تعالوا شوفوا وش قالوا لي عن تخصصي بعد هالشهور .. ويعلم الله اني محتاج افادتكم ؟؟؟؟؟؟؟
السلام عليكم ..
مابي اطول عليكم ابدخل بالموضوع على طول ..
انا طال على حسابي الخاص وصار لي خمس شهور في امريكا .. المهم اول ماجيت فتحت ملف ويرفضون فتح الملف ولا يرسلون لي شئ على الايميل واكتشف الرفض بعد الاتصال عليهم ..
المهم راحت الايام وجت الايام وارسلت والدي للوزارة التعليم العالي في الرياض امس .. وسالهم عن سبب الرفض قالو لانه شهادته الثانوي (( شرعي )) ادبي وهو جايب قبول جامعه تخصص هندسه ميكانيكيه ..
انا زعلت من هالموضوع وليه ماعلموني من زمان الان يعلموني .. قالو جب قبول غير هذ .. اقسم بايات الله العلي العظيم انهم اتعبوني ودبلوا سبدي الله لايوفقهم دنيا واخره يارب العالمين ..
المهم ابي افضل التخصصات الي تصلح للشرعي غير البزنزس وغير القانون .. لاني ماعرف ولا تخصص غير هالاثنين الي يقبلونها للشرعي ؟؟؟
يا اخواني الي عنده علم عن دراسـة تخصص "القانون" في امريكا يعطيني خبراته وياليت الجامعات وهل مستوى القانون في امريكا صعب ولالا ,,؟ يعني بالغالب يعتمد على الحفظ او الفهم بالكثير ,, وكم مدته ؟
ارجوكم يا اخواني المبتعثين تساعدوني لاني في حيره ولا اعرف احد في هنا في امريكا يسئل لي عن القسم ..
فيه اقسام في القانون اسمه اذا ماخاب ضني القـانون الدولي ومدتـه ثلاث سنوات ,, هل هو بأعتبارة بكالورويس او مـاذا ؟؟ هل الدراسه صعبه ام فوق المتوسطه ام متوسطه ,؟
وياليت و السؤال الاهـــم ,, ماهو مستقبل خريج القانون "بكالوريوس" من جامعـة امريكا يعني وين يروح ووين يتوظف ,, لانه راح ادرس كل شي بالانجليزي ف ماراح يدخل فيها اي شي من دراسة القانون الي بالسعوديــه
ارجوكم تساعدوني ولكــم الدعاء .. ويمكن فيه ناس كثير تستفيد من هذا الموضوع وتدعي لكــم
تكفووووووووووووووون ياجماعه الخير الملحقية والوزارة اتعبوني وانا جيتكم هنا ابي منكم الفزعه وافادتي بكل شئ .. ويعلم الله اني بحاله لايعلم فيها الا الله سبحانه وتعالى ..
ولكم دعوه في ظهر الغيب بأذن الله تعالى ..
رد: تعالوا شوفوا وش قالوا لي عن تخصصي بعد هالشهور .. ويعلم الله اني محتاج افادتكم ؟؟؟
للاسف ماعندي اي معلومة تفيدك وان شالله تحصل الرد الشافي من الاخوان
بس اخوي مثلك شرعي ونسبته مرة ضعيفة يعني ٦٥ وقبوله هندسة ميكانيكية مثلك ومبتعث واموره طيبة
ماقول الا ربي يسهل عليك
رد: تعالوا شوفوا وش قالوا لي عن تخصصي بعد هالشهور .. ويعلم الله اني محتاج افادتكم ؟؟؟
سبحان الله انا ادبي وناوي اطلع ادرس هندسه ولكن بعد ماشفت مشكلتك تغيرت الامور عندي وحسيت بالتحطيم من جد
عسى الله يعينك وانا اخووك ولكن حاول وتأكد من المبتعثين حولك حواليك والملحقيه شف وضعهم وكلم التعليم العالي
وعسى الله يوفقك في هالصباح المبروك ان شاءالله
رد: تعالوا شوفوا وش قالوا لي عن تخصصي بعد هالشهور .. ويعلم الله اني محتاج افادتكم ؟؟؟
يا الاخوان ما له داعي التحطيم
اهم شي ابحثوا عن التخصصات اللي تحبونها وممكن تبدعون فيها مو مجرد اختيار والسلام
التخصصات القريبه للشرعي هي البزنس والقانون
جميعها حلوه
القانون ممتاز للي يقدر عليه
المحامين في امريكا يحصلون على اعلى الرواتب بعد الاطباء والمهندسين
