ماهو اكثر شي صدمك في امريكا ؟
ماهو اكثر شي صدمك في امريكا ؟
تنبيه: هذا الموضوع قديم. تم طرحه قبل 4217 يوم مضى, قد يكون هناك ردود جديدة هي من سببت رفع الموضوع!
قائمة الأعضاء الموسومين في هذا الموضوع
LinkBack URL
About LinkBacks-
7 " - موضوع رائع .. ومفيد للطلاب المقبلين على الابتعاث بشكل عام ..7 "
واتمنى المصداقيه في الاراء كي تعم الفائده للجميع
اسأل الله ان يوفقنا وإياكم - يا إخوة7 "
الموضوع انحرف إلى غير هدفه الأصلي و اللي أنا أعجبت به
الموضوع ليس مقارنة أمريكا بالسعودية و لا مقارنتها باي مكان بالعالم
و الموضوع ليس عن مدح أو ذم في أمريكا
و الموضوع ليس تحليل لآراء المشاركين و التكهن بأسباب آرائهم
الموضوع بكل بساطة
أنت يا المبتعث أو الدارس على حسابك الخاص
رحت لأمريكا و طبيتها و بديت شغلك فيها
هل فيه شي صدمك و ما توقعته سواء كان سلبي و إيجابي ؟
الصدمة بمعنى شيء مفاجئ و غير متوقع و تأثيره قوي
فقط
هذا اللي نبيه
آمل إننا نعود لمحور الموضوع حتى نستفيد
و لا اشرايك يا سهام - 7 "صلوا على النبي يا جماعة الخير
فيه اشخاص بدأوا يكذبوا بعض الاعضاء و يتهكموا على بعض الردود
وفي المقابل بدأ الاعضاء يردوا عليهم و بدأنا نصنف بعض
اولا : اخوي واعذرني ناسية ايش المعرف بـ الضبط ابن هليلة اذا مو غلطانة
اللي يقول عنك كذاب و خراط و عايش في السنغال ومش عارفة ايش ممكن هذي تجربته في الحياة
عاش في ولاية حلوة وما عنده خبرات ثانية فـ التمس لهم العذر
ثانيا : انا اختلف معاك في مقارنة امريكا بـ بريطانيا مو عشان شيء بس لانه كـ مسلمة امريكا افضل لي من بريطانيا بـ مراحل وبما انك رحت هناك
اكيد الا ما تكون شفت ولو موقف بسيط من عنصرية البريطانيين انا اعرف كذا شخص في بريطانيا والكل متفق على هـ الشيء
غير انه البريطانيين مهما ارتفع مستوى ثقافتهم الا انه العنجهية والغرور ترتفع معاها ,, والشيء هذا تلمسه حتى في امريكا لما يتكلموا عن البريطانيين من انهم
اشخاص جدا مغرورين ويعتقدون دائما انه الطريقة البريطانية هي الافضل و الـ صح دائما
من ناحية القيادة ومشاكل السيارات بـ النسبة لي اشوف النظام الامريكي فيه نقطة ايجابية و سلبية بـ نفس الوقت وممكن هيه اللي سببت لك اللبس في انك تحس انهم غير
منضبطين في القيادة اللي هي تفهم الشرطة
بـ معنى في بريطانيا زيد ربع ميل عن السرعة المحددة تلاقي الحكومة كلها فوق راسك بعكس امريكا اللي ممكن تتوقف فيها وانت مسرع وما تحاسب
تجربة شخصية لي : انا كنت راجعة لـ المدينة اللي ساكنة فيها و الدنيا تمطر ,, زوجي من شدة المطر ما قدر يقرى اللوح تبع السرعة وماشين 75 ميل في منطقة السرعة القصوى
فيها 30 ميل !!!!!!!!!! وقفنا الشرطي وقال له زوجي انا ما قريت اللوحة بسبب المطر رجع لنا الرجال الاوراق وقال الجو ممطر فـ انتبهوا وانتوا تسوقوا واذا شكيتوا في السرعة
امشوا على اقل سرعة ممكنة ,,
فيه ناس اتكلموا عن رشاوى لازم تندفع عشان تمشي الاوراق ومش عارفة ايش
انا زرت اكثر من ولاية في امريكا من ولايات راقية الى ولايات مشي حالك و بـ صراحة عمره ما صادفني هـ الموقف !!! بس صدقني المبتعث اللي يسوي هـ الشيء هوه اللي جابه
لـ نفسه
يعني انا من حقي احصل على افضل الخدمات لاني ادفع فلوس !! يقولوا لي ملحقيتك تدفع ! طيب الملحقية هذي لخدمتي انا وما اخلي احد يستغل الملحقية ويستخدمني كـ جسر لـ هالشيء
>>>> هوه لو حصل لي اني العب على الملحقية ما رح اقصر بس انا بنت البلد هع هع هع
لو اي شخص يطيح في موقف زي كذا يكلم المسؤل عن هـ الموظف ما كان شفنا استغلال السعوديين الشنيع
يجي السعودي كحيان منتف وتلاقيه كل يومين ثلاثة مجمع اخوياه الامريكان و عازمهم !! احنا نشوفها كرم واللي يسوي كذا شخص اجودي ورجال كفو بس هم يشوفوه غباء
المشكلة انه نجي بـ ثقافتنا ونعيش في ثقافتهم لا هم اكتسبوا ثقافتنا واحنا ناخذ اشين ما عندهم !!!!!!!!!!!!!!
