السيارة حلوة صراحة .. خاصة للشوبينق و الويكيندز .. خاصة و إن الباصات و القطارات تقلص شفتاتها في نهاية الأسبوع
فيضطر الواحد ينتظر 30 - 45 دقيقة
لكن المشكلة في تأمين السيارة .. غالي صراحة .. خاصة للي ما عندي رخصة أمريكية وقت اقتناء السيارة
أنا طلبوا مني 2331 دولار/سنة على سيارة كحيانة كامري 1998 .. لكن طلبوا برنت رخصة من السعودية مترجم .. و قالوا إذا تسوق لك أكثر من 6 سنين
بنخفض لك التأمين إلى 731 دولار/سنة .. معقول
غير كذا .. صيانة السيارات في أمريكا إجراااام .. جدا جدا غالية .. الساعة ب 100 دولار تقريبا .. حشا دكتور بشري .. طبعا السبب إن الميكانيكيا هنا مهنة حقيقية لها متطلبات و دورات زز الخ !!!!
لذلك قمت و طقيت لي Tool Kit for Mechanics من محل Home Depot و بديت أتفرج فيديوهات و أقرأ مانيوالز عن كيفية صيانة السيارة
خاصة الأشياء السهلة زي تغيير الزيت و إضافة الناقص منه و من ماء الرادييتر و كيفية عمل Flush له .. تغييرالفلاتر(زيت محرك/ هواء/بنزين) .. تغيير المكابح أو الأقمشة
و أخيرا تغيير المساعدات أو Shocks/Struts .. في محلات زي AutoZone تؤجر عدة بأسعار رخيصة
و لابد من الاهتمام بالعمل في مكان تهويته جيدة + تجميع السوائل و أخذها لل Recycling للمحافظة على البيئة
تحتاج سطل أو طشت
قفازات جلدية أو مطاطية ضد السوائل
شريت
هذي العدة
و يبغالي
Tourque Wrench لضبط الصواميل
و يبغالي مساند رفع للسيارة .. على الأقل ثنتين
هنا
أما اصدار رخصة القيادة فحدث و لا حرج
طبعا بالبداية رحت لقسم ال DMV/RMV , معي الجواز و ال I-20 + فاتورة عليها عنوان سكني (لابد تثبت سكنك في الولاية) + ورقة Denial من إدارة الضمان الاجتماعي
دفعت 30 دولار للاختبار تبع التصريح الأولي (تصريح متعلم) .. يحطونك على شاشة لمس .. 25 سؤال لازم تجاوب 18 صح و الا ترسب .. و رسبت :)
بعدين ترجع تدفع من جديد و تمر بنفس الخطوات السابقة (عدا ورقة الضمان تعيد استخدامها) .. و اختبرت و نجحت .. و عطوني تصريح متعلم
لازم بعدها تدفع مبلغ (70 دولار في ولاية MA ) و تتصل عليهم تاخذ موعد اختبار ميداني .. لو .. هذا لو وففت في تحديد الموعد
يطلبون منك تجيب من عندك و على حسابك سيارة نظيفة و مفحوصة و مسجلة في الولاية و فيها هاند بريك .. و تختبر عليها يوم الاختبار مع الموظف
لي أسبوعين أحاول آخذ موعد اختبار ميداني .. مافييييه .. كله فل
كل يوم أدق عليهم و يصفوني
انا شاري سيارة .. و ماخذ لوح غير لوحها و مااااشي على تصريح متعلم غير آبه بالأخطار .. و شكلي بجيب العيد