طقت تسبدي وأنا أركض بأوراقي ولا فيه فايدة..!والحل تكفون
السلام عليكم ورحمة الله وبركاته
ياجماعة الخير انا لي اكثر من 5 شهور وانا احوس ولا دبرت نفسي
سالفتي ياجماعة أني ابي اطلع على حسابي الخاص زين
رحت لمكتب عندنا بالجوف وهو المكتب الوحيد مكتب سحاب
وعطاني اسعاره بالابتعاث وانا ناوي اروح لأمريكا طبعاً
خدمات هالمكتب اعجبتني بالرغم انها غاليه شوي بس الشكوى لله مافيه غيره
المهم انه يأمن سكن مع عائلة وشخص يستقبلك بالمطار يعني ماتضيع
حجز طيران وجبتي فطور وعشاء تأمين الكتب الدراسية رسوم الشهادة رسوم الخدمة والضرائب
تعبئة نماذج التأشيرة ...
وأنا ترى ما أدري هل كل المكاتب كذا ولالا لأني أول مكتب اروح له ومارحت لغيره
على العموم قدمت اوراقي عليه واخذ 17 الف مقدم وأخذ مشهد بنكي بمبلغ 80 الف
وأخذ شهادتي الأصل الثانوية :(
وأنا مدري وش الحوسة خبركم عليمي ولا اعرف شي;)
وقال بعد سبوعين ارد لك وتراه ياساتر على كلامة والله حطيت 90 % اني منقبل ان شاءالله وضابطه اموري
المهم بعد سبوعين اتصل علي ازيك يوسف رفضتك الجامعه;) ويالليل مطولك والمصيبة الكبرى
قالي اسمع جب شهادة الأصل الثانوية ثانية وجب مشهد بنكي عشان اقدم لك على جامعه ثانية :mad:
يعني شهادتي الأولى ولت يعني هفت:D
وشكيت بوضع هالمكتب قلت والله شكلة ماهو كل هذا يبي يضيع شهادتي الثانية ابو الشباب
المهم وهي تضيق بي الدنيا والحل والحل قلت ابي اروح له وافهمه كل شي ورحت له وقلت له يارجال مستحيل
اعطيك شهادتي الأصل ثاني مره انا اخذت تعهد من ادارة التعليم ومن هالسوالف وقلت له اذا تبي طبق الأصل اعطيك
قال خلص جب طبق الأصل ومشهد بنكي وقرادة والله العظيم اني انقردت قرادة اروح واجي وحالتي حاله
وهذي سالفتي ياجماعة الخير هو صدق مره وحدة رفضتني الجامعة ماقدمت الا على جامعه وحده بس تحطمت صراحه
قلت ياولد مافيه حل وترى نسبتي الثانوية طايحه عشان كذا 68 % علمي ...\
وأنا راسلوني ناس ويقولون اجيب لك قبول جامعي ومن هالسوالف الحين اللي ابي افهمه بالضبط
طيب أنا ابي سكن مع عائلة استقبال بالمطار نفس خدمات المكتب زين طيب لو اخلي مثلآ احد يجيب لي قبول جامعي
أقدر اعطيه المكتب ويضبط اموري ولا شلون لأن القبول اللي موقفني
أعتذر عن الأطالة لكن صار لي مدة وأنا احوس ولا طلعت بشي فيدوني عطوني شي يساعدني :D
ترى طقت تسبدي قسم بالله:(
رد: طقت تسبدي وأنا أركض بأوراقي ولا فيه فايدة..!والحل تكفون
اذا انت بكالوريوس ترى أمورك جداً سهله ولي رجعه لك ان شاء الله
لا يضحك عليك المكتب وانا أخوك ويدفعك مبلغ كبير انت ممكن توفر نصفه في جيبك
رد: طقت تسبدي وأنا أركض بأوراقي ولا فيه فايدة..!والحل تكفون
اي والله انا بكالوريوس وينها الله يرضالي عليك سهلة
انا يارجال 5 شهور وانا احوس وين السهلة
اي والله ارجع وانا اخوك وساعدني لاهنت
رد: طقت تسبدي وأنا أركض بأوراقي ولا فيه فايدة..!والحل تكفون
رد: طقت تسبدي وأنا أركض بأوراقي ولا فيه فايدة..!والحل تكفون
اخوي احسن حل لك تبتعد عن المكاتب النصابين وتشوف لك واحد من المبتعثين اللي يجيب لك قبول بأسرع وقت وانت امورك سهله لانك بكالوريوس
وبالنسبة للسكن والامور الباقين سهله لا تشيل همها اذا وصل قبول الجامعه تروح لمكتب ويظبط امورك وفيه مكاتب كثيره تظبطك واسعارهم معقوله ويجيبون قبول جامعه بشكل سريع لك
لو حاب افيدك راسلني بالخاص افيدك باسم الشخص لانه ممنوع احطه هنا
رد: طقت تسبدي وأنا أركض بأوراقي ولا فيه فايدة..!والحل تكفون
ثبات لك رسالة على الخاص ماقصرتو جميعاً
على العموم انا توني جيت من المكتب وعطيته اوراقي مره ثانية
وطبعاً انا اول ابغى تخصص حاسب آلي ...