اوروبا جميلة كـ زيارة كـ تقضية اجازة كـ جلسة يومين تغير جو اما كـ سكن !!! معليش
اي مكان في الدنيا ان شاء الله الـ هند رح يكون عندي افضل
لانه اوروبا غالية ,, سكانها الى حد ما فيهم العدوانية ,, مخرجاتهم التعليمية مو ذاك الزود ,, والاهم انه افشل واحد في امريكا يتوظف اسرع من اشطر واحد في بريطانيا !!!
امريكا فيها عيوب واجدة والاخوان اللي يقولوا امريكا ما فيها هـ العيوب ممكن يكون حظهم الحلو لعب دور كبير في هـ النظرة
لكن ما تعتبر الافضل و برضوه ما تعتبر الاسوأ
يعتمد على المكان اللي انت فيه ,, الولاية اللي مختارها ,, الاماكن اللي تروحها ,, وقبل كل شيء طريقة تعاملك
*** افتكرت شغلة ملاحظتها في كل اخواننا السعوديين دائما عندنا كلمة ابغى بـ معنى تروح تطلب من ستار بكس تقول ابغى دبل اسبريسو بينما الامريكان عندهم من الذوق
انك تقول من فضلك ,, احنا ما ندقق كثير على هـ التفاصيل لانه في ثقافتنا الكلمة تعتبر جدا عادية بس عندهم يعتبروها فضاضة !!!! فـ احسنوا انتقاء الكلمات تلاقوا معاملة ولا احسن
الله ينور عليك... كلام عقلاني ..
وهذه المقصد كل شخص وجهة نظره ولابد الكل يحترم اراء الناس.. وللاسف بعض المبزره اللي ابتلشنا فيهم تلاقيه مارح غير امريكا واشغلنا
ياليته يقول رائيه وبس الا يتجنى ويكذب بخلق الله .. والمصيبه انه يناظر بالناس !! هذي صدمته بامريكا يدلك على قلة العقل وقصر البصيرة
وانا اختي اوؤيد كلامك فكل شخص له وجهة نظر وهناك بامريكا سلبيات وهناك ايجابيات ولو ذكروا الايجابيات اكيد بذكرها لكن الموضوعي يتحدث عن اشياء صدمتك
وشركا - بصراحه كنت مرررررة مرتاحه بس الي كان قالقني اني ما كنت احس بلامان مع العلم اني تعودت واكتشفت الشي دا لمن رجعت السعوديه قبل اربع شهور دخل قلبي سكينه ابادا ما حسيتها وانا هناك بامريكا7 "
ولي مخطط انشا الله اني ازورها كسياحه ولو جاتني فرصه للدراسه رجعت لك يا امريكا
أحبك أمريكا
باي - افكار متباينه .... خلفيات وعقليات ايضاً متباينه7 "
- 7 "من قراءتي لردك, اكتشفت اني من النوع الثانيإضافة:
الأشخاص اللي ميتين على أمريكا أنواع:
1) نوع بالفعل لقى شيء أو أشياء تميزها عن السعودية، ومن حبه لهذا الشيء صار عنده غشاوة تمنع من رؤية الأشياء الثانية.
