حوار عدت إليكم من جديد ... مستعد لمساعدة وتوجيه التائهين !

بعد اذنكم يا اخوان ..

بالنسبه لمسألة اثبات الهويه للسياح .. فعندهم عدة طرق تفيدهم بالهويه منها :
- صوره من جواز السفر بالفيزا .. تكفي لتكون اثبات مؤقت .. وهذا مسموح به للسياح وذلك لتفادي حمل الجواز الاصلي وفقدانه ..
- الرخصه الدوليه .. وهذي هي المتعارف عليها عند اغلب السياح والمتداوله بينهم .. فهي تنوب عن باقي المستندات ..
- بطاقات الإئتمان ( التي تحمل صورة صاحبها) ..
- بطاقة التأمين (التي تحمل صورة صاحبها) ..
- الشيكات الدوليه المصدقه

ايضا اي فاتوره خاصه به (تظهر اسمه أو رقم بطاقته الإئتمانيه وعليها تاريخ اصدار ) مصدره من شركه معتمده ومعروفه أمريكيه سواء كانت خاصه او حكوميه ( مثل الفنادق أو المستشفيات او مكاتب الايجار او الاسواق وغيرها .. ).. تعتبر اثبات هويه واثبات إقامه ايضا قانونيا ..
واما الافضليه ... فلازم السائح يكون حامل معه الرخصه الدوليه + صوره من جواز السفر والفيزا (لحالات الطوارئ) .. وهذا راح يبعده من المسائله القانونيه ... ( لان احيانا يكون فيه ناس يستقعدون لك بالدقه .. ويقولون نبي نشوف الفيزا علشان تثبت انك دخلت عندنا قانونيا .. )
وبالنسبه لبقية النقاط .. فهي ايضا تأخذ على اساس اثبات الهويه او ملكية صاحبها .. ولكن هذا لايعني أنها ستغنيك عن الرخصه الدوليه او جواز السفر ..
وبكل الاحوال فهي تفيدك في بعض المواقف الاخرى ..

ايضا سبق وسمعت اذا ماكنت غلطان أنهم يقدمون Temporary State ID للسياح .. وهي تكون مؤقته .. لحين خروجه من الولايه .. ولكن لا املك معلومات كافيه عنها بسبب إني لم اخض هذه التجربه بعد ..
ولكن ايضا التقديم عليها يكون من نفس الولايه اللي راح تكون فيها ..


أما عن الطلاب واللي إقامتهم أكثر من ست أشهر .. فعليهم الحصول على الـ State ID .. او الـDriver License ..

هذا والله اعلم ..

.



نايف و ميدو ... وش السالفه , وش فيكم متجاكرين ...

اخوي بالنسبة لل Temporary State ID ما سمعت عنها ولا ادري عنها ولكن النقاط الثانيه اللي انت ذكرتها لا يعتبر إثبات هوية ... بعطيك مثال بسيط لو رحت اي بنك وعطيتهم بطاقة التأمين اللي عليها صورتك هل راح يقبلونها او لازم تعطيهم الجواز؟؟ يالغالي حدث العاقل بما يعقل الله يطولي بعمرك

لا تقولي البنك غير لأن البنك اذا ماقبل بطاقة التأمين اللي عليها صورتي معناته انها مو إثبات هويه وبالتالي كلامك اللي فوق غير صحيح

هنا بالسعوديه ما يقبلونها فما بالك بأميريكا

نصيحه لوجه الله لحد يعتمد على اي بطاقه ثانيه لإثبات هويته غير جواز السفر بالنسبة للسائح اما الطالب فأنا متفق معك على الـ State ID .. او الـDriver License ..

خذ معك رخصه سعوديه

- - - مشاركة محدثة - - -

اخوي بالنسبه للقبولات الاكاديميه لطلاب البكلاريوس

ابي واحد انا , تعرف لنا قبول منا ولا منا

ياغالي البنوك والاماكن الحكوميه لها وضع يختلف .. والسبب أنها تبي شي ثابت ورسمي من البلد نفسه وهذا نظام الحكومه .. لانك لو رحت البنك لابد يكون معك اوراق رسميه مثلها مثل اي جهه حكوميه اخرى ..
يعني هل يعقل انك بتروح تطلع رخصه بصوره من الجواز مثلا ؟
اكيد لا ياغالي ..

الاماكن الحكوميه لها شروطها ومافيه احد عاقل راح يروح للاماكن هذي لشغله رسميه ومامعه كامل المستندات المطلوبه منهم ..!

