تكفوون افزعوا لي

مالك الا الدراسة على حسابك الخاص وطلب الالحاق وياخذ فترة بسيطة ثم يتم الالحاق ... لماذا لازم على الحساب الخاص .. لانه مايتطلب اي شروط والعمر مفتوح مجاله والادبي لا مشكلة والتخصصات متاحة ..

اما انك تدرس على البرنامج فهذا صعب لانه لازم علمي و الثانوي +90 والقياس +80 والتحصيلي +80 والعمر -22 وتخصصك هذا غير متاح ..

ابحث عن الجامعات المتاحة لتخصصك عن طريق هالرابط

الجامعات الموصى بها

اختر الدولة امريكا واكتب اسم التخصص في الخانة المخصصة لذلك باللغة الإنجليزية .. وبقية الفراغات لا تهمك طبعا سو بحث .. واللي يجي قدام اسم الجامعة دائرة حمراء معناته موقوف ولايمكنك الدراسة فيه

ادخل على اسم كل جامعة وشف قدام اسم تخصصك لازم يكون فيه B لو تبي تدرس بكالوريوس او M لو تبي ماستر أو PHD لو تبي دكتوراة ..

بالتوفيق

الله يوفقك ياعبدالله دنيا واخرررره على ردك اللي ريحني كثيرر

لكن يالغالي هل الادبي يقدر يدرس تخصصات هندسيه او لا تكفى اسأل لي عن هالموضوع واكوووون شاكرررر لك جداً جداً

تخصصي ماطلع لي في صفحة الجامعات الموصى بها . مدري هل له صيغه ثانيه او ان الوزاره مايبونه

لكن الله يعين ويسهل الامور ان شاءالله

عفواً ياعبدالله تخصصي سويت بحث بهالصيغـــه Fire and Safety Engineering


وطلع لي الجامعه UNIVERSITY OF NORTH CAROLINA AT CHARLOTTE


وماطلع لي شي قدام اسم اجامعه لا دائرة حمرا ولاشي هل المور فالتمام الا الجامعه موقوفه ؟؟

وهل تنصحوني باهالجامعه ؟؟ هل هي حكوميه او اهليه ؟؟

تكفووون يالنشاماااا افزعوا لي

يا حزين جدًا .. أول شي غيـّر اسمك يا الغالي و إن شاء الله بيجيك الخير .

ثاني شي .. يا أخي طلاب متخرجين أدبي و درسوا حاسب آلي !! يعني عادي جدًا أنك تدرس التخصص الي انت تبيه في البكالوريس .. أي تخصص هذا حسب علمي .. لأن أمريكا ما تعرف الا انك تخرجت من ثانوي ما عليهم من علمي او ادبي

و ان شاء الله بيجيك الخير ..

أنت يبي لك تدرس ع حسابك الخاص اول شي بمعهد رخيص جدًا عشان تقلل التكاليف ، ثم بعدها تنتقل للمعهد الي تبيه بمجرد انك تنظم للبعثة

و الله يوفقك دنيا و اخرة

موفق

شارلوت معروفة في نورث كارولاينا طبعًا فيها خطورة .. لكن بما انك عزابي ورايح على حسابك الخاص اهم شي عندك رخص المنطقة للمعهد ..


ولازم تجيب معك قبول مشروط جامعي اي نوع اهم شي معترف فيه وموجود بالموقع .. وبعدين لما تدرس هناك ويتم الحاقك تغير المعهد لمعهد افضل وتراسل الجامعات بعدها وتغير الجامعة اللي قبل .. فتصير تدرس المعهد في ولاية رخيصة اول شي وبعد مايتم الحاقك تروح لافضل معهد بعد بحث تسويه ..

ليش لازم اي قبول جامعي مشروط قبل السفر ..!!!! السبب طال عمرك انهم ماراح يلحقونك الا لما يكون عندك قبول جامعي مشروط .. ومن الممكن ترسلي رقمك على الخاص واتصل بك ان شاء الله بعد قليل ..

يابعد روحي والله ابشررر بس خله تزين اموري واغير اسمي

كلامك تمام التمام ولكن اناا بس ابي اتأكد ان الوضع كويس والامور سهله لان هالمبتعثين الله يجزاهم بالخير مره يقولون ان فيه مشكله للأدبي مايقدر يكمل هندسه ومره يقولون يقدر بس دراسه مواد تحضيريه وبفلوس بعد عشان يتأهل للهندسه
وحنا ماعاد عرفنااا وين الكلام الاكيد

لكن نصيحتك هذي تكفي عن اشيااء واجد عسى الله يسعدك دنيا واخره ويسهل امورك يارب

ربي يوفقك ويسهل امورك

يعني هالديره فيها خطوره !!! عاد ماهنا لغه تنفعناا وجديد صعبه بتأقلم فيها بما ان مافيها اماان

ولكن كلامك كله درر ياعبدالله هو صحيح اني لو ادرس في معهد رخيص ومدينه رخيصه يكون افضل لي لان بطلع على حسابي ..

انا الان بشتغل على نفسي في ترتيب الاوراق والتقديم وبحاول ابحث عن طريقة التقديم والشغله كلها


اشكررررررررررررررك جزيل الشكررر عسى الله يسعدك ياعبدالله

الرسائل الخاصه ماتشتغل عندي والا برسل لك رقمي

- - - مشاركة محدثة - - -

وانتي بعد عسى الله يوفقك ويسعدك يارب

اشكرك على ردك الطيب