مثلاً: البنت في السعودية أفق الحرية اللي يمكن أن تتحرك فيه أضيق من الأفق اللي هنا، فهذا طبيعي وأنا ما ألومهم بالمرة؛ لأن أمريكا حققت لهم بعض ما انحرموا منه في السعودية. النظام: أنا شخصياً أحب نظامهم وبغض النظر أي دولة فيها نظام أحب هالشيء، لكن لأن الموضوع يتحدث عن الأشياء اللي صدمتك في أمريكا أنا سردت اللي فعلاً ما حبيته هنا، لكن لو قلت لي وش الأشياء الجميلة في أمريكا، أكيد راح أسرد لك قائمة قد تكون أطول من القائمة السابقة.
2) فيه نوع آخر خصوصا من الشباب يحب أمريكا ويمجدها؛ لأنه لقى شيء هو في الأصل ممنوع عنه وين ما راح في أي أرض وتحت أي سماء، لكن ممنوع عنه في السعودية بالدين والعادات، وممارسته تحتاج إلى حذر ويكون في خفية. هذا الشيء وجده هنا مفتوح الأبواب دخولاً وخروجاً، وصار عنده تعظيم. كثير من الشباب (ما نقدر ننكر) يصاحب بنات، يدخل حانات، يشرب... وقد يصل الأمر لأكثر خصوصا في فئة الشباب الصغار طلاب البكلوريوس بالعادة. هذا النوع من الشباب حبه لأمريكا هو حب لنفسه؛ لأنه لقى مكانها المرغوب. وهذا النوع لو راح فرنسا، أسبانيا، راح يظل حبه العام للدول المنفحتة، وإنما أمريكا هي رمز بالنسبة له وليست كيان لحبه.
3) النوع الثالث هم النوع اللي تحدثت عنه سابقاً وهم النوع اللي يغالطون أنفسهم.
4) النوع الرابع هم نوع طلعوا من السعودية لمدينة دراستهم، ويعتقد أن هذا الجانب الحضاري غير موجود إلا في أمريكا.
هذي وجهة نظري، وللمحترمين تحياتي،،،
يعني احب امريكا لنفسي و كذا - 7 "وش ولايتك طيب ..؟ ترا امريكا قارة مو مدينة ولا مدينتين والاختلافات وفرق السما عن الارض بين بعض الولايات ! يا ليت يا شباب لما احد يتكلم يعلمنا وش ولايته عشان ناخذ الفكرةحلو هذا الموضوع:
أنا عشت في بريطانيا 3 سنوات، وكنت أسمع أن البريطان رسميين، وأن أمريكا فرندلي ومن هالكلام.
بعدما جيت أمريكا انصدمت، وحنيت لبريطانيا، وعرفت أن أكثر الشباب اللي يروحون أمريكا، تكون أمريكا هي وجهتهم الأولى ويصير مقتنع أن أمريكا هي أم الدنيا يمكن لأنه ما جرب بلدان أوروبا.
المهم صدمتي تتلخص فيما يلي:
1) الشعب (أكثره) وقح في تعامله، لا تقول لي أنه فرندلي، والله هي وقاحة، وفيه نوع من العباطة.
2) احترامهم للمسلمة أقل مما كنت أشوفه في بريطانيا.
3) الدكاترة في الجامعة حسب ما شفت حتى الآن تعاملهم جداً سيئ وما ودي أقول عندهم عنصرية ضدك كأجنبي لكن فيه عدم اهتمام بك مطلقاً، أنا في كلاسين من الكلاسات كان ما عندي ولا أجنبي وأنا الوحيد اللي في القاعة، الدكتور يتجاهلني كثييير، ومرة أرسلت له إيميل وقال لي: Check with your classmates وطبعاً السبب أنه كان عندي Misprint في نسخة الكتاب اللي عندي، فرقم السؤال كان خطأ ولما أرسلت أسأله قال شف زملاك!
