نظرتي للمبتعثين ارجو اخذها بصدر رحب!!!

ليس غرورا او حقدا او تكذيبا كما تظنين

نحن نحاول فهمك ونحاول تفسير بعض الامور لكِ اختي حتى تلتمسي الاعذار او حتى تفهمي وجهات النظر

لكن على مايبدو بأنك متمسكة بحكمك المسبق .. نحن نعترف ان هناك بعض الاشكاليات في ارض الوطن ..

ولكن هل عرفتي ماهي اسبابها ؟ لماذا تحل الأمور هكذا .. ضعي نصب عينيك اننا لانتتهمك بشيء نحن فقط نحاول التوضيح

ولكنك تتهمين تفكيرنا واسلوب تفسيرنا تعتبريه ليس مناسباً أو ليس رد كنت تتوقعينه !

ألست انت المتهجمة في هذه الحال؟! اوخيتي لااحاول خوض جدال معك لاني لااريد مجادلة اخت في الله ..

ولكني وعلى ثقة بأننا جميعنا نحاول ان نصل معك لأرض الصواب .. وتذكري بأن ليس لكل شيء كمال إلا الله سبحانه وتعالى هو الكامل وحده لا اله الا هو

تريثي حينما تتحدثين ولاتندفعي باطلاق الاحكام على الاخرين فقد يراها البعض جارحة لهم ..

اختي الغرور هو الكِبر ونحن نستعيذ بالله من الكِبر كل يوم لاتتهمي اخوتك واخواتك المسلمين والمسلمات بهذه الصفه

اختي بسالك سؤال

ليش كاتبه الموضوع هنا مابيدنا حيله احنا

لانو صراحه موضوع المفروض تكتبيه عند احد المسؤلين مو عند شعب مابيدو حيله والظلم في كل مكان

يا سيدي الكريم
انا ما قلت انه ليس شرط في البعثة وجود المحرم
انما لو قريت ردي كامل على الاخت كان فهمت فحوى الكلام
الوزارة تغض الطرف و تتغاضى عن عدم وجود المرافق لانه بعضهم فعلا عبء على المبتعثة والبعض مرتبط بـ ظروف معينة
فـ بالتالي توقف الوزارة مكافأة المبتعث فقط لحين زوال هـ المسببات
في حال انه الوزارة شافت تسويف في عودة المرافق او شيء من هـ النوع تنذر الطالبة اكثر من مرة ومن ثم تقطع عنها المكافأة
فيه البعض الوزارة ما عندهم علم بـ خروج مرافقيهم والمكافأة تصرف لهم لكن نظاما لو انكشف هـ الموضوع فـ المبتعثة و المرافق ملزمين
بـ رد كل ما صرف للمرافق دون وجوده

اللي نبغى نوضحه للاخت صاحبة الموضوع واللي مو راضية تفهمه انه ما فيه بنت تلجأ لـ هالموضوع الا فعلا ظروفها ما تسمح لـ مرافقها بـ التواجد
والبعض وهذولا ينعدوا على اصابع الايد اهلهم مو سائلين فيهم ومو فارق معاهم احد


لكن شكل صاحبة الموضوع حست نفسها انها ربطت بين مواضيع مالها داعي ولا لها صلة ببعض
فـ بدأت تتهجم على الكل و تصف الناس بـ الانانية و الغرور !!!!!!!!!
نزلت موضوع تقول فيه هذي وجهة نظري في المبتعثين وكأنه المبتعثين سبب المصايب اللي في البلد
واستغرب كونك مراقب وما تزال تسمح بـ وجود موضوع من النوع هذا هدفه اثارة البلبلة دون ادنى فائدة
اذا الموضوع ذم في المبتعثين فـ منتدى كامل مفتوح عشان نلاقي ناس يذموا فينا ؟
واذا الموضوع عن الفساد في البلد فـ المنتدى هذا مختص لـ المبتعثين اللي كللللللللللهم طلعوا بعثة من خير هـ البلد
وفي الحالتين ما اعتقد انه الموضوع له فائدة عظيمة تصب في مصلحة اي احد الا كثرة جدال دون فائدة

الأخت الكريمة
بلـى قلتـي هـذا في ردك التالـي :

وأتضح من ردك بأن الوزارة تسمـح للمحـرم بأن يتـرك المبتعثـة لوحدهـا في بلـد الابتعـاث وهذا الكـلام غيـر صحيح.
وكذلك المكافأة بعض المحارم من يتـواجد خـارج مقـر البعثـة لا زال يستلـم المكافأة..
،،،
بالنسبـة للمـوضوع,
ليس شرطاً إذا كان المـوضوع لا يعجـب بعـض الاعضـاء نقـوم بمنعـه, المـوضوع طـرح للنقـاش في قضيـة تختص بالمبتعثين على وجـه الخصـوص. ولا يعنـي أن الموضوع لم يرضـي فئـة من الأعضـاء نقـوم بالغـائه !
صـاحبة المـوضوع طلبـة النقـاش والحـوار في هـذا المـوضوع،،،من كـان لديـه تعليـق أو إضـافة فبحـدود الأدب لا التهجـم على صـاحب المـوضوع كما يحـدث ذلك في كـل موضـوع نقـاش.
لديك وجهـة نظـر بينهـا ووضحهـا بأدب, الـردود هنـا تتـرك المـوضوع نفسـه وتتـوجه الى صـاحب المـوضوع ثم استهـزاء واستهتار وغمـز ولمـز .!
أكثـر من عشـرة مشـاركات تم حذفهـا لهـذهـ الاسبـاب..
في أمان الله

