HELP ... أحتاج خبرتكم

السلام عليكم ..
انا لسى طالبه بالثانوي وهاذي اخر سنه لي وان شاء الله مقرره السنه الجايه اروح أمريكا

ف كنت اقرا كثثير عن الابتعاث والملحقيه وكل شي عنهم, بس للأسف فيه ناس يقولون شي وناس يقولون شي ثاني

يعني مررره متلخبطه ما ادري كيف الشغله ولا وش اسوي, لأني صراحه ناويه اشتغل واقدم أوراقي بعد نهايه السنه على طول.. ما ابغى يضيع علي الوقت اذا القبول وصل أو ل

اأولا بحاول اجرب حظي بالملحقيه, اذا ما نفع راح اسافر على حسابي الخاص..

بس عندي مليووون سؤال يدور بمخي..

يعني نفترض ان الملحقيه ما قبلت لأنه بحد علمي أغلب المبتعثين يروحون على حسابهم الخاص اول شي لأن الملحقيه تتأخر بالرد ويمكن تضيع عليهم فرصه القبول بالجامعات أو المعاهد هناك

الأرجح اني بروح على حسابي, بس كيف اقدم أوراقي هناك؟ اروح للملحقيه ولا عن طريق النت؟

وعلى اي أساس اختار الولايه؟ أو الجامعه و المعهد؟ وهل اذا انقبلت بالبعثه الوزاره نفسها تختار الولايه والجامعه ولا انا اختارهم؟

واذا رحت على حسابي الخاص بعدها انقبلت يعطوني تعويضات؟

كم اسعار المعهد والسكن بتصير بالبدايه؟ يعني لو تقريبا وهل السكن أفضل بالمعهد نفسه أو بشقه خاصه؟

الحين انا مفترضه ان الملحقيه ما راح تقبل الا بعد كم شهر واخاف يبدأ المعهد ويروح علي سيمتر وانا جالسه انتظر رد الملحقيه

منتظرتكم ..!!

وعليكم السلام ورحمة الله وبركاته

حبوبه اما انك تقدمي عن طريق برنامج الملك عبدالله للابتعاث (اتوقع في المراحل الجديده انتي تجيبي قبول المعهد ..!)


او انك تروحي على حسابك . ( تجيبيي قبول لغه وجامعه والافضل في المعاهد والجامعات المعترف فيها عشان مايكون فيه حجه للرفض )

وبعدين تسوي طلب موافقه للدارسه على حسابك في الوزاره ولما يجيك القبول تفتحي حساب في الملحقيه ( تفتحي الحساب لما توصلي مقر الدارسه) وتبدأي عاد اجراءات الانضمام (مافي مده معينه للانضمام انتي ونصيبك)

* اختيار المعهد والجامعه الافضل انك تشوفي الجامعات اللي فيها التخصص اللي بتدرسيه ودوري معاهد حولينها ( ممكن تدرسي المعهد في مكان والجامعه في مكان) بس اذا انضميتي وكان المعهد او الجامعه معترف فيها مايحتاج انك تغيريها..

الملحفيه ماتختارلك الجامعات لانك انت بتدوري على القبول وهم بس عليهم الموافقه..

اسعار المعاهد تختلف يعني اذا معهد تجاري زي ELS تقريبا الشهر 1700$ وعليها اما اذا المعهد اكاديمي (تبع جامعه ) تختلف الاسعار (تقريبا 4 اشهر 4000$ وعليها _امكن فيه اقل مادري_)


بالتوقيق

خذي لك جوله في المنتدى واقرأي وابحثي وبعدها ستجدين اجابات لأسئلتك

اختي انتي شكلك فاهمه الموضوع غلط اول شيء التقديم يكون للوزارة مو للملحقية اذا فتحوا التقديم للمرحلة التاسعه لبرنامج الإبتعاث تقدمين عليه ولو كانت الشروط حقتهم مطابقة عليك اللي اهمها نسبتك في الثانوي راح تطلعين ابتعاث من السعودية ان شاء الله

لو لا سمح الله كانت نسبتك منخفضة في السعودية امامك خيار ثاني وهو انك تأخذين موافقة من الوزارة على انك تدرسين على حسابك الخاص وهذي لها متطلبات وموجوده في موقع الوزارة وبعدين تطلعين لبلد الإبتعاث اللي تبين تدرسين فيه وقبل كل شيء لازم يكون عندك قبول المعهد والجامعه واول ما توصلين بلد الإبتعاث تفتحين ملف في الملحقية وتنتظرين الفرج :)

طبعاً انا عطيتك النقاط الرئيسية اللي لازم تعرفينها عن الإبتعاث ..

بالنسبة لموضوع السكن يختلف اسعاره من ولاية الى ولاية فيه ولايات غاليه مثل كاليفورنيا على سبيل المثال وفيه ولايات رخيصه مثل أوهايو ..

اما موضوع التعويض خلينا نقول انك درستي في المعهد سميستر وانتهى وبعدين ابتدأ السميستر الثاني ودفعتي فلوسه وفي وقت ما انتي تدرسين في السميستر الثاني تم إلحاقك .. هنا راح يعوضونك عن السميستر الثاني فقط ..

اتمنى اني اجبت على كل تسأؤولاتك ولو فيه شيء ثاني حنا في الخدمه لك ولكل الأعضاء في الشيء اللي نعرفه ونقدر نجاوب عليه ..

مشكوورين جميعا ويعطيكم العافيه.. بحاول القى معلومات زياده عن هالموضوع

بسم الله
بالتوفيق في حياتك