إثبات الهويه اللي انا قلت لك عليه مجرد اثبات يستخدم في التعاملات الاخرى العامه .. مثلا وقفك شرطي وانت رايح للسوبرماركت .. ومامعك جوازك .. تقدر تعطيه الرخصه الدوليه تكفي ..
السوبرماركت جيت تدفع وعطيته بطاقة الائتمان وقالك ابي اثبات لك حتى يطابق الاسماء بالبطاقتين .. تقدر تعطيه اي من المستندات اللي ذكرتها فوق .. تنوب عن هالشيء ..

فلا تخلط الامور الله يسعدك .. ولا تقارن انظمة امريكا بالسعودية .. لان الاثنين بينهم فروق كبيره جدا ..

يالغالي انا ما اجادلك ولكن ابقول لك موقف صار لي انا شخصياً مره كنت في ديترويت وغلطلت في الطريق ولفيت مع المعبر الحدودي حق كندا بالغلط ومعاي رخصتي الامريكية .. اقسم بالله اني دخلت في دوامه والحمد لله اني طلعت منها ، قالي هذي الرخصه تسوق فيها لكن انت كطالب اجنبي لازم يكون معاك جواز السفر والاي توني او صورة منهم ، تخيل!!

طبعاً انا مسكوني اكثر من مره الشرطه ولا طلبوا جواز او اي توني اكتفوا برخصتي الامريكيه لكن في المعابر الحدودية احياناً يستقعدون للواحد ..

هذا لسبب أنك دخلت الحدود الكنديه بشكل غير قانوني .. او خلينا نقول طلعت برى امريكا بدون جواز .. وهذا طبيعي ..
وانت قلتها ان الشرطه على كثر مامسكوك يكتفون برخصتك الامريكيه .. وهذا لسبب انك داخل امريكا ..
لكن اذا جيت تطلع من امريكا اكيد لابد يكون معك جوازك .. ..

ما دخلت الحدود الكندية اول ماشفت انها حدود كندا علطول ديورت وهم يناظرون اي واحد يديور علشان يحتفلون فيه هههههههههه

اذا تبي تجرب رح وشف بنفسك وتعرف وش اقصد

عاجل .. عاجل.. الأجابه فورا ومضمونه (أني ارغب الدراسه علي حسابي الخاص فى امريكا حتي يتم ضمى للبعثه وارغب بتخصص ( هندسه وراثيه ..او علاج تنقسي) واريد من يعرف يقينا الجامعات التى قيها هاذين التخصصان وهل يوجد هذا التخصص فى جامعة انديانا او (جامعة ويكلسن University of Wisconsin - Green Bay ) حيث دخلت عليهم ولم يكن الكلام واضح فيهما لأ، التخصصا تالعمليه غير مشروحه بشكل وضاح مثال بعد الترجمه ( مهن صحيه ) وغير موضحه ماهى هذه المهن الصحيه وسمحوني لو أطلت عليكم هل هذه الجامعتان تقبل أختبار الأيلتس وكم النسبه المقبوله أختبار ألأيلتس بالنسبه لهذا التخصصان اذا كان موجودان واذا كان غير موجود التخصصان ااذا اين اجد هذا التخصصان مع ملاحظة اريد مدينه رخيصه ويكون العرب فيها قليل لكى يكون تعاملى دائما بلغتهم ألأم وبالنسبه للمعاهد ألأنجليزيه فلقد نصحنى البعض بالدراسه فى ولاية ويكلسن كرين باي لقلة العرب فيها ليستطيع ألأتقان جيدا للغه او نفس انديان والنسبه للسكن والمعيشه وفى النهايه هل هناك تدفيق فى معدلى التراكمي للثانويه هل هو عائفق وخاصه انه لا يتعدى الثمانين فى المائه وخاصه اننى سوف ادرس على الحساب وشكرا لجهودكم

حياك الله اخونا من جديد في المنتدى

قبل ما اقول سؤالي اتوقع ان فكرة اثبات الهوية انتهينا منها


سؤالي

حبيبنا انا عندي قبول مشروط في جامعة و ابي ادرس معهد لغة في ولاية ثانية هل في اشكالية من الملحقية؟
تغيير الجامعة من ولاية الى ولاية آخرى هل هو صعب و كم عدد مرات المسموحة؟
معليش اخوي على كثرة الاسئلة

اذا فرضاً بعد دراستي في الجامعة معينة جاني قبول من جامعة ابيها، كيف و ضع التحويل في مثل هذه الحالة؟ (يعني بعد الدراسة مدة معينة في الجامعة الاولى)


و شكراً وآآآآآآآآآآآآسف على الاطالة