طيب اتفق معاك انه ممكن يكون فيه لبس في الفهم
بس اعتقد انه ردي السابق وضح هـ اللبس و بـ التفصيل
وبرضوه قلت لك انه فيه ناس ما تدري عنهم الملحقية ولكن لو درت رح يلزم المرافق و المبتعثة بـ رد المبالغ

وعلى فكرة
ترى ما فيه احد من اللي ردوا على الموضوع اتهجم على الكاتبة بينما هي اتهجمت على الكل
انانيين ,, متكبرين ,, لا تهمنا مصلحة البلد !!!!!!!!!!!!!!!!!!!!!!!!!!!!
وفي النهاية الموضوع مش مثل ما تقول انه قضية تختص بـ المبتعثين
هل الفساد في البلد يخصنا ؟ اعتقد فيه مسؤلين عن هـ الشيء وما فيه مبتعث له علاقة به من قريب او بعيد

اما اذا كان الموضوع ما زال مستمر فقط عشان قضية محرم البنت و الطلبة اللي على حسابهم الخاص فـ على الاقل الجزء المختص بـ الفساد
وعدم استحقاقية المبتعثين للبعثة بسبب هـ الفساد انه من الاولى ان يحذف مش لانه الموضوع مو عاجبنا
لكن الموضوع مو في يد اي مبتعث ولا من اختصاص احد فينا

وشاكرة لك تهذيبك في الرد

بغض النظر عن اسلوب صاحبة الموضوع الي ما اعجب كثير من الناس، الا ان كلامها صحيح ١٠٠٪

يعني في ظلم و اجحاف في حق ناس و ناس ميسره امورهم زي الحلاوة و اذا دققت بتحصل انهم ليسوا اهل للدراسة

ليش الهجوم عليها بالطريقة هذي، لا حظوا كلمة اخذها بصدر رحب في العنوان
يعني اذا ما اخذتها بصدر رحب لا تعلق و لا تزعج نفسك

موضوع المحرم هآتو مفتي يفتي لككم آذآ حصصل ظرف طآرئ للمحرم هل يجوز يرجع او لآ

الشي الثـآني آحب آعلق ع بعض الـ.............. (( اللي يقولو الفآشل طول عممره فآشل آول حآجه آلعقليه هذي تدل ع شخصيه محبطه ومنحصرة التفككيير ومتبلدة الاحسـآس ^_^

ومششكوره ي صصآحبة الموضوع بس آحسس الموضوع مآلو ددآعي لآنو يسبب ججدل ف الممنتدى بين الآعضـآء لآ آكـثر ولآ آقـل

صاحبة الموضوع مو قاعدة تناقش .. قاعدة تستنقص من كل أحد يخالفها
اللي بيناقش يكون منفتح على الآراء المخالفة .. يتقبلها و يحاور .. مو يهاجم و يستنقص و أنا رأيي الصح و انتوا كخة

بعدين حل عدم تكافؤ الفرص مهو بيدنا .. احنا محنا مسؤولين و لا بيدنا قرار
مو عاجبها الحال اوكيه خلها تتحلطم قد ما تبغا بس ما تحملنا مسؤولية شي مالنا يد على تغييره
بعدين دامها دكتورة و كذا .. مفروض تعرف إن الجهة المسؤولة عن حافز مهي نفسها الجهة المسؤولة عن الإبتعاث! فطبيعي هالتباين يكون موجود

للأسف هذا واقعنا الحقيقي
يمكن سمعتي بمقولة الفقراء يدفعون اكثر! نعم لأن الغني اذا اراد سياره يشتريها كاش بسعر منخفض و الفقير يدفع دم قلبه على مر السنين
وقيسي على ذالك الكثير من الأمور .......

بصراحه انا عندما انظر للأبتعاث من جهت اهدافه المعلنه من تطوير و سد احتياج وووو يطلع في بالي ثلاثين الف سؤال في تحقيق الابتعاث لمبتغاه
لكن عندما انظر له من ناحية انها ميزانيه تضخ لمساعدة الاقتصاد الامريكي اجد جميع الاجابات على اسئلتي.

خليها على الله وانا اخوك التجاوزات كثيره و الفلوس ملعوب فيها وبيئه تحتيه ما عندنا زي قطر و الأمارات حتى جيش يفتح الله من السفح الى الجبل خخخخ
وما حامينا غير اذكار الصباح و المساء.

من أشتغل بنفسه شغل عن الناس

لكن حالة ظروفها .. وفي كتيرمحارمهم معاهم والي محارمهم لا بظروفهم ليه معصبة نفسك انتي ؟

اهلها يتحملو مسؤليتها كاملة احنا مالنا دخل .. اخدت مكافئتها ولا مكافأة المرافق معاها على حظها

ترا من جد ارزاق .. الارزاق في الزواج وفي التعليم وفي التوظيف

دايما نشوف مفارقات ونقول ليش كدا ودا مايستاهل ودا مو مكانه هنا ووو

في النهاية لرب العالمين حكمة ,, دعي الخلق للخالق

وكلام ماراح تستفيدي منه يا أختي ومالك خص فيه لاتقوليه .. سواء كنتي مببعثة أم لا

تحياتي