رد: ماهو اكثر شي صدمك في امريكا ؟
انا معاك بالنقطه 1 و3
بس يعني حفاضهم على دينهم مومعناته انهم اخذين موقف من المسلمين
بالعكس الناس في واشنطن دي سي وفيرجينيا تعاملهم معانا جدا راااقي وشعب بجد جدا راقي وبشوش ويحب المساعده
وبالنسبه للمكاعم بالعكس فيه مجموعه كبيره من المطاعم رااااقيه وحلووه واكلهم لذييييييذ
انصحك تجرب المطعم الصيني p.f.changs
وكاليفورنيا بيتزا كيتشن
وراح تدعيلي
وهذا مو معناته انه هذي المطاعم بس الحلوه بس مليان غيرها مطاعم حلووووه
وبالنسبه للشويسنق اااااااه عالشوبينق واسعار الماركات الي عندنا ماتنطق الا بالاف المألفه وعندهم صج غاليه بس مو اجرام زي الي عندنا
استغلي الفرصه قد ماتقدرين
انا الحين راجعه السعوديه وماني متحسره اكثر شي الا عالشوبينق هنا
والله الله في مارشلز وروز وبيرلنقتن والاوت ليت والله انها توسع الصدر خخخخخخخخخخخ
رد: ماهو اكثر شي صدمك في امريكا ؟
طريقة الردود في الموضوع خطأ
المفروض قبل ما تكتب ردك تكتب انت باي ولايه ولا مايكون فيه اي فايده
كانك تقول وش اكثر شيء صدمك في اسيآ
يجيك مدرعم يقول والله فقرا واكلهم بايخ وكلش وهو ساكن في فقر شرق اسيا
طيب رحت دبي عشان تتكلم ؟ رحت اليابان ؟
نفس الحاله هنا لان امريكا تعتبر قاره قبل ان تكون دوله واقتصادها ينافس الاتحاد الاوروبي + كل ولايه لها قوانينها الخاصه
ارجوكم ارجوكم ارجوكم اكتبو الولايه في بداية الرد لتعم الفائدة
رد: ماهو اكثر شي صدمك في امريكا ؟
الحين وش السالفه اقول قصه ولا اكتب الي صدمني بس ههههههههههههه
الي في بريطانيا يقول بريطانيا مرتبه واوربيين ومحترمين الي في امريكا نفس الحاله : )
بس انا ما امدح آمريكا ولا شئ لكن انا عايش في سان دييغو لي 9 شهور ولله الحمد والمنه ماصادفتني اي مشكله !
انا قريت كم رد للاعضاء ما ادري احس انهم مزودينها شوي انت جاي تدرس ولا تقعد تقييم خدماتهم ؟؟
من وجهه نظري اهم شئ قوة الشهاده عندي والراحه النفسيه , ياغريب خلك اديب : )
رد: ماهو اكثر شي صدمك في امريكا ؟
^^
المقصود
أنه من الممكن أن أي مبتعث أو دارس هناك تفاجأ بشيء لم يكن متوقعه أو متصوره ، أو كانت عنده نظرة أو انطباع أو حكم مسبق ولما راح هناك وجد العكس ، أو أي ملحوظة حتى لو كانت بسيطة لكنها فاجأتك أو صدمتك .. و كل هذا للأمور الإيجابية أو السلبية .
أنا هكذا فهمت الموضوع من خلال العنوان .. و هكذا فهمته من خلال صاحب الموضوع اللي ما ندري وين راح :)
و هي فكرة جميلة و موضوع يفترض فيه ن يكون حيوي و ممتع و مثري
لكن للأسف كعادتنا ، نضيع الموضوع في أمور غير ، و نضيع الموضوع في مناقشة آراء الآخرين ، و نضيع الموضوع في الاستغراب من صاحب الموضوع ، و يضيع الموضوع واحد مثلي مسوي حريص و محد داري عنه ، و يضيع الموضوع لأن ما هناك إشراف يحاول يثري القسم اللي مشرف عليه و يركز على الموضوع الحيوية و لا ألوم المشرفين الحاليين و لا ألوم أحد لكن مجرد أتمنى وجود مشرف بالصفة هذي
و السلام عليكم
أقفل الموضوع
رد: ماهو اكثر شي صدمك في امريكا ؟
موضوعممتاز بس الردود قليله ومعلومتها فيها شوي
رد: ماهو اكثر شي صدمك في امريكا ؟
اقتباس:
المشاركة الأصلية كتبت بواسطة السبيعيss
موضوعممتاز بس الردود قليله ومعلومتها فيها شوي
كمل الجملة وبعدين انتقد الناس على معلوماتها اللي فيها شوي...
