي إجتزتي الاولى وعقبال الدكتوراه يارب
    ومع مرور الوقت إ>ا الله وفقك بتقولين ياليت مقدمه عالبعثه من أيام البكالريوس
    نصيحه عامه.. قرارك للإبتعاث وتركك للوظيفه او الدراسه او غيره ماكان وليد اللحظه ولكن بعد تفكير إستمر لأشهر ولم تتخ>ي القرار إلا بعد اقتناع .. والباقي وسواس من الشيطان
    يالتوفيق مره أخرى..
    7 "
  6. المشاركة الأصلية كتبت بواسطة MohanadSS
    هالمواضيع هذي من كثرتها الايام هذي صررت احس بتحطيييم غير طبيعي

    هذا رايع شهر لي بأمريكا .. وطول الفترة اللي رآحت ماشي كويس ومبسوط ولله الحمد

    من بعد جملتك هذي يا صآحبة الموضوع .. جآني تحطيم مفآجئ : (

    لا ياخوي مااقصد تحطيم .. بالعكس اقصد قرارات شجاعه انهم ياخذون هالقرار ويروحون وهم مو ضامنين شي وانا عندي بكالريوس مع مرتبة الشرف ومع كذا خفت وحالتي حاله .. بالعكس ياخوي قوي قلبك وشد حيلك والله يوفقك وتكمل دراستك وانت مبسوط ماشاء الله ..وانتوا عموما يالعيال احسن من وضعنا البنات بكثير .. انتوا بس تشيوا هم نفسكم .. بس احنا همنا وهم المحرم .. وهالشي شوي يجيب لنا وساوس وتردد والا انا قلت ان حلمي ابتعاث من زمان ويعلم الله اني مافكرت بسعود الا بعد مايأست من البعثه .. ودامها جتني بنسى جامعة الهم خلاص وافكر لقدام .. وشكرا لكل الي ردوا واعطوني امل .. ماتدرون كلامكم كيف اعطاني دافع والا قبل شوي كنت مهمومه .. الله يوفق كل من رد وييسر امره ويحقق الي في باله
    7 "
  7. ع قولتك باقي لك سنتين ، الابتعاث باذن الله مدته مع اللغة ماراح يتجاوز ٣ سنوات غالبا - يعني فرق سنة مو شيء كبير لاجل تندمين عليه -

    بخصوص امتداد التخصص و بما انك كارهته فلعلها خيره ، اذا حطوك في تخصص تسويق ، بامكانك تغيرين التخصص هناك للتخصص اللي ترغبينه وتميلين له ، استخيري و الله يكتب لك اللي فيه الخير .
    7 "
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.