بالنسبة لفلوسك اللي في الراجحي فيه طريقة تربط الحسابين اونلاين
وتقدر تحول بينهم عن طريق الانترنت انا جربتها مع الأهلي مو الراجحي
بس أفضل حل تخلي الفلوس عند أحد اقاربك وتخليه يحولها اذا وصلت
عشان الاحتياط
كنت أحبك October 4th, 2012, 03:17 AM
7 " هلا فيك أخوي
طبعاً فيه رسوم التحويل وفرق العملة
بس للاسف ماعمري حولت عن طريقها
وبنكي مو الراجحي عشان كذا صعب أفيدك في النقطة هذي
ممكن الشباب ان شاء الله يفيدوك بخصوص الموضوع هذا
والشيخ قوقل مايقصر لو بحثت يمكن تلقى أجابة لسؤالك
او انصحك تنزله في موضوع مستقل عشان الجميع يستفيد
بالتوفيق ان شاء الله
وتوصل بالسلامة
كنت أحبك October 4th, 2012, 03:57 AM
7 " من وجهة نظري الف دولار كفاية وحاول أنك تطلع بطاقة
مسبقة الدفعمن الراجحي تاخذها بنفس الوقت وتودع فيها2000
دولاربحيث انك تستخدمها على راحتك لحد ماتفتح حساب
وبالنسبة للتحويل عن طريق الاون لاين زي ماتفضلوا الاخوان
انا مجرب الطريقة هذه ممتاز جدا بس تاكد انك تفعل التجوال
حق جوالك السعودي عشان تقدر تفتح حسابك اون لاين
او تسوي حساب جديد وراح يرسلون لك رقم تفعيل رساله
على جوالك على كل عملية تقوم بها .
AT9 October 4th, 2012, 07:48 AM
7 " يختلف المبلغ على حسب خطتك عند الوصول وعلى حسب الولايه ..
فانت تقول انك مخلص من مسألة الفندق وحاجز حق خمس ايام ..
فبالتالي انت عليك تركز بالمبلغ اللي يضبط امورك من يوم تسافر الى ان توصل وتزيد عليها مصاريف الخمس ايام اللي راح تقضيها بالفندق ..
افضل طريقه تسويها هي عن طريق استخدام الماستر كارد او الفيزا مسبوقة الدفع اللي توفرها البنوك السعودية ..
وبنفس الوقت تاخذ معك كاش يعني حول الـ 3000 دولار كحد اقصى ..
بطاقة الفيزا تترك فيها مبلغ الف دولار .. (وتزيدها من خدمة الاون لاين بحسابك كل ما احتجت الى زياده ) ..
وتتعامل بالفيزا طول فترة سفرك وفترة اقامتك بالفندق .. واما عن الكاش فحاول انك ماتلمسه لانك راح تحتاجه داخل امريكا في امور ثانيه ..
طبعا الكاش ماتحركه الا في اوقات الطوارئ .. مثلا اذا الفيزا مامشت في مطعم او مكان معين تقدر تدفع كاش ..
بعدها اول ماتوصل تروح لبنك اوف امريكا وتفتح حساب فيه وتودع الكاش فيه راح يعطونك بطاقه مؤقته وشيكات مؤقته .. (تقدر تستخدمها في امريكا) ..
وقتها انت بتروح تبحث عن شقه .. الفلوس الكاش اللي اخذتها هي اللي راح تستخدمها في حجز الشقه ودفع التأمين وماخالف ذلك من امور
وهذا لسبب أن الشقق عموما مايقبولون الا شيكات او اصدار Money Order (شيكات مسبقة الدفع) ..
فيه بعضهم يقبولون بطاقات ائتمان بس مو كلهم .. والغالبيه شيكات ..
وبعد حجز الشقه راح يبقى مبلغ بحسابك ..
الان شوف كم يبقى بحسابك الامريكي ورصيدك بالبطاقة الائتمانيه ..
