الأعضاء الإشتراك و التسجيل

الملتقيات
ADs

استفسار قبول ماجستير في امريكا او بريطانيا

استفسار قبول ماجستير في امريكا او بريطانيا


NOTICE

تنبيه: هذا الموضوع قديم. تم طرحه قبل 1905 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية Nofree
    Nofree

    مبتعث مجتهد Senior Member

    Nofree أيرلندا

    Nofree , ذكر. مبتعث مجتهد Senior Member. من السعودية , مبتعث فى أيرلندا , تخصصى علوم حاسب , بجامعة DIT
    • DIT
    • علوم حاسب
    • ذكر
    • دبلن, لايوجد
    • السعودية
    • Oct 2010
    المزيدl

    October 1st, 2012, 05:13 AM

    السلام عليكم ورحمه الله وبركاته
    اخواني الكرام انا مرافق مبتعثه لكندا واختبرنا الايلتس هي جابت ٦.٥ وانا جبت ٧ لكن واجهتني مشكله في ايجاد قبول ماستر لي لان معدلي في البكالريوس متدني ٢.٢ من ٤ ممايتطلب تحويل الدوله وبصراحه فكرت احول لبريطانيا او امريكا او ايرلندا
    طبعاً اكبر مشكله واجهتني اني ابحث عن جامعه فيها تخصص الحاسب والرياضيات بدونGRE ويقبلون معدلي واغلب محاولاتي كانت مع جامعات شمال امريكا الينوي ومدينه دنفر وهالمناطق الآمنه والمناسبه للعوائل والرخيصه لان واجهتني مشكله الغلاء في كندا

    اللي يقدر يساعدني ويرشح لي جامعات في امريكا خصوصاً او في غيرها وتكون تقبل معدلات متدنيه وفيها تخصصي الرياضيات والحاسب او الرياضيات والآداره (ماعندي مشكله اغير قسمي لآداره ) لاني موظف حكومي واهم شئ احصل شهاده ترفعني وافضل من الجلسه بعد ماجبت الايلتس وكرفت مع اني افضل اني اكمل امتداد تخصصي بس الشكوى لله اذا لازم اغير ماعندي مشكله بس اهم شئ ماآجلس

    ياليت تساعوني بالمعلومات وابشروا بالدعوات ياآخواني ولا تقولون رح لمكتب لآني ماعندي استعداد اطلع لمكاتب وينصبون علي وانا اعرف كيف اجراءات التقديم


    تقبلوا خالص تحياتي ومودتي

    المصدر: قبول ماجستير
    حفاظاً على حقوق الكاتب نرجو عدم حذف المصدر مبتعث
  2. المشاركة الأصلية كتبت بواسطة the new
    ماشاءالله درجتك عاليه وتقبلك الجامعه القويه بامريكا بس ماعندي خلفيه عن الجي ار

    يمكن حسب ماسمعت بنسلفانيا القبول فيه سهل ويشترطو بس الايلتس او التوفل
    اختي اشكرك على اطرائك لكن مشكلتي ان معدل البكالريوس متدني و بكندا مايقبلوا اقل من معدل بي والموضوع شبه مصكر بوجهي للآسف
    اشكر لكي مرورك والله يسهل امري وامرك وامور المسلمين يارب
    7 "
  3. المشاركة الأصلية كتبت بواسطة ابن بيت آل هليلة
    جامعات بريطانيا أكيد تقبلك، أهم شيء عندها اللغة، بس لا تروح للجامعات القوية فيها.
    يعطيك العافيه بس هل بريطانيا موقفه ولا اقدر احول عليها لاني اللي فاهمه انه الابتعاث عليها موقف بس مدري تقدر تحول او لا
    7 "
  4. أتوقع البكالوريوس ببريطانيا هو الي موقف أما الماستر والدكتوراه لا مازال مفتوح

    بس تأكد كلم الوزاره أو الملحقيه تأكد

    لان أخوي يدرس فيها ماستر واعرف كثير ابتعثوووهم ماستر ببريطانيا

    وازيدك من الشعر بيت
    الماستر عندهم سنه وحده بس هذا إذا ماكانت ١١ شهر
    7 "
  5. أتمنى إفادتك