رد: ماهو اكثر شي صدمك في امريكا ؟
اقتباس:
المشاركة الأصلية كتبت بواسطة ابن بيت آل هليلة
حلو هذا الموضوع:
أنا عشت في بريطانيا 3 سنوات، وكنت أسمع أن البريطان رسميين، وأن أمريكا فرندلي ومن هالكلام.
بعدما جيت أمريكا انصدمت، وحنيت لبريطانيا، وعرفت أن أكثر الشباب اللي يروحون أمريكا، تكون أمريكا هي وجهتهم الأولى ويصير مقتنع أن أمريكا هي أم الدنيا يمكن لأنه ما جرب بلدان أوروبا.
المهم صدمتي تتلخص فيما يلي:
1) الشعب (أكثره) وقح في تعامله، لا تقول لي أنه فرندلي، والله هي وقاحة، وفيه نوع من العباطة.
2) احترامهم للمسلمة أقل مما كنت أشوفه في بريطانيا.
3) الدكاترة في الجامعة حسب ما شفت حتى الآن تعاملهم جداً سيئ وما ودي أقول عندهم عنصرية ضدك كأجنبي لكن فيه عدم اهتمام بك مطلقاً، أنا في كلاسين من الكلاسات كان ما عندي ولا أجنبي وأنا الوحيد اللي في القاعة، الدكتور يتجاهلني كثييير، ومرة أرسلت له إيميل وقال لي: Check with your classmates وطبعاً السبب أنه كان عندي Misprint في نسخة الكتاب اللي عندي، فرقم السؤال كان خطأ ولما أرسلت أسأله قال شف زملاك!
4) فيهم خيانة وغش، لو أنت ما انتبهت لنفسك، راح يأكلونك... قبل مدة كنت في محل، وأعطيت المحاسبة فلوس ورجعت لي مبلغ أقل وحاسبته وقلت لها باقي، قالت: You are wrong قلت: أنا عطيتك عشرين والحساب 14 كيف ترجعين لي دولار! قامت تكملت مع اللي جنبها ورمت لي 5 دولار كأني أشحذ. موقف ثاني صاحب تكسي عطيته 100 دولار، ورجع لي دولار قال أنت أعطيتني دولار، قلت: أنا ما عندي إلا مية دولار كيف عطيتك دولار، ويمين يسار، قلت خلاص اتصل على الشرطة، قام طلع الجوال وطلع فلوس، ورجع لي 87 وشوي بعدما أخذ حق المشوار، ومواقف والله كثيرة منها المؤجر حق البيت وغيرها وغيرها.
5) إزعاج الجيران كثير، ولا تستغرب لو أحد دق عليك الباب ومشى، أو سمعت خبطة على الباب إلخ.
6) مواعيدهم اخرطي بمعنى (اخرطي) يقول لك موعدي معك 10 ويجيك 10:30، آخ بس سلم لي على البريطانيين، أما الأمريكان والله فيهم منا الكثير.
7) سواقتهم شوي عفشة، وعند الإشارة لازم تنتبه لنفسك فيهم عباطة شوي، وعجلة، ومو ملتزمين زي ما كنت أشوف في بريطانيا. أيضاً يحبون السرعة هههه
8) فيهم شغلة كرهتها من كل أعماقي: تطنيش للإيميلات من جد جدهم! وإذا رد عليك رد بعد ثلاثة أيام، وأنا والله اكتشفت هذا وأنا باقي في السعودية كنت أاراسل الجامعات ويتأخرون في الرد ومرة ما يردون، وكنت مستغرب جداً، لكن بعدما وصلت هنا عرفت الوضع. من تجربتي في بريطانيا: والله يا هم يعشقون الرد على الإيميل.
9) جامعاتهم (على الأقل جامعتي) غير مهتمة بك، كل يوم تكتشف أنت بنفسك أنه كان لازم أسوي كذا وأنا ما سويته، ما فيه أحد يوضح لك بعض الجوانب، وطلابهم فيهم غباء متجذر في خلايا عقولهم، ما يفهمون بسرعة يجننون الدكاترة.