وقالي بما ان نسبتك بالحاسب الآلي منخفضة وش رايك تغير التخصص
وسألته قلت هل بأمكاني اختيار اي تخصص قال ايه ولو تبي بس قبول بأي تخصص
راح أجيب لك جازت لي الفكره صراحه:D
وسألته أقدر بعدين التحق بالبعثة قال ايه اهم شي تكون الجامعه معتمده
بالرغم اني انا دخلت وزارة التعليم العالي وحاطين التخصصات المطلوبة
هي فقط قانون وعلوم طبيعية وحاسب آلي ومحاسبه وطب
ف ماأدري لو يجيب لي تخصص مثال إدارة اعمال توقعون اقدر التحق بالبعثه
ولا هالتخصص مايفيدني ّ!!!!!
رد: طقت تسبدي وأنا أركض بأوراقي ولا فيه فايدة..!والحل تكفون
اقتباس:
المشاركة الأصلية كتبت بواسطة uosef
ا
على العموم قدمت اوراقي عليه واخذ 17 الف مقدم وأخذ مشهد بنكي بمبلغ 80 الف
17 ألف ومقدم بعد؟ أنت تبي تشتري جامعة وإلا تدور قبول؟ ترى بعض المكاتب تجيب لك قبول بـ5000 ريال مع تأمين عائلة واستقبال في المطار ... إلخ .. وبعض الأخوان هنا
يجيب قبولات بمبالغ مشابهة.
رد: طقت تسبدي وأنا أركض بأوراقي ولا فيه فايدة..!والحل تكفون
أنشهد انه 17 الف الله لاتعيدها:D
والله ياليت القى مكاتب مضمونه وزينه
انا الآربعاء رايح لجدة عشان ادور مكاتب
ياليت احد يساعدنا بمكتب مضمون ومعروف
ويجيب قبول ويضبط اموري
وينه اللي يجيب قبول جامعي والله لاعطيه اتعابة
بس ماشفنا احد
رد: طقت تسبدي وأنا أركض بأوراقي ولا فيه فايدة..!والحل تكفون
17 الف عشان القبول بس!؟؟؟
ياخي عطني 1000 وجيب لك قبول جامعة ومعهد ( راسلني بالخاص بس ) وماابي الالف هههههههههه
اقول رح له وقل له ماابي قبول عن طريقك هات 17 الف
رد: طقت تسبدي وأنا أركض بأوراقي ولا فيه فايدة..!والحل تكفون
هلا بأهل الشمال و بالاخص اهل سكاكا :)
هي نصيحة وانا خوك لا تجي الا و الواسطة معك
صدقني بتحتااااااجها و اسأل مجرب ../
و انصحك تختار ولاية في الشرق و انصحك في ولاية
ماساتشوستس بوسطن وترا اهل الشماااال بها واجد ..
موفـــق!