    و أقول
    خلك في أمريكا أزين لك
    أولا قريبة جدا من البلد اللي تدرس فيها الآن و نظام الحياة بكافة جوانبها قريب من نظام الحياة في كندا ( كلهم يسمون North America )
    ثانيا أمريكا لها السمعة ، و سواء استحقت هذا الشي أم لا لكن يكفي أن السمعة عندنا لأمريكا و بس
    ثالثا النظام التعليمي الجامعي في أمريكا الشمالية هو الأفضل في العالم
    رابعا أمريكا هي أم الحاسب و البرمجة
    خامسا أمريكا فيها فوق الألف جامعة موصى بها من الوزارة يعني طب و تخير

    وفقك الله
    7 "
  6. لا بريطانيا موقفة في كل المستويات وكل التخصصات، أنا على بالي يوم تقول بريطانيا أنك قادر على التحويل لها إما بحكم أنك مبتعث من جهة حكومية ما زالت توافق على بريطانيا مثل (وزارة التربية) أو أن فيه من أحد ممكن يساعدك في هالموضوع.
    عموماً أمريكا أسهل قبولات من كندا، وبريطانيا أسهل من أمريكا، وأستراليا أسهل وأسهل.

    بالنسبة للماجستير في بريطانيا، وكونها سنة أو 11 شهر، أنا أٌقول:

    صحيح الدراسة في بريطانيا سنة لكنك ما توقف يوم من يوم تبدأ الدراسة لين تسلم الرسالة، يعني تشتغل فصل كامل لين الكريسمس، وعندك شهر إجازة الكريسمس، هذا كله بحوث ما يمديك ترتاح يوم، وعلى طول تسلمها وتبدأ الفصل الثاني، وتشتغل لين أبريل، وفي أبريل عندك إجازة شهر والشهر هذا أيضاً أقل شيء عندك فيه ثلاثة بحوث والبحوث في بريطانيا معروفة أنها أهم شيء عندهم، ويمكن في كثير من الأحوال تكون عليها 100 درجة، يعني تقييم كالمل. بعد شهر 5 تبدأ تقدم خطة رسالة الماجستير، وفي شهر 6 تبدأ كتابة الرسالة، وفي نهاية شهر 9 تسلم الرسالة. مع ملاحظة أنك في كل فصل تدرس أربع مواد بعكس الوضع هنا في أمريكا تدرس فقط 3 مواد، طبعاً والوضع يختلف من جامعة لأخرى لكن هذا السائد.

    يعني ما فيه أمل راحة لين تخلص الماجستير، هنا في أمريكا أنا لو طبقت الوضع أقدر أخلص في سنة، يعني مثلا برنامج الماجستير هنا 30 ساعة، أقدر أضغط على نفسي شوي، آخذ في الفصل الأول 12 ساعة وآخذ في الونتر 3 ساعات، والفصل الي بعده آخذ 12، وفي الصيف آخذ 3 وأكمل مشروع التخرج، وبكذا خلصت الماجستير بنفس الضغط اللي في بريطانيا. أو أقدر آخذ 9 ساعات الفصل الأول، و9 الفصل الثاني، وآخذ في الونتر 3، وفي الصيف 6، وثلاث ساعات مشروع تخرج 3 ساعات.
    7 "
  7. اشكر كل الآخوان اللي شاركوني بوجه نظرهم لكن عشان مايطلع الموضوع عن مكانه ويصير مقارنه بين امريكا وبريطانيا خصوصاً انه مثل مافهمت بما اني في برنامج الملك عبدالله مستحيل احول لها حالياً الا بواسطه للآسف

    ياليت اللي يعرف جامعه تقبل معدلات متدنيه وبمنطقه كويسه يرشحها لي واكون له شاكر وادعيله من اعماق قلبي
    7 "
  8. وعليكم السلام ورحمة الله وبركاته,
    أخوي تفضل هذي جامعة California State University-Chico
    رابط التخصصات:
    Programs and Coordinators - Graduate Studies - CSU, Chico

    تخصص الرياضيات بدون جيمات أما الكمبيوتر مطلوب جيمات ...
    أنا أدرس بهالجامعه ان احتجت أي خدمه أخوي جاهز ...
    لك كل التوفيق...
    7 "
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.