الله يعطيك الف عافيه ماقصرتي موضوع رهيب صراحه
تعجبني مواضيع التجارب الشخصيه أحسها أحسن و أمتع و أصدق في نفس الوقت
نحتاج مواضيع زي كذا كثير
بس في نقطتين حكتني يدي فيها و لازم اعلق :(
1 - جلست 70 ثانيه عشان اخمن ايش تطلع كلمه ( بيريد )
2 -
اقتباس:
معروف انه المفتاحين الرئيسيين لـ تعلم اي لغة هي الاستماع و القراءة بعكس ما احنا نظن !! اجيد الانجليزية تحدثا و كتابة اللي يتكلم مو ضروري يسمع كويس او يفهم اللي قدامه لما يتكلم بـ سرعة لكن اللي يسمع اكيد يتكلم و بـ طلاقة و مسألة التحدث في اللغة تعتمد بس على شجاعة المتعلم لا اقل و لا اكثر اللي يقرأ يعرف يكتب كتابة علمية بحتة بـ عكس اللي يكتب كويس مو بـ الضرورة انه يكون اسلوبه الكتابي ممتاز الا ان كان رب العباد اعطاه ملكة الكتابة بـ الفطرة
المصدر: http://www.mbt3th.us/vb/newreply.php...#ixzz28wvfOrMk
حفاظاً على حقوق الكاتب نرجو عدم حذف المصدر مبتعث
معروف ان المفتاحين الرئيسيين لـ تعلم إي لغه هم الإستماع و القرآءه صحيح
بس في النهايه ترا معيار اتقان إي شخص للغه هيا التحدث و الكتابة لسبب بسيط جدآ
لأنه محد يهتم إذا كنت تسمع و تقرأ كويس :confused:
في المقابل أصلا إي شخص يتكلم هو في الإساس متقن للإستماع عشان كذا تطورت عنده مهاره التحدث
وإي شخص يكتب هو في الإساس قارىء جيد
ومو شرط ان اللي يسمع كويس يعرف يتكلم كويس
أتفق معاك في مسأله الكتابه الأكاديميه لأنها علم وفن ولها أسس
و في شيء مهم مسأله إتقان اللهجه اللي مالها دخل في إي شيء غير رغبه المتحدث لتحسينها
المشكله اللي تواجهنا هي بعض الكلمات خصوصا الطويله اللي فيها اصوات تجي ورا بعض
هاذي الأصوات مستحيل تجي ورا بعض في لغتنا فالموضوع يحتاج بس تمرين حتى نتعود على نطق هاذي الاصوات بالتتابع
زي كلمه مثلا Congratulations فقط قسم الكلمه و أنطقها بشويش و راح تزبط معاك إن شاء الله
لهجتك اذا كانت كويسه راح تعطي انطباع اول ممتاز عن مستواك في اللغه
وزي ماقلت في البدايه المسأله مالها دخل الا برغبتك فقط أغلب دكاترنا لهجتهم سيئه و هم مألفين كتب في علم اللغه
كل اللي صار انهم ما اهتموا في تحسين سالفه اللهجه و مخارج الحروف
عالعموم نحنا كعرب و خصوصا كخليجيين ترا حضنا كويس مخارج الحروف عندنا مره ممتازه تقدر تتقن اللهجه بسرعه اذا حبيت و ركزت شوي
و اعتذر عن رداءه الشرح بس جد مافيني حيل و بالتوفيق للجميع