اتمنى لكم التوفيق
- - - مشاركة محدثة - - -
يا الاخوان ما له داعي التحطيم
اهم شي ابحثوا عن التخصصات اللي تحبونها وممكن تبدعون فيها مو مجرد اختيار والسلام
التخصصات القريبه للشرعي هي البزنس والقانون
جميعها حلوه
القانون ممتاز للي يقدر عليه
المحامين في امريكا يحصلون على اعلى الرواتب بعد الاطباء والمهندسين
اتمنى لكم التوفيق
رد: تعالوا شوفوا وش قالوا لي عن تخصصي بعد هالشهور .. ويعلم الله اني محتاج افادتكم ؟؟؟
الله يوفقك يارب ويسهل امورك.. الي اعرفه لما تتخرج من القانون لازم تقدم على امتحان الظاهر يقاله بار اكزام حق التطبيق.. بس بما انك سعودي يمكن مو لازم تاخذه
رد: تعالوا شوفوا وش قالوا لي عن تخصصي بعد هالشهور .. ويعلم الله اني محتاج افادتكم ؟؟؟
تجارة جولية تخصص حلو او علوم سياسية
رد: تعالوا شوفوا وش قالوا لي عن تخصصي بعد هالشهور .. ويعلم الله اني محتاج افادتكم ؟؟؟
عزيزي القانون في امريكا لازم تكون دارس قبله اي تخصص يعني تكمل فيه كـ دراسات عليا
فـ اذا عندك مخطط على المدى البعيد انك تكمل ماستر فخذ تخصصك الحالي انظمة عشان يتعادل لك ماستر لما ترجع السعودية
والقانون كـ مجال عمل في السعودية يعتبر جدا ممتاز لكن رح ياكل عليك الجو اي شخص دراسته المسبقة شريعة
لانه القانون السعودي يعتمد على الشريعة اكثر من غيره
بس لو تبغى تكمل بكالوريوس وتقول كفاها المولى فـ التخصصات الادبية كثير
واشوف انه احسن تخصص ممكن تاخذه هو لغات اجنبية يعني تدرس لغة ثانية مثل اللغة الفرنسية و تاخذ لك دورة في الادارة وتتوظف زي واحد سرى
لانه كل ما كان معاك لغات اكثر كل ما اتهافتت عليك الشركات عشان تاخذك عندها وانت في هـ الحالة رح تكون متقن لـ ثلاث لغات
غير انه عندك فرصة عمل كـ معيد في الجامعات الكبيرة اللي تدرس لغات مثل جامعة الملك سعود و الملك عبد العزيز
فيه عندك برضوه ممكن تاخذ بزنس ,, ممكن تدخل ادارة ,, ممكن تاخذ اي تخصص تربوي مثل تكنولوجيا التعليم و الادارة التربوية
باقي التخصصات اللي في امريكا ما توكلك عيش في السعودية فنون و رسم و خرابيط من هـ النوع مستقبلها بس في بلد اجنبي
ما ادري اذا اني اغفلت بعض التخصصات فـ العذر منك لكن حاولت افيدك بـ اللي اقدر عليه
واستخير قبل ما تاخذ اي قرار
رد: تعالوا شوفوا وش قالوا لي عن تخصصي بعد هالشهور .. ويعلم الله اني محتاج افادتكم ؟؟؟
يعني الادبي عمرررررررررررررره مايدخل هندسه ؟؟؟؟؟؟؟؟
تأكدوووو له وتأكدو لنا مثله
رد: تعالوا شوفوا وش قالوا لي عن تخصصي بعد هالشهور .. ويعلم الله اني محتاج افادتكم ؟؟؟
هذي مشكلة الدراسه بره
انا كل ما امشي فطريق ارجع من جديد
للمعلومية من رمضان وانا ادور على شي كويس ولا طلعت بشي !!
رد: تعالوا شوفوا وش قالوا لي عن تخصصي بعد هالشهور .. ويعلم الله اني محتاج افادتكم ؟؟؟
جزاكم الله الف خير وجعلها الله في ميزان حسناتكم يارب العالمين ..
وانتظر منكم اكثر واكثر ..
اخوي حزين ماعليك لا تتحطم ولا شئ رزقك راح يجيك ولا راح يوفق رزقك الا الموت .. اما اذا الله كاتب لك شئ راح يجيك اقسم بايات الله العلي العظيم ..
انتظر الاخوه الباقين وجزاكم الله الف خير ورحم الله والدينا ووالدينكم يارب العالمين