4) فيهم خيانة وغش، لو أنت ما انتبهت لنفسك، راح يأكلونك... قبل مدة كنت في محل، وأعطيت المحاسبة فلوس ورجعت لي مبلغ أقل وحاسبته وقلت لها باقي، قالت: You are wrong قلت: أنا عطيتك عشرين والحساب 14 كيف ترجعين لي دولار! قامت تكملت مع اللي جنبها ورمت لي 5 دولار كأني أشحذ. موقف ثاني صاحب تكسي عطيته 100 دولار، ورجع لي دولار قال أنت أعطيتني دولار، قلت: أنا ما عندي إلا مية دولار كيف عطيتك دولار، ويمين يسار، قلت خلاص اتصل على الشرطة، قام طلع الجوال وطلع فلوس، ورجع لي 87 وشوي بعدما أخذ حق المشوار، ومواقف والله كثيرة منها المؤجر حق البيت وغيرها وغيرها.
5) إزعاج الجيران كثير، ولا تستغرب لو أحد دق عليك الباب ومشى، أو سمعت خبطة على الباب إلخ.
6) مواعيدهم اخرطي بمعنى (اخرطي) يقول لك موعدي معك 10 ويجيك 10:30، آخ بس سلم لي على البريطانيين، أما الأمريكان والله فيهم منا الكثير.
7) سواقتهم شوي عفشة، وعند الإشارة لازم تنتبه لنفسك فيهم عباطة شوي، وعجلة، ومو ملتزمين زي ما كنت أشوف في بريطانيا. أيضاً يحبون السرعة هههه
8) فيهم شغلة كرهتها من كل أعماقي: تطنيش للإيميلات من جد جدهم! وإذا رد عليك رد بعد ثلاثة أيام، وأنا والله اكتشفت هذا وأنا باقي في السعودية كنت أاراسل الجامعات ويتأخرون في الرد ومرة ما يردون، وكنت مستغرب جداً، لكن بعدما وصلت هنا عرفت الوضع. من تجربتي في بريطانيا: والله يا هم يعشقون الرد على الإيميل.
9) جامعاتهم (على الأقل جامعتي) غير مهتمة بك، كل يوم تكتشف أنت بنفسك أنه كان لازم أسوي كذا وأنا ما سويته، ما فيه أحد يوضح لك بعض الجوانب، وطلابهم فيهم غباء متجذر في خلايا عقولهم، ما يفهمون بسرعة يجننون الدكاترة.
10) فيهم ريحة ما أدري وش هي بالضبط بس والله إني أتفادى القروبات في الكلاس لأني ما أطيق ريحتهم أعوذ بالله.
11) مطاعمهم وسخة! مقارنة بمطاعمنا في السعودية ما راح أقول المطاعم اللي شفتها في أوروبا.
12) مناهجهم قوية بس دكاترتهم ما يعرفون يشرحون، والله كأني في السعودية.
13) النقل العام عندهم من جنبها، ومواعيده غير منضبطة، ووساخة إلخ.
14) وأخيرا ذابحتهم السمنة هههههه
باختصار: تجربتي في بريطانيا كانت أفضل بكثير، وكنت أقول راح أطول في دراستي في أمريكا، وسرعان ما غيرت رأيي، بأشتغل وأخلص بأسرع وقت بإذن الله.
تحياتي،،،
- كثير ما أسمع ياخي ذولي السعوديين مامنهم فايده ابتعرف على كوري او برازيلي واذا كان امريكي ممكن ينسى اصله7 "
بالأخير هو سعودي ويذم شعبه
الحمدلله على نعمه العقل - اهم شيء كلكم لاتنسون آي شي تعلمتوه زين من هناك تجيبوه لارض الوطن .. الوطن الغالي اللي بذل الغالي و الرخيص7 "
لكي يرتقي بمستواكم من الحسن الى الآحسن .. شدو الهمه لترتقو بدينكم اولا ثم بوطنكم .. بوركتم
بالطبع افضل طريقه لأخذ انطباع كامل عن اي امر هو سماع العديد والعديد من الآراء
الى ان يتكون انطباع شخصي حول ذلك الامر
واجهت كثير من الطلااب الي درسوا في بريطانيا وكثير من الطلاب الي درسوا في امريكا
من كلا الطرفين كان فيه آراء مختلفه منها المؤيد ومنها المعارض
لكن بطبيعه الحال وجدت ان امريكا اخذت النصيب الاكبر من ناحيه رضا الطالب عنها .