10) فيهم ريحة ما أدري وش هي بالضبط بس والله إني أتفادى القروبات في الكلاس لأني ما أطيق ريحتهم أعوذ بالله.
11) مطاعمهم وسخة! مقارنة بمطاعمنا في السعودية ما راح أقول المطاعم اللي شفتها في أوروبا.
12) مناهجهم قوية بس دكاترتهم ما يعرفون يشرحون، والله كأني في السعودية.
13) النقل العام عندهم من جنبها، ومواعيده غير منضبطة، ووساخة إلخ.
14) وأخيرا ذابحتهم السمنة هههههه
باختصار: تجربتي في بريطانيا كانت أفضل بكثير، وكنت أقول راح أطول في دراستي في أمريكا، وسرعان ما غيرت رأيي، بأشتغل وأخلص بأسرع وقت بإذن الله.
تحياتي،،،
نظرة واقعية وناضجة ... مع اني مارحت امريكا قبل كيذا ...
لكني مااصدق اي كلمة ايجابية لين اشوف بنفسي >>>>>متشائمة ...
حابة اضيف على كلامك ...
اخواتي واخواني ... مافيه أي مكان بالدنيا كامل , كل مكان تروح له بتحس فيه نقص ..
حتى غرفتك في بيتكم اللي اخترت كل شي فيها ... بتلقى فيها اشياء ناقصة ..
الباحث عن الكمال ... شخص مريض نفسيا ..مع احترامي , ولا اقصد الاهانة ..
وكون الاستاذ الفاضل .. تكلم عن بعض السلبيات ..مو دليل ان امريكا مافيها ايجابيات ...
ممكن نشوف الحرية اللي نتنماها طول حياتنا ...بس بنفس الوقت نتنازل عن شرط نظافة الاكل اللي متعودين عليها ...عادي هي كيذا الحياة .
رد: ماهو اكثر شي صدمك في امريكا ؟
والله يا اختي كلمة الحرية اكثر كلمة فضفاضة في التاريخ وكل يفصل الحرية على مقاسه
من عندي اقول لك حرية طل
الحرية ما يعرفونها الا لما تكون في صالحهم بس لما تكون ضدهم ترى عمرهم ما سمعوا بـ هالمصطلح
النظافة ودعيها توديع نهائي لما تطلعي من السعودية
قسم قسمات يا ان فيهم من الوسخ ما الله به عليم
كل شيء تمسيح في تمسيح سالفة انك تغسلي بلاط البيت و تلمعي دورات المياه اعزك الله هذي في المشمش
بس كلامك بطل
مو قصدي انك بطلة عشانك متشائمة بس حلو انه يكون عندك النظرة الوسطية للامور
رد: ماهو اكثر شي صدمك في امريكا ؟
والله حياتهم مرض ههههههههههههههه
هم وغم وتحس بقلق سبحان الله فيهم بشاشه بس ماقدرت ادخل معاهم في داخلي يبعدنى عنهم
و لافيها شي مميز روحت كذا بلد اشوفها افضل من امريكا
رد: ماهو اكثر شي صدمك في امريكا ؟
اقتباس:
المشاركة الأصلية كتبت بواسطة Omar AS
طريقة الردود في الموضوع خطأ
المفروض قبل ما تكتب ردك تكتب انت باي ولايه ولا مايكون فيه اي فايده
كانك تقول وش اكثر شيء صدمك في اسيآ
يجيك مدرعم يقول والله فقرا واكلهم بايخ وكلش وهو ساكن في فقر شرق اسيا
طيب رحت دبي عشان تتكلم ؟ رحت اليابان ؟
نفس الحاله هنا لان امريكا تعتبر قاره قبل ان تكون دوله واقتصادها ينافس الاتحاد الاوروبي + كل ولايه لها قوانينها الخاصه
ارجوكم ارجوكم ارجوكم اكتبو الولايه في بداية الرد لتعم الفائدة
والله انت الكويس هههههههههههههههههه
من جد اكتبو ولايه حقتك وبعدها اكتب الي تبي
تره كل ولايه في امريكا تختلف عن الثاني زي اصابعك تره
ام يجي واحد يكتب ويسب امريكا قسم بالله تحطيم
بيجي واحد بيطلع امريكا بيشوف ردودكم بيكره امريكا قبل لا يطلع ويمكن مايروح هههههههههههههه
ياليت كل واحد يكتب اسم الولايه
بالتوفيق للجميع"