لا تضع اي قيمه اضافيه اخرى في البطاقه الائتمانيه الخاصه بالراجحي ..
استخدمها في مصروفاتك الشخصيه لحتى تخلص رصيد البطاقه ..
الان بعد يومين راح يكون حسابك نشط في بانك اوف امريكا وراح تقدر تستخدمه في الحوالات وماخالف ذلك ...
كل اللي عليك انك تاخذ معلومات حسابك .. وتربط الحساب عن طريق البنك الراجحي وتنتظر الموافقه من ادارة البنك وعادة تاخذ يومين عمل او اقل ... حسب البنك وحسب سرعة تخليصهم للمعاملات ..
طبعا لاتنسى انك تطلب معلومات الـ wire transfer من موظف بنك اوف امريكا وقت تعمل حساب حتى يعطيك اياها بورقه وتسجلها بالراجحي .. (عادة تكون كلها موجوده بالشيكات ماعدا السوفت كود SWIFT CODE تاخذه من البنك نفسه) ..
وبعد مايعتمد الحساب الدولي في حساب الراجحي راح تقدر تحول الى حسابك الامريكي وراح تكون عملية الحواله الوحده تقريبا 50 ريال (ممكن اكثر) .. وراح تاخذ من ثلاث الى خمس ايام عمل لحتى توصل الحواله الى حسابك الامريكي ..
واذا تبي حواله سريعه .. فيه خدمة السبيد كاش لها رسوم خاصه ولكن يحتاج لها شخص يدفع لهم كاش ويحولونها على حسابك دايركت .. وراح توصلك ثاني يوم الصبح ..
او عن طريق الويسترن يونين .. في نفس اللحظه تستلمها .. ولكن ما انصح فيها للمبالغ الكبيره لسبب ان فروع الويسترن حدها بالدفع كاش هو 1500 دولار .. اكثر من كذا راح تتعذب معهم لان اغلبهم مايقدرون يوفرون هذي المبالغ بهذه السهوله ..
(وغير هذا لو جاتك حواله يوميه 1000 دولار وكل يوم تجي تستلمها ممكن الفرع يقولك خلاص ماراح نخدمك بعد الان .. لانك بالعربي طفرت فيهم ) ..
بعدها خلاص راح تستقر امورك في بنك اوف امريكا وراح تستخدم بطاقتهم والتحويلات الدوليه من الراجحي الى حسابك بانك اوف امريكا ..
هذا اللي انا سويته لما جيت امريكا .. واما البنك كنت مع البنك العربي مو الراجحي .. وكانوا ياخذون مني 50 ريال على الحواله الوحده ..
ولا تنسى تسال بنك الراجحي عن الحد اليومي للحوالات الدوليه .. لان كل بنك له حد معين من الحوالات الدوليه .. بعضهم يسمحون لك بـ 5000 ريال يوميا .. وبعضهم اكثر ..
(مادري اذا تغيرت الانظمه او لا .. تحتاج الى ان تتاكد بنفسك من نظام بنكك ) ..
اتمنى اني افدت بهذا الخصوص ..
هذا والله اعلم ..,
محمد فهد .. October 4th, 2012, 08:28 AM
7 " أشكر كل من ساهم بالرد والفائدة بخصوص موضوع المبلغ المالي .
بارك الله فيكم وجزاكم الله عنا خير الجزاء (( جعله الله في ميزان حسناتكم ))
صريح العبارات October 5th, 2012, 02:34 AM
7 " أنا ما انصحك انك تاخذ كاش مو علشان في شي او راح يصير شي بس علشان تكون مرتاح افلوسك بالبنك بلا كش
Useful October 5th, 2012, 06:53 AM
7 "
وتقدر تحول بينهم عن طريق الانترنت انا جربتها مع الأهلي مو الراجحي
بس أفضل حل تخلي الفلوس عند أحد اقاربك وتخليه يحولها اذا وصلت
عشان الاحتياط